„Можете да речете ‘злоставувани’, но тие деца беа возбудени што се таму“

Американската пејачка и актерка Барбара Стрејсенд се нашла на мета на остри критики поради изјавата во која ги релативизирала обвиненијата за сексуално злоставување на деца изнесени на сметка на Мајкл Џексон во документарецот „Lеаving Neverland”.

Стрејсен во интервју за британскиот „Тајмс“ изјавила дека апсолутно верува во она што го изјавила во филмот Вејд Робсон и Џејмс Сејфчак, кои го обвиниле кралот на попот дека сексуално ги злоставувал на својот ранч кога биле мали деца, но додала:

„Можете да речете ‘злоставувани’,но тие деца, како што и ги слушнавте самите изјавуваат дека биле возбудени што се таму. Двајцата се оженети, двајцата имаат деца, така да тоа искуство не ги убило“.

„Неговите сексуални потреби биле негови сексуални потреби, кои се производ на детството кое го имал или на неговата ДНК. Жал ми е за децата. Жал ми е за него" – изјавила Барбара Стрејсенд.

Пејачката смета дека и родителите на Робсон и Сејфчак им овозможиле на синовите да бидат злоставувани.

„Ги обвинувам родителите кои дозволиле нивните деца да спијат со него. Зошто на Мајкл би му требале деца облечени како него“ – запрашала Стрејсенд.

Нејзините изјави предизвикале лавина негативни коментари на социјалните мрежи, а се огласил и режисерот на филмот „Leaving Neverland”, Ден Рид.

„Не ги убило, дали навистина го изјави тоа Барбара Стрејсенд? Неговите сексуални потреби биле негови сексуални потреби. Дали педофилијата се толерира во делови од индустријата за забава? – запраша Рид на твитер.

Барбара Стрејсенд реагирајќи на критиките, се огласила преку пишана изјава во која навела дека не постојат околности во кои е во ред било кој да искористува деца.

„Приказните кои овие две момчиња ги раскажаа се болни и за нив имам само сочувство“ – истакнала американската пејачка.

Во Сибир пронајдена глава на волк стара 40 илјади години

Сочувана глава на волк од леденото доба, кој најверојатно починал пред 40.000 години, пронајдена е во Сибир.

Поради студот и мразот, остатоците се во одлична состојба, па може да се видат крзното, забите, мозокот и другите делови на главата.

Станува збор за животно од древен подвид на волци, што живееле во исто време со мамутите и изумреле во приближно ист период.

Научниците проценуваат дека станува збор за возрасен волк, кој бил за околу 25 отсто поголем од денешните просечни волци.

Од ебола во Конго починале 1400 луѓе

Светската здравствена организација(WHO)  смета дека нема потреба од прогласување на вонредна состојба во Демократска Република Конго поради болеста ебола од која за една година починале 1400 луѓе.

Од Комитетот за вонредни состојби на „ WHO“ наведуваат дека не се исполнети критериумите потребни за прогласување на глобална криза, но укажуваат дека се итно потребни 27 милиони долари за борба против епидемијата.

Деновиве епидемијата на ебола од која во Африка редовно умираат илјадници луѓе се проширила и во Уганда.

Во Уганда се регистрирани три случаи на ебола. Од последиците на болеста починало едно петгодишно дете.

Од последиците на вирусот ебола во периодот 2014 -2017 година во Гвинеја, Либерија и Сиера Леоне починале повеќе од 11000 луѓе а биле заразени 30 000 лица.

Видео: Што прави овој човек

Што прави овој атлета од Ниш, нешто што никој пред него не го направил. Изгледа навистина лудо и опасно. 

За едни неговиот потфат е за воодушевување, за други пак голема лудост .

На интернет се појави видео на кое може да се види како силно момче прави згибови на кров на Застава 128 додека таа се движи низ улиците на градот.

Момчето успеала во својата намера , откако металната конструкција за заварил за кровот на автомобилот и започнал да прави згибови.

притисни ентер