Шоу биз

Британската ѕвезда тврди: Ми уништи деценија од кариерата

Британската актерка и ѕвезда на “Игра на тронови“ Лена Хеди изјавила дека студиото „Мирамакс не и давало улоги поради тоа што одбила да има сексуални односи со холивудскиот продуцент Харви Вајнстин.

„Откако е откриен, почнав да размислувам. Можеби тоа што не бев со него имаше влијание на мојата работа цела деценија. Затоа што пред овие инциденти работев на два проекти за Мирамакс (чиј сопственик бил Вајнстин), а после тоа ништо“ – изјавила Хеди, а пренесе „Индепендент“.

Повеќе десетина жени, меѓу кои и познати актерки, го тужеа Вајнстин за силување и сексуално вознемирување.

Британската ѕвезда и претходно зборуваше за своите искуства со Вајнстин, како и многу други јавни личности, но тој сите обвиненија ги негираше.

Хеди изјави дека Вајнстин прв пат го сретнала на филмскиот фестивал во Венеција во 2005 година, кога откако ја одвел на прошетка покрај каналите “направил сугестивен коментар и гест“.

Изјавила дека години подоцна го сретнала во Лос Анѓелес, каде и поставувал прашања за нејзиниот љубовен живот.

„Не ме интересира ништо друго освен работата, немојте да мислите дека со вас би влегла во лифт од некоја друга причина“ – ја раскажала таа сцената кога Вајнстин ја повикал во хотелска соба за да и го покаже сценариото.

Тврди дека подоцна и рекол на “никого да не му каже за ова“.

Македонија

Сајкоски: Да донесеме уште поголема победа на 8 мај за просперитетна влада на ВМРО-ДПМНЕ

Да донесеме уште поголема победа на 8 мај за просперитетна влада на ВМРО-ДПМНЕ која ќе ја носи Македонија напред.

Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови.

Ве повикуваме, приклучете се да донесеме уште поголема победа во вториот круг.

Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.

Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред.

Ѓорѓија Сајкоски, генерален секретар на ВМРО-ДПМНЕ и носител на изборна единица 5

Центар за комуникации на ВМРО-ДПМНЕ

Регион

Хаос пред градското собрание во Тирана, фрлани молотови коктели врз објектот

Молотови коктели и други запаливи средства врз објектот на градското собрание во Тирана, фрлаа учесниците на протестот организиран од опозициските демократи-приврзаници на Сали Бериша.

Поради сериозноста на состојбата зголемено е присуството на полициските трпи, кои на учеснците во протестот не им дозволија насилно да влезат во објектот а во гаснењето на пожарот учествуваше противпожарна единица.

Ова е четврти по ред протест на „Иницијативата за обнова на ДП“, поддржан и од Партијата на слободата на Илир Мета, како и Алијансата за заштита на театарот, на кои се бара оставка на градоначалникот Ерион Велиај.

Барањето за негова оставка се бара по откривањето на скандалот за злоупотреба на државни средства, за што, по налог на Специјалнорто обвинтелство против организиран криминал и корупција, СПАК, се уапсени десеттина високи раководители во општината, блиски соработници на Велиај.

-Правдата ќе биде задоволена, бидејќи граѓаните се на нозе! Никогаш нема да отстапиме од нашата борба, порачаа дел од оние кои се обратија до сега на протестот.

Организаторите бараат од полицијата да им се дозволи протестот да продолжи до 20 часот.

Здравје

Крводарителска акција во Уставниот суд по повод 60 години од своето постоење

Под мотото „Биди хуман - спаси живот” Уставниот суд организира крводарителска акција што ќе се одржи на 30 април, во периодот од 9 до 14 часот, во просториите на Судот.

-Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење. Организирањето на оваа хумана активност е иницијатива на вработените од Судот и досега се пријавени околу 30 дарители од Уставниот суд, соопштија од Судот.