Заев нагласи дека Македонците во државата не треба да се плашат дека некоја албанска партија или албански пратеник бараат да се загрози идентитетот.
Ниту пак, рече, треба Албанците да се плашат дека некој сака да ги именува како Македонци.
Заев откри дека пратеникот Панчо Минов од ГРОМ ќе гласа за уставните измени но не можеше да потврди и за Елизабета Канческа, за која се шпекулира во јавноста дека се колеба.
Рече дека не може да тврди дека има 80 пратеници што ќе гласаат, но оти е оптимист дека ваквата бројка ќе се постигне.
Доколку тоа не биде случај, најави дека ќе се понесе одговорност.
Заев очекува гласањето за уставните измени да биде денеска, или најдоцна утре.