Георгиев: Цар Самуил својот легитимитет го црпи од Бугарската царска круна

Не се согласувавме  со бугарската страна дека сите што живееле на територијата на Самуиловата држава биле Бугари тврди за Kанал 5 Драги Георгиев претседателот на експертската комисија.

Не се согласувавме со бугарската страна дека сите што живееле на територијата на Самуиловата држава биле Бугари тврди за Kанал 5 Драги Георгиев претседателот на експертската комисија која ги води преговорите за усогласување на историите на двете држави.

Но се согласивме околу фактот дека Цар Самуил својот легитимитет го црпи од Бугарската царска круна

„Околу третирањето на поданиците на таа држава, ние не можеме да се усогласиме дека сите биле Бугари кои влегувале во таа држава, бидејќи опфаќа голема територија и голем број на заедници и народи во тоа време кои не можат да бидат заведени под етничко име Бугари“,вели Георгиев.

Следниот состанок на комисиите во кои членуваат експерти од двете држави треба да биде на крајот на февруари. Георгиев е оптимист дека ќе се најде заеднички јазик и за Цар Самуил.Иако бугарскиот професор Иван Илчев тврдеше дека македонската страна била ,,тврда,, во преговорите и ги застапувале тезите на македонизмот и дека во Македонија цели поколенија се воспитувани со митови и легенди.

Комисиите досега се договорија дека и македонската и бугрската страна имаат поеднакво право на делото на Глигор Прличев,оти тој е дел од заедничката историја , а во план е и заеднички да го празнуваме и денот на светите браќа Кирил и Методиј – 24 мај.

До сега се оджаа три состаноци на експертското тело кое беше формирано согласно Договорот за добрососедство и соработка меѓу двете земји.

Во Србија на тромеѓето со Македонија и Бугарија откриена златна жила со 19 тони злато

Во истражувањето на минералното богатство наречено проект Тламино, Медголд пронашол и слој на руда од 40 метри, во кој има 8,32 грама злато на тон и скоро неверојатни 193 грама на тон сребро.

Канадската истражувачка компанија „Медголд ресурси" навести дека во јужна Србија, на границата со Македонија и Бугарија, во рамките на проектот наречен „Тламино", открила прелиминарни резерви од околу седум милиони тони руда, со околу 680.000 унци, или близу 19,3 тони злато, во вредност од нешто повеќе од милијарда долари, јави дописникот на МИА од Белград.

Тие најавија изработка на прелиминарна физибилити студија, која треба да ги потврди овие резултати.

Со проектот „Тламино", како што е утврдено, содржината на злато на тоа место, во просек, е околу три грама на тон. На пример, лежиштата со грам злато на тон, доколку се придружени со соодветни количини руда, се сметаат за профитабилни.

Прелиминарните студии за изводливост, како и дополнителни металуршки студии ќе ги изработуваат компании од Велика Британија, бидејќи постојат сериозни индикации дека на тоа место постои далеку поголемо количество од тој скапоцен метал.

Во истражувањето на минералното богатство наречено проект Тламино, Медголд пронашол и слој на руда од 40 метри, во кој има 8,32 грама злато на тон и скоро неверојатни 193 грама на тон сребро.

Во исто време, канадската геолошка компанија Тедијан која трага за лежишта на метална руда во Србија, Бугарија и Косово објави дека постигнала договор за купување на српската геолошка компанија ЕФПП, која поседува права за истражување на местата Кижевак и Саставци, во околината на Рашка, каде порано се наоѓале рудници за сребро и цинк, објавија „Вечерни Новости".

Белгиската полиција уапси лице кое се вратило од патување во Македонија и не ги почитувало санитарните прописи

-Лицето беше веднаш уапсено и ставено во карантин, соопшти градоначалникот Верле Баејенс.

Белгиската полиција уапсила еден вработен во фирма од Хаалтерт, кој бил во посета на Македонија и се вратил на работа без да ги почитува санитарните прописи за Ковид -19 кои се во сила во Белгија, јави дописникот на МИА.

-Лицето беше веднаш уапсено и ставено во карантин, соопшти градоначалникот Верле Баејенс.

Според градоначалникот на Хаалтерт, работникот не го пополнил формуларот по неговото враќање од Македонија која е во црвената зона на Ковид-19, и не ја почитувал обврската да се стави во задолжителен карантин. Постапката на полицијата според него е брза и соодветна.

-Лицето беше тестирано и резултатите ќе бидат познати во текот на денот. Во зависност од нив, ќе бидат преземени и мерки во претпријатието, додаде градоначалникот.

Преторијатието и вработените беа информирани за настанот, а несовесниот работник, ризикува и парична казна за непочитување на мерките против Ковид-19.

Арсовски: Универзалниот снабдувач на струја плаќа обезбедување по двојно повисоки цени од порано, дали разликата завршува во џебовите на власта?!

 Неколку дена има целосен молк за сомнежот за испумпање на пари од универзалниот снабдувач на струја преку струмичка компанија за обезбедување поради што граѓаните ќе плаќаат многу поскапа електрична енергија.

Поскапата струја значи повисоки приходи за универзалниот снабдувач и повеќе пари за струмичката фирма односно агенција за обезбедување, преку која што парите стигаат кај семејството Заеви.

Фактите до сега говорат дека само за обезбедување струмичката агенција добила 17 милиони евра само од универзалниот снабдувач, а вкупно 21 милион евра од универзалниот снабдувач и државата заедно. Ако некој се сомнева зошто се плаќа повисока цена на струја треба да се знае дека се работи за бизнис интереси на власта и на семејството Заеви. А, денес откриваме нови детали.

Порано универзалниот снабдувач плаќал помали суми за услуги кои сега струмичката фирма ги плаќа во милионски износ повеќе. Деталите се следни:

Агенцијата за обезбедување чиј газда е струмичанец, и преку која постојат сомнежи дека се испумпуваат пари за семејството Заеви, е фирмата која го склучила најголемиот договор од видот услуги со универзалниот снабдувач со струја, во последните неколку години. Имено договорот склучен на 28.06.2019 година, е со висина од 12 милиони евра.

Што обезбедува оваа струмичка агенција за обезбедување, па за истото треба да треба да и се исплатат 12 милиони евра, ако се знае дека истата претходно извршувала сличен вид на услуги кои ги добивала преку три тендерски постапки и тоа на 16.03.2018 година, договор во висина од 800 илјади евра, на 30.04.2018 година, договор во висина од 1 милион и 800 илјади евра, и договор склучен на 22.02.2019 година во висина од 2.5 милиони евра, сите три за услуги за обезбедување и тоа вкупно за 5 милиони евра?!

Што се сменило во 2019 година, за разлика од 2018 година па истите услуги се платени повеќе од двојно поскапо?!

Дали станува збор за покачена маржа од која профит треба да има некој од власта, или за нешто друго?! Треба да одговорат институциите.

Дали разликата во маржи завршува директно кај семејството Заеви?!

И ова треба да биде предмет на испитување и да се докаже.

Граѓаните очекуваат одговори, затоа што ова се нивни пари, кои тие ги плаќаат преку сметките за струја, а поради кои сега имаме и покачување на цената на електричната енергија.

Дали покачената цена на електричната енергија е резултат на зголемената маржа на универзалниот снабдувач кон оваа струмичка агенција за обезбедување или допрва следуваат нови испумпувања на пари од контото на истиот овој универзален снабдувач?!

Ќе видиме како ќе се одвива, и тоа треба да биде исто така предмет на следење.

Прашање: Господине Арсовски, вие рековте вчера дека претседателот Пендаровски противуставно го доделил мандатот на пратеникот Зоран Заев и лидер на СДСМ. Они сега имаа соопштение дека имале добри основи за напредок во процесот на формирање на Влада. Што мислите вие, како би се одвивал целиот преговарачки процес за формирање Влада и како опозицијата ќе се постави во овој процес?

Одговор: Видете, еве тука би се надоврзал, ќе ме извините што ќе ве надополнам, исто така стигнаа и прашања до прес центарот, кој ќе бидат следните чекори на ВМРО-ДПМНЕ во наредниот период и дали ќе има преговори и како ќе се однесува. Така да, се обидам двете прашања да ги одговорам во едно, за да им биде појасно на граѓаните. Точно е, вчера имавме конкретна изјава и од страна на претседателот Мицкоски но, тоа го говорат и експертите, тоа го пишува и во Уставот, дека противуставно, Стево Пендаровски го даде мандатот на пратеникот, односно го узурпираше во рацете на пратеникот Зоран Заев. Во однос на она соопштение кое што го велите, дека имало добри основи за напредок, би ве потсетил само на неколку ситуации изминативе, да речам, две недели откако поминаа изборите, каде што на неколку пати Зоран Заев излегуваше и кажуваше дека има мнозинство и веднаш потоа самите се демантираа од страна на неговата партија. Или тој самиот лично. Што сакам да кажам, сакам да кажам дека Зоран Заев е еден човек кој што и граѓаните знаат и веќе го виделе неколку пати дека дрско лаже. И лаже без срам. Може да каже се само за да си ја заштити својата кожа. Во однос на тоа ќе треба да почекаме, да видиме како се развиваат преговорите, сепак тие преговори ги водат две други политички партии и ќе треба таму да ги бараме одговорите во однос на се она што се разговара таму. Во однос на позицијата на ВМРО-ДПМНЕ морам да истакнам дека веќе е јасно кој го узурпираше мандатот во раце и кој го има мандатот за да се обиде како што велеа да состави нова Влада. Но морам да истакнам дека и во ВМРО-ДПМНЕ сите опции се отворени во наредниот период и секако ќе го следиме периодот на преговори кој што ќе го предводат партиите. И согласно како ќе има нови моменти ние ќе известуваме во јавноста.

Димче Арсовски, Портпарол на ВМРО-ДПМНЕ

притисни ентер