Македонија

Дали истрагата ќе стигне и до кабинетот на претседателот Иванов?

Кога судот ќе ја донесе одлуката ќе се знае кои се главните актери и кој стои зад 27 април, кој го испланирал упадот, но ќе се знае и мотивот, истакна претседателот Ѓорге Иванов.

Кој како небулозни ги отфрли тврдењата дека вечерта на 27 април наводно подготвувал прогласување воена состојба. Смета дека ова е очаен обид да се сврти целото внимание од главните креатори на настаните од 27 април кон него и неговиот кабинет. Јавноста не треба да верува на обвинет, туку на официјалните институции, вели Иванов.

„ Имаше изјава и обвинителката, имаше соопштение и од Армијата и од кабинетот. Веројатно нашите изјави се многу поиздржани од изјава на обвинет кој прави се да го одбегне тоа што му следува. Прашајте кај биле генералите тој ден, кај бил началникот на Генералштабот, каде бил мојот аѓутант, Армијата. Веќе имаме и нова власт и нова министерка за одбрана која сите овие месеци можела да види што има во МО за тој ден зашто се` се евидентира. Оние што шират информации дека странците ме спречиле во наводната намера да прогалсам воена остојба, да се јават во амбасадите и да прашаат дали имало некакви влијанија врз него и неговиот кабинет околу наводно откажување да прогласи воена состојба“, вели претседателот Иванов.

Во врска со неговите блиски соработници Синиша Алексовски и Борис Јосифовски, кои се споменуваат дека во сведочењата во контекст на прогласувањето воена состојба, односно дека едниот ја дал информацијата дека претседателот ноќта во 22 часот на 27 април ќе прогласена воена состојба,а другиот дека бил во салата на осмиот кат во седиштето на ВМРО-ДПМНЕ од каде што се давале наредбите за организираниот напад на Собранието, Иванов вели дека се што имале да кажат Алексовски и Јосифовски веќе изјавиле пред обвинителството.

„Беа кај обвинителката и ги дадоа своите искази. Затоа таа кажа и дека нема основ за каква било вмешаност на кабинетот и моја лична. Тие што ги создаваат ваквите лажни вести, а знаете, еден медиум ја почна таа приказна за „Јасен“ и потоа се разви дека ќе имало воена состојба. Треба да го посетат „Јасен“ да видат како функционира и дали е можна таква приказна таму. Нека го прочитаат и Уставот за да видат кога се воведува воена состојба и кој ја воведува“, потенцира претседателот Иванов.

Околу целиот случај за инволвираноста на претседателскиот кабинет во настаните од 27 април минатата година, претседателот Иванов официјално ќе се произнесе попладнево. А судењето за крвавиот четврток продолжува в понеделник со сослушување сведоци предложени од одбраната. Меѓу сведоците е и поранешниот претседател на Собранието Трајков Вељановски, кој е предложен како сведок од неговиот тогашен телохранител, обвинетиот Горан Ѓошевски-Леви.

Шоу биз

Ен Хатавеј доживеа непријатност во студио, водителот ја спаси (ВИДЕО)

41-годишната оскаровка Ен Хатавеј гостуваше во емисијата The Tonight Show на Џими Фалон.

Ен е една од ѕвездите на претстојниот филм The Idea of ​​You, наскоро на Prime Video. Таа ја игра самохраната мајка Солен, која започнува врска со 24-годишниот Британец Хејс Кембел, кој го игра Николас Галицин.

Филмот е заснован на истоимениот роман на Робин Ли од 2017 година. Ен имаше прилично непријатен момент во шоуто кога ја изнесе книгата на Робин и ентузијастички ја праша публиката: „Дали некој овде ја прочитал книгата?“

Одговорот на публиката беше - целосна тишина. Од нејзиниот израз се виде дека е засрамена и шокирана од недоволната реакција на публиката, но Џими Фалон веднаш се вклучи за да ја спаси. Тој рече: „Не, ние тука не читаме“. Таа реченица ја прекина тензијата во студиото, а публиката и Ен се насмеаа.

„Ова е The Tonight Show. Одете кај Стивен Колбер ако сакате да имате луѓе кои читаат книги. Сиромашно. Тука сме на Audible, дали тоа се смета? тој додаде.

Ен беше неверојатно благодарна што Џими ја спаси. Тогаш Џими ѝ рекол на Ен: „Значи, се заснова на книга?“, на што Ен одговорила: „Што е книга?

Непријатниот момент од шоуто се споделува на социјалните мрежи и многумина ја фалат реакцијата на Џими.

„Џими всушност беше одличен домаќин во оваа ситуација“, „Ова е всушност многу паметна шега“, „Фелон целосно ја разбира својата улога во овој момент и ја вади Ен Хатавеј од тишина додека го исмева Стивен Колбер“, се дел од коментарите.

Свет

Осигурителна компанија треба да плати милионска сума по уривањето на мостот во Балтимор

Осигурителната компанија Chubb се подготвува да ѝ плати 350 милиони долари на американската сојузна држава Мериленд за уривањето на мостот Френсис Скот Ки во Балтимор во март, објави денеска Wall Street Journal (WSJ).

Весникот наведува дека исплатата на компензацијата се очекува да биде одобрена за неколку недели, пренесе Ројтерс.

Исплатата од 350 милиони долари би можела да биде првата од многуте за уривањето на мостот, а аналитичарите велат дека инцидентот би можел да ги чини осигурениците 4 милијарди долари, што е рекордна исплата за транспорт.

При уривањето на мостот во Балтимор шест лица загинаа кога товарен брод, кој пловел под знамето на Сингапур, удрил во еден од столбовите на мостот долг 2,4 километри, поради што се урнала целата структура.

Осигурителната компанија Чаб, заедно со државата Мериленд и семејствата на жртвите во несреќата, најверојатно ќе го тужат сопственикот на бродот за да ги надомести загубите поради уривањето на мостот, пишува WSJ.

Македонија

Николоски од Гевгелија: Во исто време се градат 10 спортски игралишта, така ќе продолжиме

Навистина е големо задоволство да се присуствува повторно на отворање на проекти кои што ги реализира општина Гевгелија.

Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот.

По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.

Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.

Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.

Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија.


притисни ентер