Филипче: Новиот термин за изградбата на новиот објект на Клиничката болница-Штип е средината на 2020 година

Средината на 2020 година е новиот термин кога ќе биде изграден новиот објект на Клиничката болница во Штип, истакна денеска министерот за здравство, Венко Филипче при денешната посета и средба со раководството на болницата.

Ова е ново пролонгирање на рокот за изградбата и тоа дополнително за една година. Откако денеска ќе ја скинираат состојбата на терен ќе се прави нов динамички план, а ќе треба и да се утврди и кога ќе се набавува новата опрема за овој објект.

– Ние сме во секојдневен контакт со луѓето со кои имаме потпишано договор од страна на Министерството за здравство, а тоа е фирмата Интеркарт од Грција, со која имаме потпишано договор и која има одредени проблеми во соработката со штипски Бетон. Но, според последните информации тие нашле соодветно решение и токму затоа сега сакаме да се увериме на терен сега како стојат работите, кои работници се тука за да некаде во следната недела сите прашања во однос на новиот динамичен план, ние ги финализираме, вели Филипче.

Прашан дали по отворањето на истрагата за сопствениците на дијализните центри во земјава ќе има проблеми со нивното функционирање, Филипче истакна дека направена е проверка во сите дијализни центри и тие нормално функционираат.

-Нема никаков проблем во однос на исплатата на платите на вработените, ниту во техничката изведба во делот на дијализата со пациентите, а за се друго не би сакал да коментирам со оглед на тоа што очигледно се води истрага од страна на обвинителството, вели Филипче.

Засега немаат никакви информации дека би имало проблеми со работењето на дијализните центри во земјава, но доколку од терен добијат информации оти би можеле да имаат, министерот за здравство смета дека без проблеми државата ќе може да направи план, но и непречено да функционираат центрите за бубрежно болните пациенти. 

На границата меѓу Колумбија и Венецуела стигна американска хуманитарна помош!!

Американската војска донесе повеќе тони хуманитарна помош во колумбискиот град Кукута на границата во Венецуела.

Оваа хуманитарна помош би требало да ја дистрибуираат  поддржувачите на опозицискиот лидер Хуан Гуаидо, кога САД го призна за претседател на Венецуела.

-Ова не е првата , ниту пак последната помош, изјавил официјалниот претставник на УСАИД Марк Грин во Кукута при предавањето на помошта во овој пограничен град полн  со мигранти од Венецуела.

Претходната помош била испорачана преку комерцијални летови.

Инаку во оваа испорака имало 180 тони храна и средства за хигиена и друга роба намената за повеќе од 25 000 луѓе.

Путин и Макрон разговарале за Сирија

Претседателите на Русија и Франција, Владимир Путин и Емануаел Макрон  разговарале преку телефон за состојбите во Сирија и Украина, соопшти Кремљ.

Рускиот претседател го информирал претседателот на Франција Макрон за договорите на самитот во Сочи на кој присуствувале државите кои го гарантираат процесот во Астана за решение на состојбата во Сирија.

Двајцата претседатели ја нагласиле потребата за промовирање на сирискиот внатрешен политички дијалог како и одржувањето на руско – францускиот контакт за Сирија, се наведува во соопштението од Кремљ, пренесе ПАСС.

За Украина, „Путин  го предупредил Макрон на антируската реторика“ на Киев во контекс на претседателските избори во март.

Средба на коалицијата предводена од СДСМ, консултации за консензуален претседателски кандидат

Во седиштето на СДСМ  се одржува работен состанок-средба на партиите од Коалицијата предводена од СДСМ којашто заеднички настапи на последните парламентарни избори.

Извршниот одбор на СДСМ го овласти претседателот на партијата, генералниот и организациониот секретар, да направи консултации со коалициските партнери како и со други парламентарни и вонпарламентарни партии, околу можностите да се дојде  до консензуален кандидат за претседател на државата, кандидат за кој што ќе застанат граѓаните.

Ова е прва средба на коалицијата предводена од СДСМ. Деновиве е предвидено консултациите да продолжат со партиите коишто се дел од владината коалиција, со парламентарни но и други партии.  

Пред седиштето на СДСМ е Ивана Стојановска.

притисни ентер