Заев уверува дека Груевски ќе биде вратен, Унгарија решава за азилот

Премиерот Зоран Заев  уверува дека поранешниот премиер и лидер на ВМРО-ДПМНЕ Никола Груевски, кој е осуден на двегодишна затворска казна, а избега во Унгарија, ќе биде вратен во државата.

– Јас кажувам дека Груевски ќе биде вратен. Унгарија треба да каже дали бил киднапиран, дали по своја волја влегол во дипломатско возило, рече Заев во интервју за Алсат М, кое вчера беше пренесено од македонските медиуми. Притоа, тој го посочува примерот со поранешниот хрватски премиер Иво Санадер кој избега од Хрватска откако беше осуден, но по една година, беше фатен и испорачан на хрватските власти.

И додека во Македонија се подготвува барањето и документацијата за екстрадицијата на Груевски, а унгарските власти го разгледуваат неговото барање за политички азил, во македонското Министерство за внатрешни работи се водат две истраги кои треба да утврдат како избегал Груевски и дали некој од полицијата му помогнал, по што се очекува МВР да излезе со детали.

– Ако се утврди одговорност, ќе понесе одговорност, па кој сака нека е во државата, почнувајќи од мене, па кој било друг. Но, не можеме да разрешуваме затоа што е гневна јавноста, рече Заев во интервјуто за Алсат М.

Досега, македонското Министерство за внатрешни работи и Обвинителството не излегоа со официјални информации за бегството и движењето на Груевски и за тоа каде се пропустите во целиот случај.

Она што досега се знае за рутата по која се движел Груевски, а за што потврда стигна од албанската полиција, е дека тој бил на албанска територија и од таму преку преминот Хан Хоти се упатил кон Црна Гора. Портпаролот на албанската полиција за АТФ изјави дека Груевски во Абанија несомнено влегол пеш бидејќи неговиот влез не е регистриран на ниту еден граничен премин меѓу Македонија и Албанија. Од Албанија влегол во Црна Гора од каде, според  српските и црногорските медиуми, кои се повикуваат на дипломатски извори, влегол во Србија преку граниччниот премин Добраково, а оттаму заминал за Унгарија.

Дел од домашните медиуми вчера ја пренесоа и информацијата на бугарски „Фокус" дека Груевски ја напуштил Унгарија и заминал за Турција или Русија.

Руско знаме поставено во Сализбери

Знамето во текот на ноќта го поставиле непознати лица, а го тргнале вработените кои ја одржуваат катедралата.

Во Сализбери на 4 март минатата година со нервен гас „новичок“ беа отруени поранешниот агент на КГБ Сергеј Скрипал и неговата ќерка Јулија. Тие беа пронајдени онесвестени на клупа во паркот во центарот на Сализбери.

Ахмети: Има волја за да се постигне договор за консензуален претседателски кандидат

Лидерот на ДУИ, Али Ахмети во интервју за РТК по повод 11-годишнината од независноста на Косово зборува и за претседателските избори во земјата.

Лидерот на ДУИ, Али Ахмети во интервју за РТК по повод 11-годишнината од независноста на Косово зборува и за претседателските избори во земјата, истакнувајќи дека тој ја испружи раката за соработка со албанската опозиција за заеднички кандидат Албанец, но за жал, двете опозициски партии го одбиле.

-Сега, јас ја испружив раката, но албанските  опозициски политички партии излегоа со многу навредувачки ставови  и не ја прифатија испружената рака, мене ми е жал за ова. Во понеделник ќе има средба на коалициските партнери.  Ние стоиме на нашиот принцип за претседател на државата со договор  помеѓу страните кои имаат легитимитет, значи на албанската и македонската страна. Има волја за да се постигне договор, но ова зависи од страните кои ќе се сретнат во понеделник, истакнал Ахмети. /МИА

Трамп ќе употреби вето ако Конгресот гласа против ѕидот

Претседателот на САД Доналд Трамп подготвен е за прв пат да употреби вето.

Ако Конгресот биде против неговата објава на вонредна состојба долж границата со Мексико, Трамп ќе употреби вето. Тоа за ТВ Фокс го изјавил Стивен Милер, висок советник на Трамп.

- Тој ќе ја заштити својата објава за вонредна состојба, рекол Милер на прашањето дали Трамп ќе употреби вето ако Конгресот не ја поддржи неговата одлука, пренесе АП.

Трамп вонредната состојба на границата со Мексико ја објави во петокот со желба да го избегне Конгресот за финансирањето на ѕидот кон Мексико, на што се спротивставуваат демократите и одбиваат во буџетот да бидат вклучени 5,7 милијарди долари колку што се потребни за неговото градење.

притисни ентер