Груевски илегално влегол во Албанија, а со пасош излегол на границата со Црна Гора

Извршената верификација на системот на граничните премини од страна на албанските власти потврдиле дека поранешниот македонски премиер Никола Груевски, Албанија ја напуштил на 11 ноември околу 19 часот, јави тиранската телевизија Ора њуз.

Груевски од Албанија излегол преку граничниот премин Хан Хоти-Муриќан, на албанско-црногорската граница. Бил во дипломатско возило на унгарската амбасада и поседувал пасош на негово име.

Повикувајќи се на сигурни извори, Топ чанел телевизија, наведува дека од прегледот на TIMS системот на премините, произлегло дека тој на албанска територија не влегол преку  официјален премин,т уку илегално преку зелениот појас.

Претходно унгарската амбасада во Тирана ниту ја потврди, ниту ја демантираше информацијата дека  Груевски, една ноќ минал во оваа амбасада.

За тиранската телелвизија Топ чанел, од амбасадата кусо одговориле дека „не ги коментираат процеси [to се во тек", поаѓајќи од фактот дека барањето за азил на Груевски се разгледува во Будимпешта.

Некои регионални медиуми пренсоа дека Груевски откако една ноќ минал во унгарската амбасада од аеродромот во Тирана заминал за Будимпешта. /МИА.

Путин : На Русија и требаат борбени роботи , дронови и ласери

Руската војска има потреба од борбени роботи, беспилотни летала и ласери како приоритет во следната деценија, тврди претседателот Владимир Путин.

„Ние треба да го прошириме арсеналот на беспилотни извидувања и напади на авиони, ласерски и хиперсонични системи, како и роботски системи способни за извршување на разни задачи на бојното поле“, изјави Путин.

Во следните неколку години, 70 проценти од оружјето на Русија треба да биде современо, изјави Путин на состанокот на Рускиот Национален совет за безбедност, пренесува Кремљ.

Путин вчера изјави дека нуклеарната несреќа што се случи пред три месеци во северозападна Русија вклучува уникатно оружје во развој, пренесува Интерфакс.

Неколку луѓе тогаш загинаа во, како што соопшти  владата, експлозија на експериментална опрема на терен за воена обука во Северодвинск во близина на границата со Финска.

Руската влада првично негираше дека има зголемено зрачење на местото, но подоцна владата објави дека гама зрачењето е 16 пати поголемо од вообичаеното.

ЕВН: Снабдувањето со електрична енергија во село Грчец нормализирано

Снабдувањето со електрична енергија во скопското село Грчец е нормализирано. Санирани се дефектите и постигнат е начелен договор да се продолжи со реконструкцијата на дистрибутивната мрежа, соопштуваат од ЕВН Македонија. 

– Екипите се упатија на терен да ги санираат дефектите и добија ветување дека нема да бидат напаѓани и спречувани во работата. Ова населено место беше подолг период без електрична енергија поради тежината на дефектот кој настана поради неконтролирана потрошувачка на електрична енергија, големиот број нелегални приклучоци и спречувањето на екипите на Електродистрибуција да ја завршат започнатата реконструкција на мрежата. Во конкретниот случај прекин на снабдувањето е настанато на далекуводот кој го напојува селото и во една од диструбутивните трансформаторски станици, се вели во соопштението на ЕВН.

Од таму информираат дека тие и понатаму се подготвени за решавање на проблемот и договор со корисниците со цел комплетно реализирање на проектот за реконструкција на мрежата со што ваквите дефекти ќе бидат минато, а ќе се воведе ред во снабдувањето и наплатата на сметките за потрошена електрична енергија./МИА

Јовески: До овој момент нема основа за дисциплинска за Рускоска

Републичкиот јавен обвинител, Љубомир Јовески изјави дека нема отворено постапка за СМС пораката, која обвинителката Вилма Рускоска ја испрати до судиите кои ја пуштија Катица Јанева во домашен притвор.

-Состојбите што настанаа со пораката на обвинителката Рускоска ги разгледа Колегиумот на Јавното обвинителство на Република Македонија и Колегиумот и јас како јавен обвинител наоѓаме дека до овој момент нема основ за покренување дисциплонска постапка, истакна Јовески за МИА.

Тој посочи дека треба да се почека што ќе заклучи Советот на јавни обвинители, кој денеска расправа за ова. /МИА

притисни ентер