Македонија

Обвинителството поведе предистражна постапка за претседателот Иванов

Скопското Јавно обвинителство почнало предистражна постапка за претседателот Иванов околу непотпишувањето на Законот за јазиците и Договорот од Преспа, за што биле поднесени две анонимни пријави. 

Претседателот Иванов се најде под опсервација на скопските обвинители...Проверуваат - дали има основи за кривична одговорност во неговите одлуки да не ги потпише указите за Законот за јазиците и за Договорот од Преспа, и покрај тоа што тие два пати беа изгласани во Собранието..

Од обвинителството не откриваат за кое кривично дело има сомнеж, освен дека станува збор за предистражна постапка во која ќе се проверуваат наводи од две анонимни кривични пријави...

„Постапувајќи по две анонимни кривични пријави во врска со непотпишувањето на Законот за јазиците и Договорот од Преспа, Основното јавно обвинителство Скопје постапува во предистражна постапка, во насока на проверка на наводите во пријавите. Со таа цел веќе се побарани податоци и информации од Собранието на Република Македонија и од Кабинетот на Претседателот на Република Македонија за тоа кога се донесени одлуките во законодавниот дом, односно дали и од кои причини не се потпишани од страна на Претседателот“, изјавија од Скопското обвинителство.

Според членот 75 од Уставот, Претседателот е должен да ги потпише указите, доколку законите се по втор пат изгласани во Собранието, но во кој рок децидно не е предвидено.. Оваа правна празнина толкувајќи ја како право за т.н. џебно вето неколку пати е користена од претседателите, но Иванов е првиот што јавно соопшти дека нема да ги потпише двата закони – и за јазиците и за договорот со Грција, со што самиот призна дека нема намера да ја почитува уставната одредба..

Според членот 87 од Уставот, Претседателот е одговорен за кршење на Уставот и законите во вршењето на своите права и должности.. Но клучната дилема е дали може кривично да одговора, со оглед дека ужива имунитет кој може да му го симне единствено Уставниот суд, и тоа со двотретинско мнозинство..

Според Уставот, постапка за утврдување на одговорност на претседателот или т.н. импичент, покренува Собранието со двотретинско мнозинство, а за одговорноста одлучува Уставниот суд, исто така со двотретинско мнозинство.. Ако Уставниот суд утврди одговорност на претседателот на Републиката, функцијата му престанува по сила на Уставот, стои во членот 87.

Свет

Британија ја повикува Русија да ја повлече војската од украинската граница

Британската министерка за надворешни работи Лиз Трас денеска ја повика Русија да ги повлече своите војници собрани во близина на украинската граница за да дозволи тензиите меѓу Москва и западните земји, да се смират.

„Министерот Лавров денеска ми кажа дека Русија нема планови да ја нападне Украина“, рече Трас по средбата во Москва со рускиот колега Сергеј Лавров.

„Но, тие зборови мора да следат по делата и сакаме војниците и опремата стационирани на украинската граница да бидат преместени на друго место“, додаде дипломатката, првиот висок британски функционер што ја посетил Русија по 2018 година.

Лавров, од друга страна, разговорот со Трас го опиша како дијалог меѓу глувонемите, велејќи дека неговата британска колешка изгледа не ја слушнала сеопфатната изјава на Русија за нејзината загриженост за проширувањето на НАТО.

„Имав впечаток дека нашите британски колеги или немаат поим за објаснувањата за непостоење на руски планови за напад што неодамна ги изнесе рускиот претседател Владимир Путин, или целосно ги игнорираат“, продолжи Лавров.

Русија е обвинета дека собрала десетици илјади војници на границата со Украина поради инвазијата за која САД рекоа дека би можела да се случи во блиска иднина.

Москва ги негира обвинувањата и се повикува на фактот дека има право да распореди свои сили на своја територија како што сака. Русија го поврзува смирувањето на тензиите со безбедносните гаранции, особено со ветувањето дека Украина никогаш нема да биде членка на НАТО, што западните земји не сакаат да го ветат.

„Воените вежби и распоредувањето на руски војници во Русија предизвикуваат неразбирлива загриженост и силни емоции кај нашите британски колеги и другите западни претставници,“ заклучи рускиот министер за надворешни работи, пренесе Гардијан.

Фудбал

Премиер лигата го укинува задолжителното носење маски и се намалува бројот на тестирања

Англиската фудбалска Премиер лига најави дека од утре ќе ги олесни мерките поврзани со Ковид-19, за да може првенството да продолжи без бројни одложувања, кои беа особено чести кон крајот на декември и почетокот на јануари.

Повеќе од 20 натпревари од најсилната фудбалска лига мораа да бидат одложени во декември и јануари поради големиот број на заразени со коронавирус, па клубовите немаа доволно играчи за да ги одиграат натпреварите. Меѓу мерките што ќе се укинат е задолжителното носење заштитна маска во затворени простории, а од следната недела тестирањето на играчите ќе се намали на два пати неделно.

Живот

Принцот Чарлс е позитивен на коронавирусот

Принцот од Велс е позитивен на Ковид-19 и сега е во самоизолација, објави Кларенс Хаус на Твитер.

Принцот Чарлс добил позитивен резултат од тестот утрово и затоа ја одложил планираната посета на Винчестер, соопштила палатата. Ова е втор пат 73-годишниот престолонаследник да се зарази со коронавирус откако се разболел во 2020 година.

Многу Британци се загрижени за здравјето на принцот, а на Твитер му посакуваат брзо закрепнување. Чарлс е прв во редот за британскиот трон што го чека 73 години.

притисни ентер