Дел од албанските партии најавуваат амандмани, за подобрување на употребата на албанскиот јазик во земјава. Во процесот за предлог амандмани, ќе учествуваат Алијанса на Албанците и Беса на Касами. Лидерот на Алијансата Зијан Села, ги повика сите пратеници, да ги поддржат амандманите, за како што рече, по демократско и мултиетничко општество.
На иста линија и Фадил Зендели, вели сега е моментот за унапредување на правата на Албанците. Беса на Касами ќе интервенира со 4 амандмани, со два за подобрување на употребата на албанскиот јазик, еден за промена на преамбулата и еден во делот за уставните надлежности на претседателот на државата. На тој начин, велат дека ќе се исправат неправдите и ќе се воведе концептот на граѓанска држава
Тонско: Фадил Зендели – Беса на Касами 2.20 – 3.00
Предлог амандманите треба да ги разгледа законодавно-правната комисија и комисијата за уставни прашања, па да се најдат на пленарна седница.
Евентуалната конечна одлука за усвојување на амандманите, треба да биде донесена со 2/3 мнозинство или с гласовите од најмалку 80 пратеници. За усвојување на амандманите за Преамбулата пак, освен 2/3 мнозинство, потребно е и бадентерово мнозинство.