Турскиот претседател Реџеп Таип Ердоган денеска изјави дека лично го следи случајот на исчезнатиот новинар на Вашингтон Пост , Џамал Кашоги. Турските истражни органи сметаат дека 59 годишниот новинар е убиен во конзулатот на Саудиска Арабија во истанбул и дека неговото тело е скриено.
Од конзулатот на Саудиска Арабија ги отфрлија ваквите тврдења како неосновани и додадоа дека ангажирале свој тим иследници за да помогнат во истрагата. Кашоги , кој живеел во егзил во САД исчезнал минатиот вторник во Истанбул.
Трагата му се губи во конзулатот на Саудиска Арабија , каде дошол за да ги среди документите за женидба со својата вереница од Турција. Од конзулатот велат дека Кашоги излегол од таму.
Кашоги е познат како долгогодишен новинар , кој пишувал критички текстови за саудискиот принц , како и за Саудиска Арабија , критикувана во неговите текстови поради војната во Јемен и спорот со Канада. Тој е познат и по интервјуто со лидерот на терористичката Ал Каеда, Осама Бин Ладен , и патувањата со него од 1987 до 1995 година.
Денеска Ердоганн најави дека во истрагата ќе бидат прегледани сите снимки од безбедносните камери , не само од близина на конзулатот , туку и од аеродромот.