Изложба на графики од збирката на Музејот на современа уметност

 Музејот на современата уметност (МСУ) вечер од 20 часот ќе отвори изложба на дела од неговата графичка колекција која има повеќе од 2000 отпечатоци изработени во различни графички техники.

Поголем дел од графиките припаѓаат на меѓународната збирка на Музејот што е прогласена за културно наследство од особено значење.

За изложбата е подготвена и публикација за разновидните истражувања на уметниците и нивните индивидуални стремежи преку графичкиот ликовен израз, како и  за развојот на графичката уметност и широкиот спектар стилски определби - фигуративниот, нефигуративниот, апстрактни тенденции сè до поп-уметноста и концептуалниот дискурс. Изданието содржи и преглед на графичките техники застапени во збирката на МСУ. 

Тоа ќе може да се види низ делата на авторите што ја одбележале историјата на ликовната сцена во 20 век: Ханс Хартунг, Виктор Вазарели, Андре Масон, Бернард Бифе, Ники де Санфал, Георг Базелиц... Куратор на изложбата е Благоја Варошанец. 

Приведени пет лица за поседување оружје

Пет лица се приведени, откако по проверка на три возила во едното е пронајден пиштол.

СВР Скопје вчера околу 16 часот презеде мерки и активности на паркинг просторот на трговски центар во Скопје.

Извршен е преглед на три патнички моторни возила „мерцедес“, „ланчиа делта“ и „голф“ во кои се затекнати пет лица и тоа О.Б. (34), Ш.А. (36), Ф.Л. (26), Е.И. (24) и Н.И. (22).

Од извршениот преглед во едно од моторните возила е пронајден пиштол марка ТТ кал. 7,62 мм. Лицата се лишени од слобода и приведени  во Полициската станица од ОН Карпош.

СВР Скопје презема мерки и активности за расчистување на случајот.

Николовски доби плакета за најуспешен министер за земјоделство

Земјоделското здружение „Современо Земјоделство” на министерот Љупчо Николовски, му додели плакета за  најуспешен министер за земјоделство, шумарство и водостопанство.

Од здружението посочија дека оваа плакета е резултат на мерките кои министерот Николовски и Министерството за земјоделство,шумарство и водостопанство ги имаат преземано во изминатава година и половина, за развој на земјоделството. 

Како што соопшти денеска Министерството за земјоделство, шумарство и водостопанство, Николовски  потенцирал дека оваа плакета ќе биде поттик и во иднина МЗШВ уште поинтензивно да работи на политики кои ќе бидат во корист на земјоделците и ќе го поттикнат развојот на агросекторот.

- Само заедно можеме да постигнеме развој во секторот, повисок стандард и подобар живот за земјоделците во Македонија. Резултатот од нашите мерки, на коишто посветено работиме, е видлив. Во првото полугодие од годинава имаме раст на земјоделството и учеството во БДП од над три отсто, пораст на вработеноста во секторот земјоделство, пораст на преработувачката индустрија во земјоделството, порачал министерот Николовски.

Во рамки на манифестацијата за  избор на најуспешни во областа на земјоделството за 2018 година беше организиран и мини саем за земјоделски производи, механизација и трактори, дегустација на традиционална пелагониска храна, вино, пиво, млечни производи, мед и друго/МИА

Двојно се зголеми бројот на жртвите во превртениот ферибот- можно е да достигне до 200 удавени

Најмалку 86 лица се удавија при потонувањето на патнички брод што сообраќал меѓу два сострови на езерото Викторија во Танзанија.

Во моментот на несреќата на бродото имало најмалку 400 лица. Според властите , можно е бројот анз агинати да достигне и 200 . До сега успеале да се спасат околу 100 патници, а 37 се повредени и се во животна опасност .

Бродот се превртел во момент кога преголемиот број патници наеднаш се префрлиле на едната страна на пловилото пред да стигне на одредиштето.

Првично властите на Танзанија соопштија дека во несреќата загинале 42 патника.

притисни ентер