Помошник државниот секретар Вес Мичел, повторно ја реафирмираше силната поддршка на САД за полноправно членство на Република Македонија во НАТО и ЕУ. Во тој контекст, тој ги повтори очекувањата за успешен референдум и имплементација на Договорот со Грција, со цел заокружување на процесот на зачленување во НАТО и Европската унија.
Од МНР Мичел на средби во законодавниот дом со координаторите на пратеничките групи. Координаторот на пратеничката група на ВМРО-ДПМНЕ Драган Данев, по средбата истакна дека средбата била конструктивна, но не сакаше да коментира дали било разговарано за ставот на партијата. Прашан дали ќе гласа на референдумот, Данев избегна да одговори.
Посетите на високите странски гости се повод за опозицијата отворено да разговара со претставниците на меѓународната заедница, околу нивниот вистински став во пресрет на референдумот – смета универзитетскиот професор Александар Спасов
Високиот претставник на Стејт Депарментот, Мичел, доаѓа само неколку дена по посетата на сенаторот Рон Џонсон, кој важи за близок соработник на претседателот Трамп, и само неколку дена пред доаѓањето на шефот на Пентагон, Џејмс Матис.