Нимиц: Ако не успее референдумот, сите ќе дигнат раце од вас - Канал 5

Македонија

Нимиц: Ако не успее референдумот, сите ќе дигнат раце од вас

И по два и пол месеца од потпишувањето на Договорот во Преспа, медијаторот Метју Нимиц е воздржан оптимист дека спогодбата лесно ќе помине во двете земји.

Нимиц: Ако не успее референдумот, сите ќе дигнат раце од вас

Во интервју за „БИРН“, 79-годишниот дипломат смета дека идејата да се чека нов подобар договор е ризична. Вели, поминаа 25 години, а може да поминат уште 25, зашто многумина ќе го загубат интересот.

- На оние во вашата држава што велат „ајде да почекаме“, да оставиме уште неколку години, ќе имаме подобар договор во иднина, jас им велам „Не знаете тогаш каде ќе биде ЕУ, дали ќе сакаат уште една членка, дали ќе сакаат тоа да биде вашата држава, не знаете каде ќе биде НАТО, не знаете што ќе се случи во Грција со смената на власта, не знаете што ќе се случи во регионот“, вели Нимиц во интервјуто за „БИРН“.

Нимиц е свесен дека три пречки се исправени пред целосно финализирање на спогодбата – референдумот и уставните измени во земјава и ратификација на Договорот во грчкиот парламент, прашање за кое лидерот на грчката опозиција Мицотакис е уверен дека сепак нема да добие зелено светло. Ќе ги искористиме сите карти што ни се на располагање за да ги смениме проблематичните аспекти на спогодбата. Дадовме македонски јазик и идентитет, а не добивне ништо за возврат, порачува Мицотакис во интервју за телевизија „Алфа“.

-Како се чувствуваат нашите граѓани кога господинот Заев и господинот Димитров велат „Јас сум Македонец и говорам македонски јазик“ и на тоа, никој не одговара. Ние нема да го ратификуваме договорот ниту сега, нито во следниот парламент, доколку не се ратификува во сегашниот парламент, изјави Кирјакос Мицотакис, лидер на Нова Демократија.

Нов, според најавите масовен протест против Договорот од Преспа веќе се подготвува за во сабота во Солун. Целта на организаторите е одблиску да му испратат порака на премиерот Ципрас, кој треба да присуствува на отворање на Меѓународен саем.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Беким Сали: Пораките од Европскиот парламент се потврда дека Македонија има реална европска перспектива

Првиот заменик-претседател на Владата и министер за европски прашања, Беким Сали, ја поздрави расправата во Европскиот парламент по Извештајот за Македонија.

Беким Сали: Пораките од Европскиот парламент се потврда дека Македонија има реална европска перспектива

Првиот заменик-претседател на Владата и министер за европски прашања, Беким Сали, ја поздрави расправата во Европскиот парламент по Извештајот за Македонија, оценувајќи дека пораките упатени од европратениците претставуваат силна потврда за европската перспектива на државата и дополнителен поттик за продолжување на реформскиот процес.

Во рамки на дебатата, известувачот за Македонија во Европскиот парламент, Томас Вајц, испрати охрабрувачки пораки за европската перспектива на државата, истакнувајќи дека земјата има капацитет и потенцијал да биде дел од следниот бран на проширување на Европската Унија.

„Ова е значајна порака која доаѓа во важен момент за нашата држава. Фактот што во Европскиот парламент се препознава напредокот на Македонија и се истакнува можноста земјата да стане следна членка на Европската Унија претставува охрабрување за сите институции да продолжат со уште посилно темпо на реформи. Европа ја гледа Македонија како дел од европското семејство, а наша обврска е преку резултати да ја оправдаме таа доверба“, изјави Сали.

Тој нагласи дека Владата останува целосно посветена на спроведувањето на реформите во владеењето на правото, јавната администрација, економскиот развој и зајакнувањето на демократските институции, како клучни предуслови за напредок во евроинтегративниот процес.

„Членството во Европската Унија не е само надворешнополитичка цел, туку стратешки избор кој носи посилни институции, економски развој и повеќе можности за граѓаните. Нашата европска перспектива е јасна и остварлива. Денешната дебата во Европскиот парламент е потврда дека местото на Македонија е во Европската Унија. Наша одговорност е преку реформи, резултати и политичка зрелост да го искористиме овој моментум и да ја приближиме државата до полноправно членство во европското семејство“, истакна Сали.

Во однос на сите прашања разгледувани во рамки на Извештајот, Сали нагласи дека Македонија останува посветена на европските вредности, добрососедските односи и конструктивниот дијалог, во согласност со преговарачката рамка и принципите на Европската Унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

О. Карпош: Летна читачко-креативна детска авантура во Карпош

Во период од 16 јуни до 16 јули, библиотеката ,,Другарче” ќе биде централно место за дружење, креативност и многу читање. 

О. Карпош: Летна читачко-креативна детска авантура во Карпош

Станува збор за проектот ,,Читањето како навика, библиотеката како дом-Интеркативни читачки работилници за деца”, во организација на Марија Павлеска, едукатор и основач на профилот ,,Мама ми чита”.

Проектот е финансиски поддржан од Општина Карпош, преку Програмата за култура на Секторот за дејности од јавен интерес.

Работилниците ќе се одржуваат секој вторник и четврток, во период од пет недели. За време на овие интерактивни читачки и креативни работилници, децата ќе откриваат нови книги, ќе создаваат свои приказни и ќе развиваат читачки и социјални вештини во друштво на своите врсници. Во текот на еден месец, децата ќе уживаат во игра и драматизација како и стекнување на нови пријателства.

Читачко-креативната работилница се однесува за деца од 4 до 12 годишна возраст, а учеството е бесплатно кое претходно се пријавува преку порака на инстаграм профилот @mama_mi_chita.

Општина Карпош секогаш ги поддржува ваквите иницијативи со цел да се поттикне љубовта кон читањето и навиката да се посетува библиотеката од најмала возраст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Силен земјотрес ја погоди Индонезија, се отвори земјата

 Најмалку едно лице загина, а 38 се повредени во земјотрес со јачина од 6,7 степени според Рихтеровата скала, кој во вторник го погоди дел од островот Сулавеси во централна Индонезија, објавија денес официјални лица.

Видео: Силен земјотрес ја погоди Индонезија, се отвори земјата

Во земјотресот, чиј епицентар беше регистриран околу 43 километри југоисточно од Палу, на длабочина од околу десет километри, оштетени се куќи и инфраструктура, јавува АП.

Силниот потрес ги испрати луѓето надвор од своите домови и ги натера да излезат на отворени простори во и околу Палу, град со околу 400.000 жители, кој е главен град на покраината Централен Сулавеси.

Според портпаролот на Националната агенција за управување со катастрофи, Абдул Мухари, неколку болници евакуирале пациенти, а според прелиминарниот извештај, 38 лица се повредени и префрлени во блиската болница, вклучувајќи 13 со сериозни повреди.

Индонезиската агенција за метеорологија, климатологија и геофизика регистрираше најмалку 71 последователни потреси во текот на денот.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер