Македонија

Во понеделник и вторник во Кичево прскање против комарци

Во понеделник и во вторник екипа од Центар за јавно здравје Битола ќе спроведува теристичко дезинсекционо третирање за заштита од комарци во Кичево.

- Запрашувањето ќе се врши во периодот од 20:00 часот, со апаратура за УЛВ ладно запрашување поставена на пикап-возило, информира раководителот на РЦУК-Кичево Сузана Тасеска.

Во прва фаза ќе бидат опфатени 800 хектари во градот Кичево и урбаните населби Осломеј, Зајас, Другово и Вранештица.

Со дезинфекцијата ќе бидат опфатени зелените површини во Општината, подрачјата по течението на реките и водотеците, застојните води, подрачјата околу каналните системи на територијата на Општината, урбаните населби и локалитети регистрирани во договор со локалната самоуправа, како потенцијални жаришта за развој и размножување на комарците.

Во случај на неповолни временски услови (ветер,дожд) дезинсекцијата се одложува за следниот поволен ден. /МИА

Живот

Бројот на Австријци кои живеат во сиромаштија се зголеми за повеќе од 50 проценти

Бројот на Австријците во апсолутна сиромаштија е зголемен за повеќе од 50 отсто, од 201.000 во 2022 година на 336.000 минатата година, соопшти Заводот за статистика на земјата.

Според бројките презентирани од Статистика Австрија, погодените луѓе не можеле да си дозволат многу секојдневни работи како кирија, греење или храна.

Децата и младите се релативно почесто погодени од сиромаштија отколку возрасните.

Во опасност од сиромаштија се 41 отсто од самохраните родители и 31 отсто од семејствата со најмалку три деца.

Според податоците, процентот на жители во ризик од сиромаштија би изнесувал дури 42 отсто без државна социјална помош.

Свет

Универзитетот Колумбија го одложи рокот што им го даде на демонстрантите против војната во Газа

Американскиот универзитет Колумбија го одложи рокот, кој истекува на полноќ, што им го даде на пропалестинските студенти да го расчистат кампусот, каде што протестираат против војната во Газа.

- Преговорите напредуваа и продолжуваат според планираното, соопшти кабинетот на претседателот на Универзитетот во Њујорк Минуш Шафик, негирајќи дека била побарана полициска интервенција.

- Не нарекуваат терористи, нè нарекуваат насилници. Но единствената алатка што ја имаме е нашиот глас, рече еден од студентите на собирот.

Пропалестинските студентски демонстрации во САД, кои се проширија на неколку универзитети, почнаа на Универзитетот Колумбија во Њујорк.

Некои од најпрестижните универзитети во светот, како Харвард, Јеил и Принстон, се приклучија на студентското движење и демонстрации.

Свет

Блинкен за неколку дена во Израел, седми пат од почетокот на војната

Американскиот државен секретар Ентони Блинкен во вторник ќе го посети Израел, седми пат по терористичкиот напад на Хамас на 7 октомври врз јужен Израел и војната што следеше како одговор на Израел во Појасот Газа.

Јавниот сервис Кан денеска јави дека Блинкен ќе дојде во Израел за да разговара за најавената операција на израелската армија во Рафа, како и за напорите да се обезбеди пауза во борбите и да се ослободат повеќе од 100 заложници кои ги држи Хамас.