-Во мое лично име и во името на македонското друштво „Илинден“ – Тирана срдечни честитки по повод 8 Септември – Денот на независноста на татковината Македонија. Пред точно 33 година македонските граѓани покажаа исклучителна демократска зрелост и донесоа одлука со која сите се гордееме и која го трасираше патот за посветла иднина на нашата матична држава, стои во честитката.

Овој историски ден, се додава во честитката, е симбол на одлучноста и непоколебливоста на македонскиот народ да го оствари својот вековен стремеж и да изгради независна и суверена држава.

-Нека ни е честит и вековит денешниот празник, нека е вечна нашата татковина, Република Македонија, се наведува во честитката потпишана од Никола Ѓурѓај, претседател на друштвото.

- Денеска сме на манифестацијата „Тиквешки гроздобер“, сакам да посакам успешна манифестација, успешна берба, квалитетно грозје и квалитетно вино што Република Македонија со гордост ќе се претставува надвор од Република Македонија. Досега, согласно бербата, откупени се некаде околу 53 милиони килограми винско грозје што е сериозен пад од она што некогаш Република Македонија го произведувала, тоа е накратко заради оние лоши политики во изминатиот период и да Македонија денеска падне на ваква минимална количина. Знаете дека во минатото сме имале над 150 милиони килограми од што се произведувало околу 110 милиони литри вино, подвлече тој.

Оваа година гледаме, додаде, како и минатата, има катастрофална ситуација.

- Она што ние како Влада, како Министерство, сме се обврзале во нашата предизборна програма и програма на Влада, дека во наредниот период, наредните години, повторно ќе го враќаме лозарството и винарството да биде гранка што ќе значи задоволни земјоделци, сериозен девизен прелив на Република Македонија и нормално, гранка што ќе биде за респект и производство на квалитетно вино што и понатаму ќе ја претставува Република Македонија надвор од границите, посочи Трипуновски.

Според информациите на весникот „Милиет“, пожар избувнал во шума во близина на селото Ментеше, во областа Мугла. Поради силниот ветер, огнот брзо се проширил и се движи кон населено место блиску до шумата. Екипи за гаснење на пожарот се испратени на местото, а дејствуваат и од воздух и од земја за да ја стават под контрола огнената стихија.

Засега причината за пожарот не е позната. По добивањето на сигнал, екипи од регионалната дирекција за шуми во Мугла веднаш реагирале и започнале истрага.

Во исто време, голем шумски пожар избувнал во околината на селото Менемен, во областа Измир. За гаснење на пожарот, од регионалната дирекција за шуми во Измир се испратени три авиони и три хеликоптери, 15 булдожери, водни цистерни и пожарникарски екипи.

Во двата региони се продолжува со акции од воздух и земја за гаснење на пожарите, објавува „Милиет“.