Здравје

Ова е единственото нешто што треба да го направите за да бидете среќни, здрави и слаби

Дали сте знаеле дека луѓето кои стануваат рано се поздрави, посреќни и повитки од оние кои сакаат да го започнат денот подоцна?

Имено, научниците од Универзитетот Roehampton утврдиле дека оние кои стануваат пред будилникот, побрзо ги завршуваат утринските задачи. Со самото тоа доаѓаат порано на работа, што е еден од факторите кои работодавачите ги земаат во предвид кога станува збор за унапредување на работното место.

Од друга страна, ноќните птици имаат поголема шанса во текот на денот да се чувствуваат подепресивни и често да бидат под стрес и имаат поголема шанса да станат подебели.

Истражувачите испитувале 1.068 луѓе, а прашањата кои им биле поставени се однесувале на нивните навики на спиење.

Резултатите покажале дека на почетокот ранобудниците станувале пред седум часот, додека ноќните птици тешко се буделе и во девет часот.

Интересно е тоа што и двете групи за викенд спиеле најмалку еден час плус.

“Постојат утрински и вечерни луѓе, а првите се покажало дека се поздрави и посреќни, и плус имаат оптимална тежина”, вели д-р Јерг Хубер.

Истражувањето исто така покажа дека луѓето кои остануваат будни до доцна во ноќта за да гледаат телевизија повеќето го прескокнуваат појадокот.

Свет

Шпанија ќе испрати мал број ракети „Патриот“ во Украина

 Шпанија ќе испрати мал број ракети „Патриот“ во Украина, објави денеска весникот „Ел Паис“, повикувајќи се на неименувани добро информирани извори.

Весникот наведува дека Шпанија ја отфрлила можноста за испорака на противвоздушни лансери на Украина, но ќе испрати проектили во Киев.

Шпанија има три системи „патриот“ кои ги купи од Германија во 2004 и 2014 година, потсетува весникот.

Украинскиот претседател Володимир Зеленски им кажа на членките на НАТО претходно овој месец дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да ги одврати руските воздушни напади, барајќи од нив да ја засилат воената помош за Киев.

Министрите на ЕУ пред неколку дена изјавија дека разгледуваат како да обезбедат повеќе оружје за противвоздушната одбрана на Украина.

Македонија

Сончево и потопло, утре попладне дожд и грмежи

Времето утре ќе биде сончево со мала до умерена облачност. Попладне ќе има услови за локална нестабилност со краткотраен пороен дожд и грмежи, особено во планинските подрачја. 

Потоа следува период на стабилно и топло време, а дневните температури ќе бидат повисоки за три до пет степени.

Како што соопшти УХМР, во следните три дена ќе биде сончево и потопло со мала до умерена локална облачност. Ќе дува слаб ветер од променлив правец.

Минималните темпеартури ќе бидат во интервал од два до 12 степени, а максималните од 20 до 28 степени.

Свет

Четири европски авиокомпании ќе ја шират идејата за Европа пред евроизборите

Четири авиони на авиокомпании кои се дел од групацијата на „Луфтханза“ во наредните недели ќе ја шират европската идеја за со натпис на нивните трупови: „Да за Европа“. 

Станува збор за авиони од типот „Ербас А320“ на авикомпаниите „Луфтханза“, „Еуровингс“, „Аустриан Ерлајнс“ и „Брисел Ерлајнс“ кои ќе имаа задача да служат како амбасадори на европската идеја непосредно пред изборите за членови на Европарламентот.

Четирите авиони на 13 мај „ќе се сретнат“ на аеродромот во Брисел, симболично манифестирајќи го европското единство.

Инаку, ова не е првпат „Луфтханза“ да ја манифестира својата посветеност на Европа. Сличен поддршка на Европа „Луфтханза“ организираше и пред евроизборите во 2019 година.

притисни ентер