Одлуката за датум во јуни 2019 и договорот за името во фокусот на отворањето на Рос Рот семинарот

Во Скопје денеска започна тридневниот 98. Рос Рот семинар посветен на Евроатланската интеграција на Западен Балкан:зајакнување на Европскиот мировен процес.

Претседателот на Собранието Талат Џафери во воведното обраќање рече дека е убеден оти договорот за спорот со името потпишан од премиерите Зоран Заев и Алексис Ципрас, најдоцна до крајот на годинава ќе биде имплементиран од двете страни во целост, и Македонија во декември оваа година или на почетокот на јануари ќе стане триесетта полноправна членка на НАТО. 

Џафери смета дека вчерашната одлука на Советот за општи работи на ЕУ за сите нас треба да биде мотивирачка да направиме се што е потребно. 

- Не треба да влијае фактот дека се одложува почетокот, бидејќи датумот се определува, а тоа е јуни следната година. Тоа треба да биде мотивирачки за сите нас, да ги направиме сите подготовки за во најкраток рок да ги затвориме поглавјата, рече Џафери одговарајќи на прашање на пратеничка од Албанија. 

Претседателот на Владата Зоран Заев на почетокот на своето обраќање изрази, како што рече, огромно задоволство за добивање датум за преговори јуни 2019, а за тоа и честита и на Албанија.

Според Заев вчерашната одлука е јасен патоказ за иднината на нашата држава, ни дава стимул да продолжиме понатаму. Македонија, додаде, ќе продолжи да работи на реформите за постигнување на крајната цел членство во ЕУ и НАТО за што има општествен консензус. 

Претседателот на Парламентарното собрание на НАТО Паоло Али рече дека лично се надева оти лидерите на Алијансата ќе го следат примерот на ЕУ. Го поздрави договорот за името посочувајќи дека тоа е досега невиден напредок во односите меѓу двете земји. 

Поранешниот американски специјален пратеник на Балканот и поранешен заменик помошник на генералниот секретар на НАТО Џејмс Пердју, кој беше претставен како еден  од клучните говорници, во својот говор ја ословуваше Република Македонија како Република Северна Македонија. 

Трипуновски обвини за лошата ситуација во македонското земјоделство

Трајан Димковски се исплаши, па мораше да го повика на помош Љупчо Николовски да го брани. Љупчо и ти и Трајан и Зоран Заев, сите заедно сте виновни за лошата ситуација во македонското земјоделство.

Лозарите имаат реален проблем и тој е креиран од оваа власт. Додека лозарите одат со испукани петици и скинати патики, вие кратите пари наменете за земјоделците, пиете скапи вина и јадете луксузни јадења.

Ти Љупчо заедно со Зоран Заев им ветивте на лозарите сигурен откуп и високи откупни цени. Па нели ти е срам Љупчо што три години ништо не направивте!? Сигурен откуп нема, а цените се ниски, по ниски од што беа.

За тутунарите подобро и да не зборуваме. Што ќе им кажете? Дека вашиот партиски функционер Кире Неделковски украл 300.000 евра од тутунарите? Дека го штитите од институциите да не го процесуираат неговиот криминал!?

Љупчо вие немате ама баш никаков кредибилитет да зборувате за земјоделците, бидејќи не сте ја виделе и почувствувале земјодлеската мака.

Земјоделците се напатени луѓе, кои со што многу труд и пот си го заработуваат лебот. Немојте само да им го земате од уста.

Но Љупчо, бидејќи Трајан те викна тебе да го браниш, а ти сигурно ќе го викнеш Зоран Заев, кажи му на Заев дека земјоделците не ви простуваат. Од тука од земјоделска Струмица јас ви порачувам дека на СДСМ му се гледа крајот.

Цветан Трипуновски – член на ИК на ВМРО-ДПМНЕ

Општина Гостивар ќе вработи 44 лица

Општина Гостивар наскоро ќе објави конкурси за вработување на пожарникари, административци и друг персонал за да ја подобри ефикасноста. 

Новите вработувања иако беа најавувани, не поминуваа на одобрување од општинскиот совет. Со промената на мнозинството, градоначалникот Арбен Тараври очекува да се реализира и програмата за вработувања.

– Претходното мнозинство во советот две години не ја гласаше програмата за вработувања и го блокираше донесувањето на буџетот и сите бевме сведоци. Зошто тоа го правеа не знам и треба нив да ги прашате. По малку е парадоксално што изминативе две години немам поптишано ниту едно решение за вработување иако најмалку десет лица си заминале во пензија или дале откази. На нивни места не се примени нови. Ќе се трудиме да го испочитуваме принципот за вработување на стручни кадри, а не по партиски клуч. Работа ќе добијат тие што навистина ја заслужуваат според нивните квалитети, изјави градоначалникот Таравари.

Според него, во новата програма превидени се 44 вработувања и како што потенцира ќе се внимава на застапеност на сите етнички заедници.

Донесувањето на буџетот во повеќе наврати беше проблематизрано во советот на општината, а тогашното мнозинство предводено од ДУИ и СДСМ не даваше „зелено светло" наоѓаше забалешки токму во делот за финсирање на нови вработвања. Со неодамнешното менување на силите во советот, мнозинството сега е на страната на градоначалникот. На последната седница беа сменети и назначени нови членови на речиси сите управни одбори.

Пожарната во Тетово доби два камиони за гаснење пожари како донација од Данска

 Тетовските пожарникари добија две нови возила – специјални камиони за гаснење пожари кои се донација од Данска.

 Камионите се обезбедени со залагање на Меџаит Љатифи доктор од тетовското село Доброште, кој долги години живее и работи во Данска.

Ука Алити, командир на тетовската противпожарна единица рече дека првото возило е главен камион за гаснење пожари со сета пропратна опрема, а цистерната претставува логистика за навалното возило.

– Како резултат на една соработка, противпожарната бригада доби два камиони со што се зголемува капацитетот на единицата за справување со пожари. Благодариме на Општина Теарце за ангажманот и првичната нивна иницијатива и посебно докторот Меџаит Љатифи кој успеа да ги донесе камионите до тука, изјави градоначалничката Теута Арифи.

Меџаит Љатифи истакна дека за оваа иницијатива бил многу мотивиран знаејќи дека народот има проблеми со многу пожари.

Камионите биле наменети за Општина Теарце, но бидејќи се уште нема такви единици во рурални општини надлежност на возилата е префрлена на Општина Тетово.

Исен Асани, градоначалник на Општина Теарце рече дека се надева оти законските измени ќе придонесат да се создаваат одделенија на пожарната во руралните места.

Станува збор за едно главно навално возило камион за гаснење пожари како и еден камион цистерна.

притисни ентер