Фудбал

Буџетот на ФИФА до 2022 година ќе се зголеми на над 6 милијарди долари

Буџетот на Светската фудбалска федерација (ФИФА) мора да се зголеми на 6,56 милијарди долари до 2022 година. Нацрт-буџетот на централата беше одобрен за време на Конгресот, кој се уште е во тек во рускиот главен град.

Беше забележано на делегатите дека околу 70 отсто од буџетот веќе покриен со тековните договори. Најголемиот дел од овие пари доаѓаат од продажба на телевизиски и маркетинг права.

Буџетот за периодот 2015-2018 година требаше да донесе 5,5 милијарди долари на ФИФА, но овој индикатор беше надминат за 10 отсто на 6,1 милијарда долари.

За изминатата 2017 година, ФИФА бележи мала загуба, што беше објавено како резултат на претходната финансиска криза и наводите за корупција од страна на водечките функционери, кои се уште се во полн ек.

Потоа, претседателот Инфантино зборуваше за „неверојатни цифри“ и го истакна растот на приходите во изминатите четири години, „и покрај најлошата криза што досега ја имала ФИФА“.

Федерацијата го смени својот финансиски систем под Инфантино и сега ја пресметува својата заработка од Светскиот куп едвај на крајот на својот четиригодишен циклус. Светското првенство е главен извор на приходи за ФИФА, која пак очекува нејзините резерви да пораснат до 1.653 милијарди долари.

Затоа, Инфантино се обидува да воведе уште два светски турнири - на клубско и на национално ниво - за да ја направи централата понезависна и нејзините приходи побрзо да се зголемуваат. /МИА

Македонија

Мицкоски: Христовото Воскресение е многу значаен ден, да се обединиме, да се сплотиме..

Христовото Воскресение е многу значаен ден, да се обединиме, да се сплотиме како народ и како нација.

Ќе ми дозволите да го честитам на сите православни христијани овој голем ден, значаен дел, Христовото Воскресение. И да им посакам хармонија, спокој, ним и на нивните семејства.

Истото сакам да го посакам на сите граѓани во Македонија, насекаде во светот без разлика на верската припадност.

За нас православните христијани Христовото Воскресение е многу значаен ден и во име на тоа дозволете денеска да уживаме во мирот, во спокојот.

И да се обединиме, да се сплотиме бидејќи како народ и како нација тоа ни е потребно во деновите, месеците, и годините кои што следат.

Христијан Мицкоски, претседател на ВМРО-ДПМНЕ

Центар за комуникации на ВМРО-ДПМНЕ

Фудбал

Чави по поразот од Жирона: Можеби ни недостасува зрелост

Тренерот на Барселона, Чави Ернандез даде свое мислење по вчерашниот натпревар против Жирона. Барса го загуби каталонското дерби со 2-4 и на тој начин Реал Мадрид ја обезбеди титулата во Ла Лига на четири кола до крајот.

-Ја загубивме контролата врз играта поради огромните грешки, кои се неприфатливи на ова ниво. Вакви работи се случуваат цела сезона и не чинат вредни бодови. Можевме да победиме, но грешките што ги направивме се покажаа како одлучувачки. Ни недостигаше ефикасност и во нападот, а тешко е да се добиваат такви натпревари. Мораме да промениме многу работи за да се бориме за титулата следната сезона. Можеби ни недостига зрелост. Повеќето од нашите играчи се доста млади. Ќе ги донесеме вистинските заклучоци и ќе ги исправиме нашите слабости, нагласи Чави по мечот.

Тој му честиташе на Реал Мадрид за титулата.

-Собраа најмногу бодови и затоа се шампиони, додаде тренерот на Барселона.

Свет

Унгарија е подготвена за претседавање со ЕУ, тврди унгарскиот заменик-министер за ЕУ прашања

Унгарија е подготвена да го преземе претседавањето со Европската унија на 1 јули, изјави денеска унгарскиот заменик-министер за ЕУ прашања, Пал Барна Жигмонд.

Во објава на Фејсбук, тој истакна дека во сегашното политичко и економско опкружување, претседавањето со ЕУ ќе биде „возбудлив предизвик“, пренесува МТИ.

Жигмонд го цитираше претседателот на Европскиот совет, Шарл Мишел, кој вели дека е уверен и полн со надеж во врска со унгарското претседателство и истакна дека моментално премиерот Виктор Орбан е единствениот шеф на Влада во ЕУ кој ќе раководи со ротирачкото претседателство по втор пат.