„Секој кој ме познава или работел со мене знае дека никогаш не би повредил некој намерно или свесно да направам нешто поради кои ќе се почувствува непријатно. Тоа никогаш не ми била намерата”, соопшти оскаровецот.
Фримен е последната холивудска ѕвезда која е обвинета за сексуално вознемирување, откако обвиненијата против Харви Вајнштајн доведоа до создавање на движењето #MeToo.
Имено, осум жени го обвинија Морган за сексуално вознемирување, кои биле вработени во продуцентската куќа “Revelation Entertainmnet” чии сопственици се Фримен и американската продуцентка Лори Мекрери.
“Многу пати го коментираше моето тело, но и телото на мојата колешка. Кога е тој на сет ние не носевме провокативна облека, ниту пак облека во која ги покажуваме градите”.
“Се обидуваше да ми го подигне здолништето и ме праша дали носам долна облека”, рекла една жена чиј идентитет не е познат и дека ова се случувало во 2015 кога работела како асистентка на продукцијата за филмот “Going in Style”.