Македонија

Почна судењето за „Монструм“, Фетаи ги расплака роднините на убиените

Во Кривичниот суд денеска почна рочиштето за случајот „Монструм“ односно петкратното убиство кај Смилковското езеро на 12 април 2012 година.

Судењето за „Монструм“ почнува од почеток бидејќи предметот го презеде Специјалното јавно обвинителство.

Во судницата се присутни обвинетите Агим Исмаиловиќ, Хаки Азири, Фејзи Азири и Сами Љута, како и роднини на убиените деца. На рочиштето не се присутни прво и второобвинетиот Алил Демири и Африм Исмаиловиќ, кои се недостапни за судот.

На почетокот на рочиштето обвинителката Фатиме Фетаи рече дека СЈО го презема овој предмет кога Врховнит суд ги укина пресудите на првостепениот и второстепениот суд и предметот е вратен на повторно судење.

Обвинителката Фетаи од судот побара на прво и второобвинетиот, да им се суди во отсуство, бидејќи се недостапни. Додека Фетаи го читаше ибвинението, дел од роднините на убиените плачеа во судницата.

Откако обвинителката Фетаи го прочита обвинителниот акт поднесен од Обвинителството за организиран криминал и корупција, исказ пред судот дава третообвинетиот Агим Исмаиловиќ. Рече дека останува на изјавата што ја дал пред шест години - дека не го сторил делото за кое е обвинет и не се чувствува виновен.

Масакрот кај Смилковското Езеро се случи на 12 април 2012 година, на Велики четврток, пред големиот христијански празник Велигден, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски.

За петкратното убиство беше отворен предмет „Монструм“, а на доживотен затвор беа осудени Алил Демири, Африм и Агим Исмаиловиќ и Езим и Хаки Азири и Сами Љута.

Врховниот суд во декември лани ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. За судот се уште недостапни се Алил Демири и Африм Исмаиловиќ по кои се распишани меѓународни потерници. /МИА.

Свет

Италија им забрани на хуманитарните организации да ги користат аеродромите до мигрантските рути

Италија вчера соопшти дека авионите што ги користат добротворните невладини организации (НВО) за следење на бродовите со мигранти во неволја повеќе нема да можат да летаат од аеродромите на островите Сицилија, Пантелерија и Лампедуза.

Одлуката, објавена од италијанската управа за цивилно воздухопловство (ENAC), ќе им отежне на невладините групи, како што е Sea Watch, да ги користат нивните мали авиони за да бараат бродови на кои им треба спасување во централниот дел на Медитеранот.

„Ова е чин на кукавичлук и цинизам од страна на оние кои ги криминализираат невладините организации за политичка пропаганда“, се вели во објавата на Sea Watch на X, додавајќи дека сè уште планираат да летаат за да им помогнат на мигрантите на кои им е потребно.

Во писмената одлука, ENAC рече дека авионите се „неоправдани“, претставуваат товар за официјалните спасувачки тимови и ризикуваат да ја загрозат безбедноста на мигрантите без документи.

Флавио ди Џакомо, портпарол на Меѓународната организација за миграција на ОН (ИОМ), рече дека италијанската одлука „може да ги попречи напорите за спасување животи“.

Набљудувачките авиони на невладините организации редовно наоѓаат бродови во неволја и ги наведуваат спасувачите до нивната локација.

„Си воч“ соопшти дека целта на одлуката е да го спречи светот да види што се случува.

Италијанската премиерка Џорџија Мелони ја презеде функцијата во 2022 година, ветувајќи дека ќе се бори против мигрантите од Африка.

Владата вели дека нејзините мерки функционираат и затоа ги намалуваат давениците за време на опасниот премин. Досега оваа година, 17.666 мигранти стигнале до Италија со брод во споредба со 44.739 во истиот период во 2023 година, според официјалните податоци.

Македонија

ДИК: Силјановска Давкова 128.185, Пендаровски 62.726

Првични резултати за претседателските избори од Државната изборна комисија.

На обработени 33,10% од избирачките места, според извештајот на ДИК, Гордана Силјановска Давкова освоила 62,34% од гласовите или 128.185 гласови. Стево Пендаровски освоил 62.726 гласови или 30,50%.

Регион

Први ДНК резултати во случајот на малата Данка- ниеден резултат од автомобилот не е нејзин

Јавното обвинителство во Заечар ја потврди информацијата дека пристигнале првите ДНК тестови и дека нема биолошки траги на двегодишното девојче Данка Илиќ чие исчезнување на 26 март беше пријавено во Бањско Поље кај Бор.

- Ги добивме првите неколку пријави, само еден дел од трагите што се испитуваат, а се испитуваат и многу предмети. Во добиените резултати од ДНК нема биолошки траги од девојчето - вели Миодраг Цановиќ, обвинител на ВЈТ од Зајечар, пренесе Телеграф.

Тој потврди дека вештаците пронашле околу 500 траги пронајдени во службеното возило на ЈКП „Водовод“, за кое постои сомневање дека го користеле Дејан Драгојевиќ и Срѓан Јанковиќ при извршувањето на кривичното дело, но и дека вештаците пронашле облека. , чевли на осомничените, предмети и алат од нивните домаќинства и траги пронајдени на терен. Вештаци го прегледуваат ГПС уредот од службеното возило „Водовода“ за да ги утврдат параметрите за движење на Драгојевиќ и Јанковиќ на денот на исчезнувањето на девојчето.

Меѓу пријавите добиени во Националниот центар за криминалистичка форензика има и предмети од службеното возило на градски „Водовод“ што го управувал осомничениот на денот на исчезнувањето на девојчето.

- Тоа секако не се сите индиции. Сè уште чекаме да пристигнат другите - вели Цановиќ.