Изградбата на Универзалната сала ќе почне следната година

Ова парче бетон три години стои непоместено врз седиштата во Универзална сала. 

Некогашниот синоним на музичко-естрадната сцена, сега наликува на запуштен магацин со мирис на мувла.

Поинаква слика денеска најавија министерот за култура Алаѓозовски и скопскиот градоначалник Шилегов. За стартот на реконструкцијата ќе се чека до следната година. Причините се огромните долгови.

„Неколку проекти постојат за Универзалната сала, дел се недоразработени, дел се изведени надвор oд било каква постапка и процедура со необезбедени финансиски средства и заради нив Универзална сала е во тешка финансиска состојба – должи 200 илјади евра за проект којшто е нарачан од не се знае кого и нема средства за неговото плаќање, “истакна градоначалникот на Скопје  Петре Шилегов.

Деталите за тоа како ќе изгледа објектот и колку ќе чини неговата обнова се уште не се прецизирани. Засега има три готови проекти кои се под темелна разработка, со цел да се најде најоптималното решение за изградба.

„Нашата одлична соработка со Град Скопје ќе резултира со објект кој ќе се изгради со максимална одговорност кон буџетот и парите на граѓаните, ќе биде максимално функционален и ќе придонесе за уште поголемо раздвижување на културната сцена,“ вели министерот за култура  Роберт Алаѓозовски.

Претходната влада излезе со идејно решение на местото на сегашниот објект да никне целосно нова концертна сала во облик на јајце. Сегашната власт не отстапува од задржување на автентичниот изглед, а изградбата ќе биде според најсовремените стандарди за безбедност, удобност на гледалиштето и пристапност.

Помпео: САД сериозно го сфаќаат исчезнувањето на Кашоги

Американскиот државен секретар Мајк Помпео изјави дека неговата земја сериозно го сфаќа исчезнувањето на саудискиот новинар Џамал Кашоги.

Тој ова го изјави за време на престојот во Турција каде што разговараше со претседателот Реџеп Таип Ердоган.

Според него, Ердоган јасно рекол оти Саудијците соработувале со турската истрага. КАШОГИ последен пат бил виден како влегува во саудискиот конзулат во Истанбул по документи во врска со неговата венчавка со една турска новинарка.

Телефонски разговор Заев-Ципрас по оставката на Коѕијас

Телефонски разговор по оставката на Никос Коѕијас имале премиерите на Македонија и Грција, Зоран Заев и Алексис Ципрас. 

Според портпаролот на грчката Влада и министер без ресор, Димитрис Ѕанакопулос, и двајцата премиери се согласиле и повториле дека работат на имплементација на Договорот од Преспа.

- Премиерот контактира многу редовно со господинот Заев. Очигледно е дека премиерот на соседната земја нема да ги коментира внатрешните ситуации и внатрешната сцена во Грција, наспроти тоа, се согласија и го повторија она што им е на сите познато дека и двајцата работат за Балкан на 21. век и двајцата работат за имплементација и стапување во сила на Договорот од Преспа, рече Ѕанакопулос во интервју за грчката државна телевизија ЕРТ.

Како што јави дописничката на МИА од Атина, според грчкиот весник „Авги“, кој важи за гласник на СИРИЗА, двајцата премиери разговарале за нов Балкан на кој преовладува мир, соработка и солидарност.

Информативниот портал „Ин“, пишува дека Ципрас го информирал Заев за она што се случило околу оставката на Коѕијас и за тоа дека тој лично го презема Министерството за надворешни работи, додека пак македонскиот премиер на неговиот грчки колега му ја пренел ситуацијата во Македонија за гласањето во собранието и позицијата на пратениците од ВМРО-ДПМНЕ. /МИА

Стејт департмент: Лидерите во македонското Собрание да ги надминат партиските политики

САД ги поттикнуваат лидерите во македонското Собрание да ги надминат партиските политики и да ја искористат историската можност за подобра иднина на земјата, вели ,меѓу другото, претставник од Стејт департментот.

САД ги поттикнуваат лидерите во македонското Собрание да ги надминат партиските политики и да ја искористат историската можност за подобра иднина на земјата, вели ,меѓу другото, претставник од Стејт департментот во изјава за грчката новинска агенција АНА- МПА.

Како што јави дописничката на МИА од Атина, американскиот функционер, на прашањето за оставката на Никос Коѕијас, рекол дека „му се заблагодаруваат за покажаната особена посветеност за зајакнување на односите САД - Грција и за придонесот во постигнувањето на историскиот Договор од Преспа“.

- САД цврсто ја поддржуваат целосната имплементација на договорот, кој ќе и овозможи на Македонија да го заземе своето место во НАТО и ЕУ како Република Северна Македонија, придонесувајќи за регионална стабилност, безбедност и просперитет. Бидејќи во македонското Собрание продолжува расправата за уставните измени ги поттикнуваме лидерите да ги надминат партиските политики и да ја искористи оваа историска можност за да се обезбедат подобра иднина за земјата како полноправна членка на западните институции, рекол претставникот на Стејт департментот за грчката новинска агенција АНА-МПА. /МИА

притисни ентер