Македонија

БЕГ и во наредната сезона ќе дистрибуира топлинска енергија во Скопје

Балкан енерџи груп (БЕГ) е во стабилна состојба.

Нема промена во сопственичката структура. Останува и во наредната грејна сезона да ја дистрибуира топлинската енергија до потрошувачите во Скопје и уверува дека се подготвени за тоа.

Ова го истакна генералникот директор на БЕГ АД Димитар Кочовски на денешната средба со новинарите по повод пет години Балкан енерџи груп.

- Нема отворена стечајна постапка. Во тек е судска разврска со една компанија која има побарување кое сметаме дека е неосновано и тоа е тековен спор кој е минорен. Далеку е нашата компанија од стечај. Таа е во стабилна состојба и нормално работи. Само се работи за тековен спор кој судски ќе се расчисти, истакна Кочовски.

Тој додаде БЕГ и во наредната година ќе продолжи со дистрибуција на топлинска енергија и оти имаат лиценца за 35 години.

- БЕГ ја подготвува новата грејна сезона и без никакви дилеми ќе има стабилен и сигурен почеток на следната грејна сезона. Корисниците да не стравуваат во тоа. Нашата компанија е и кадровски и финансиски спремна да ја продолжи успешната работа и да ги продолжи подобрувањата, истакна Кочовски.

За цената во наредната сезона не прецизираше дали ќе има промена, појаснувајќи дека податоците се поднесуваат до Регулаторната комисија за енергетика и оти цената се формира врз основа на тарифен систем.

- Цената на парното не зависи само од енергетската ефикасност и трошоците, туку и од цената на берзите, истакна Кочовски додавајќи дека цената во последните пет години како резултат на зголемената енергетска ефикасност, намалените трошоци и ценовната коњуктура на енергенсите кај домаќинствата е намалена за над 30 проценти, кај деловните субјекти за 55 и кај образовните институции за над 65 проценти.

Кочовски посочи дека е запрен трендот на исклучување на коирсниците од мрежата и дека во последните години имаат нови 6.300 приклучени корисници со вкупен капцитет од 50 мегавати.

- Кога почнавме имавме 44.000 корисници, а сега се 51 илјада, рече Кочовски и додаде дека тие имаат капацитет од 800 мегавати, но дека се користат половина и оти се планира проширување на опфатот.

Засега, како што најави, ќе се прошири мрежеата кон населбата Александрија кај Влае и полека ќе се движат кон Ѓорче Петров, а се планира и зголемување на времетраењето на греењето.

Одговрајќи на новинарски прашања за најавите од Град Скопје за преземање дистрибутивната мрежа од БЕГ, рече дека со Град Скопје се во постојана комуникација. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Русокосата Дилета повторно предизвика вистински хаос на интернет сега од своето работно место

Една од најубавите спортски новинарки на светот, италијанската новинарка Дилета Леота повторно привлече внимание со својот изглед на социјалните мрежи, откако се јави од студиото за време на еден натпревар минатиот викенд.

Таа објави фотографии од своето работно место, а како и обично, беше во провокативна модна комбинација.

За известување од една средба атрактивната Дилета одбрала црна, проѕирна комбинација, под која јасно се гледаше црн градник, истакнувајќи го нејзиниот буен биста.

Со ова издание, таа уште еднаш ги израдува своите повеќе од 9 милиони следбеници, па така не недостигаа коментари и комплименти.

https://www.instagram.com/reel/DepXu-Usoih/?utm_source=ig_embed

Многумина се фалеа дека „направиле зум на фотографијата“, а други ѝ велеа: „Стануваш сè поубава и поубава...“, „Какво чудо...“ и слично.

Дилета Леота во последните години е заштитно лице на британската компанија DAZN во Италија, а откако во мај годинава се породи по вторпат, нејзиниот изглед е постојано под лупа на јавноста и во центарот на медиумското внимание, бидејќи неверојатно брзо ја врати својата совршена линија.

Дилета и нејзиниот сопруг, германскиот голман Лорис Кариус, имаат две деца. Првото дете, ќерката Арија, го добија на 16 август 2023 година, а интересно е тоа што Арија се роди на истиот ден кога е роденден на Дилета. Второто дете, синот Леонард, го роди на 9 мај 2026 година.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ајкулата Буканги тврдоглаво одбива да си замине: Повторно се врати во каналот

Ајкула по име Буканги, која вчера беше насочена кон излезот откако помина повеќе од еден месец во канал во јужнокорејскиот град Бусан, се вратила во каналот, објави новинската агенција Јонхап.

Утринава, на 22 октомври, ајкулата била забележана како плива во тесен простор помеѓу пловечка платформа – поставена близу излезот од каналот – и заштитна мрежа.

Според набљудувачите, можно е ајкулата да се вратила пливајќи под платформата. Буканги првпат била забележана во каналот на 18 септември. Оттогаш, блискиот парк стана голема атракција, привлекувајќи повеќе од 1,6 милиони посетители заклучно со неделата, пренесува Танјуг.

По два неуспешни обиди ајкулата да се насочи кон отворено море, градските власти и крајбрежната стража вчера успеаја да ја упатат кон излезот користејќи мрежа прикачена на понтон.

Околу 18:00 часот, ајкулата била забележана близу пристаниште надвор од каналот, иако сè уште не била на отворено море. Некои посетители пријавиле дека ја виделе ајкулата како се враќа во каналот синоќа, околу 23:00 часот.

Властите претходно изразија загриженост дека животното би можело да угине доколку температурата на водата дополнително опадне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје-Известувањето за неработен ден 23.10.2026 година

ЈП Водовод и канализација – Скопје ги известува корисниците на своите услуги дека на ден 23.10.2026 година (петок) шалтерите за наплата и рекламации во Дирекцијата на претпријатието нема да работат.

ЈП Водовод и канализација – Скопје ги известува корисниците на своите услуги дека на ден 23.10.2026 година (петок), по повод државниот празник Ден на македонската револуционерна борба, шалтерите за наплата и рекламации во Дирекцијата на претпријатието нема да работат.

Со редовно работно време ќе се продолжи од 24.10.2026 година (сабота).

Воедно, ги повикуваме корисниците да ги користат електронските сервиси на ЈП Водовод и канализација – Скопје, кои овозможуваат брз и едноставен пристап до услугите.

Повеќе информации се достапни на www.vodovod-skopje.com.mk и пристап до електронските сервиси е овозможен преку e.vodovod-skopje.com.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.