Македонските ракометари напорно тренираат во Маврово

Македонската ракометна репрезентација повеќе од една недела се подготвува во Маврово за настапот на Светското првенство во Франција, а играчите под водство на селекторот Лино Червар и неговиот стручен штаб напорно работат.

- Задоволен сум како тренираат играчите и како ги извршуваат поставените задачи. Мал проблем ни беше настинката кај некои играчи, но имаше некои кои и под лекарства тренираа. Останува фактот дека за нас пласман во вториот круг ќе биде успех. Тренираме да играме зона 6-0, а по потреба и „подлабока“, додека за во напад имаме варијанти и за „шест на шест“, но и за „седум на шест“ како што игравме во Металург. Но, најважно од се треба да прикажеме максимлна борбеност и само со таков пристап можеме да ги постигнеме посакуваните резултати. Исто така ние мора да функционираме како семејство, а очекувам вистинското да биде откако ќе се комплетираме кога ќе дојдат Миркуловски и Мансаков, истакна Червар.

На подготовките во Маврово заедно со А репрезентацијата е и јуниорската селекција, која се подготвува за настап на квалификациите за СП во Алжир. Квалификациската група се игра во Скопје од 4 до 6 јануари.

- Работиме добро и напорно. Имавме неколку контролни дуели со А репрезентацијата што беше добро. Акцент ни е првиот дуел со Полска и досега гледавме нивни натпревари. Очекувам да се комплетираме кога Талески, Велковски и Нелоски ќе бидат со нас. Со подготовки ќе продолжиме и веднаш по Нова година и на 1 јануари ќе имаме два тренинга, изјави селекторот на јуниорската репрезентација Илија Темелковски.

Двете репрезентации во Маврово ќе се подготвуваат до 30 декември (петок).

Вториот дел од подготовките двете репрезентации ќе го имаат во Скопје во СРЦ „Кале“.

Рамос му посака брзо закрепнување на Салах

Серхио Рамос го искористи својот Твитер профил за да искаже сочувство кон повредениот Мохамед Салах. 

Дефанзивецот на Реал Мадрид и нанесе повреда на ѕвездата на Ливерпул во средината на првото полувреме по груб боречки дуел, а потоа Шпанците победија со 3: 1 во финалето на Лигата на шампионите.

- Понекогаш фудбалот ви ја покажува добрата страна, а понекогаш и лошата. Пред се, ние сме професионалци и сакам да му посакам брзо закрепнување. Салах, иднината те очекува, напиша тој.

По натпреварот, Рамос ги негираше гласините дека Кристијано Роналдо ќе го напушти Мадрид. Тој тврди дека Португалецот нема да најде посилен тим од Реал. /МИА

Кариус: Го предадов тимот

Голманот на Ливерпул, Лорис Кариус презеде вина за поразот на неговиот клуб во финалето, откако прими два смешни гола за победа на Реал Мадрид со 3:1.

- Во моментов не чувствувам ништо. Го загубив натпреварот и жалам. Им се извинувам на моите соиграчи и сите поврзани со клубот. Ако можев да го вратам времето назад, ќе го направев тоа. Жал ми е, бидејќи денес ги предадов колегите, рече тој по мечот.

Германецот додаде дека неговите грешки во финалето го чинеле прескапо целиот тим.

- Тешко е да се зборува, но тоа е животот на голманот. Должен сум да кренам повторно глава. Во моментов, сепак само жалам за она што се случи, бидејќи овие голови се по цената на трофеј, додаде Кариус. /МИА

Клоп: Пропуштивме голема шанса

Менаџерот на Ливерпул, Јирген Клоп дефинитивно не беше расположен за коментари по поразот од Реал Мадрид во финалето на Лигата на Шампионите во Киев со 1:3.

„Црвените“ го почнаа подобро натпреварот, но потоа го загубија Мохамед Салах, а голманот Лорис Кариус направи голема грешка и му овозможи на Карим Бензема да го отвори резултатот. Ливерпул израмни, но резервата Герет Бејл повторно ја врати предноста на Реал, а нова грешка на Кариус по удар од далечина на Велшанецот го реши исходот од натпреварот.

- Момчињата се обидоа со се, но тоа не беше најдоброто сценарио што ни се случи вечерва. Се беше многу убаво до оваа вечер. Имавме голема шанса, но не успеавме да ја искористиме. Тоа е. Никогаш нема да дознаеме што ќе се случеше ако Мо Салах останеше на теренот, прокоментира Германецот.

Менаџерот на Ливерпул го израмни антирекордот на Ектор Купер и Арсен Венгер, откако Ливерпул загуби во финалето. Германецот стана третиот менаџер во историјата, кој ги губи првите три финалиња во европските клубски турнири.

За Клоп, поразот во финалниот меч исто така е шести од вкупно седум финалиња, во кои тој бил тренер. /МИА

притисни ентер