Премиерот Заев во посета на Тиквешијата

Премиерот Зоран Заев денеска е во посета на Тиквешијата која го празнува верскиот празник свети Трифун - заштитникот на лозарите и винарите.
Придружуван од министерот за земјоделство Љупчо Николовски, Заев на градскиот плоштад во Кавадарци се сретна со кавадаречкиот градоначалник Митко Јанчев со кого наздрави со вино на еден од штандовите со производи од тиквешкото поднебје, посакувајќи здравје и среќа и подобри денови за лозарите и за сите граѓани на Македонија.

Разговараше и со лозари и жители на Кавадарци, а од најмладите од Црвен крст претседателот на Владата си купи и хумано срце изработено од нив за хумани цели.

Посетата ќе продолжи во Неготино, а најавена е и посета на винаријата во Лепово. /МИА

Руско знаме поставено во Сализбери

Знамето во текот на ноќта го поставиле непознати лица, а го тргнале вработените кои ја одржуваат катедралата.

Во Сализбери на 4 март минатата година со нервен гас „новичок“ беа отруени поранешниот агент на КГБ Сергеј Скрипал и неговата ќерка Јулија. Тие беа пронајдени онесвестени на клупа во паркот во центарот на Сализбери.

Ахмети: Има волја за да се постигне договор за консензуален претседателски кандидат

Лидерот на ДУИ, Али Ахмети во интервју за РТК по повод 11-годишнината од независноста на Косово зборува и за претседателските избори во земјата.

Лидерот на ДУИ, Али Ахмети во интервју за РТК по повод 11-годишнината од независноста на Косово зборува и за претседателските избори во земјата, истакнувајќи дека тој ја испружи раката за соработка со албанската опозиција за заеднички кандидат Албанец, но за жал, двете опозициски партии го одбиле.

-Сега, јас ја испружив раката, но албанските  опозициски политички партии излегоа со многу навредувачки ставови  и не ја прифатија испружената рака, мене ми е жал за ова. Во понеделник ќе има средба на коалициските партнери.  Ние стоиме на нашиот принцип за претседател на државата со договор  помеѓу страните кои имаат легитимитет, значи на албанската и македонската страна. Има волја за да се постигне договор, но ова зависи од страните кои ќе се сретнат во понеделник, истакнал Ахмети. /МИА

Трамп ќе употреби вето ако Конгресот гласа против ѕидот

Претседателот на САД Доналд Трамп подготвен е за прв пат да употреби вето.

Ако Конгресот биде против неговата објава на вонредна состојба долж границата со Мексико, Трамп ќе употреби вето. Тоа за ТВ Фокс го изјавил Стивен Милер, висок советник на Трамп.

- Тој ќе ја заштити својата објава за вонредна состојба, рекол Милер на прашањето дали Трамп ќе употреби вето ако Конгресот не ја поддржи неговата одлука, пренесе АП.

Трамп вонредната состојба на границата со Мексико ја објави во петокот со желба да го избегне Конгресот за финансирањето на ѕидот кон Мексико, на што се спротивставуваат демократите и одбиваат во буџетот да бидат вклучени 5,7 милијарди долари колку што се потребни за неговото градење.

притисни ентер