Димитров во Софија на неформален состанок на министрите за надворешни работи на ЕУ

Шефот на македонската дипломатија Никола Димитров од денеска престојува во Софија, каде што е предвидено да има билатерални средби со претставници на бугарските власти и да учествува на неформален состанок на министрите за надворешни работи на ЕУ.
Димитров денеска треба да има билатерални средби со претседателот на Бугарија, Румен Радев, СО премиерот Бојко Борисов и со неговата колешка Екатерина Захариева.

Димитров и Захариева, како што соопшти МНР, ќе ги разменат ратификациските документи на Договорот за пријателство, добрососедство и соработка.

Со тоа практично ќе се заврши формалната постапка за стапување на Договорот во сила, по неговата ратификација во македонското Собрание на 15 јануари и на бугарскиот Парламент три дена подоцна.

Состојбата во Западен Балкан, со акцент на евроинтегративниот процес на регионот, како и ситуацијата во Сирија и Северна Кореја, ќе бидат темите на кои ќе се дискутира на сесиите на неформалниот состанок на Советот за надворешни работи на Европската унија (Гимних), што утре и задутре ќе се одржи во Софија.

Домаќин на состанокот е бугарската вицепремиерка и министерка за надворешни работи Екатерина Захариева, чија земја е актуелен претседавач со ЕУ.

На неформалниот состанок ќе учествува и високата претставничка на Унијата за надворешна политика и безбедност Федерика Могерини, шефовите на диломатиите на 28-те земји-членки, како и министрите за надворешни работи на петте земји кандидатки од регионот Македонија, Албанија, Црна Гора, Србија и Турција.

Гимних е дворец во западниот дел на Германија, кој беше гостинска куќа на владата на некогашна Западна Германија. Тоа е местото каде се одржа првиот неформален состанок на шефовите на дипломатиите од ЕУ во 1974 година.

Овие состаноци се неформални, а учесниците имаат можност да дискутираат за актуелни прашања, но по дебатите не се усвојуваат декларации или формални заклучоци. /МИА

Фото: Двајца загинати, 18 тешко повредени во железничка несреќа во Италија

Две лица загинаа, а 18 се повредени на северот на Италија доцна синоќа кога локален воз налета на камион што се заглавил на железнички премин во близина на Торино.

Според италијанските медиуми, несреќата се случила нешто пред полноќ. Локомотивата и два вагона излетале од шините.

Машиновозачот загинал на лице место, додека еден патник на пат кон болница

Турција со авиони и хеликоптери го нарушува грчкиот воздушен простор

Во Егејското море  тензиите се зголемија , објавија грчките медиуми.

Атина објави дека турските воени авиони  го прекршиле 28 пати  воздушниот простор на земјата во изминатите 24 часа.

Грчкиот генералштаб објави дека осум турски борбени авиони од типот  Ф-16, еден од типот  ЦН-235 и осум хеликоптери навлегле во грчкиот воздушен простор.

Во сите случаи, турските авиони беа идентификувани и пресретнати  од грчките воени авиони во согласност со меѓународните правила, рече грчката армија.

Ахмети се сретна со Мет Палмер од Стејт департментот

Претседателот на Демократската унија за интеграција, Али Ахмети се сретна со заменик-помошникот државен секретар во Стејт департментот, Мет Палмер. 

Од ДУИ информираа дека на состанокот се разговарало за преговорите меѓу Скопје и Атина и можностите за затворање на спорот за името со цел да се отворат вратите на НАТО и ЕУ за Македонија.

Ахмети истакнал дека ДУИ го поддржува затворањето на прашањето и придонесува за постигнување на прифатлив компромис за двете страни.

- Компромисот ќе ни овозможи да добиеме покана за влез во НАТО и да добиеме датум за почеток на преговорите за членство во ЕУ. Евроатлантската интеграција на Македонија е наш приоритет бидејќи овозможува мир, стабилност и безбедност, но исто така отвора нови и конкретни економски перспективи, посочил Ахмети.

Во соопштението од ДУИ се наведува дека САД силно ја поддржуваат евроатлантската перспектива на Македонија и поттикнуваат надминување на сите пречки на овој пат. 

притисни ентер