За таа прилика, каскадерката Викторија Колесникова, облечена во комбинезонот, прошета низ симулација на воено поле, на кое експлодираа мини и се ширеше пламен.
И покрај тоа, Викторија помина без гребнатинки, а единствената последица која ја искуси беше неколку дамки од чад на нејзиното лице.
Таа, после своето огнено крштевање, пред новинарите изјави дека чувството кога се наоѓате внатре во огнената стихија е целосно неверојатно.
Сергеј Титов, задолжен за развојот на програмата во ЦНИточмаш, изјави дека Колешникова ја демонстрирала можноста на напредната арамидна ткаенина, која е во состојба да издржи кинетички удари и дејство на пламен.
На сегашното ниво на развој, материјалот и дизајнот на оделото способни се да се “изборат“ со куршуми и шрапнели, но се уште се работи на отпорноста од пламен, за да може оделото да издржи 30, наместо досегашните 15 секунди континуирана изложеност на пламен.
Во компанијата се надеваат дека до 2020 година ќе го имаат финалниот производ, кој официјално ќе стане дел од програмата за модернизација на руската војска.