Малолетник од Скопје крадел во куќи и станови низ Струга

Малолетник од Скопје доби кривична пријава од Полициската станица во Струга поради постоење основи на сомнение за сторени девет кривични дела од кои пет „тешка кражба во обид“ и четири „одземање на моторно возило“.
СВР Охрид соопшти дека пријавениот, роден 1998 година, тешките кражби ги извршил во текот на септември и октомври годинава.

- Една кражба направил во куќа во селото Радожда и четири во станови во Струга и населбата „Езерски Лозја“. Малолетникот користел подесен алат - „топокршач“ и насилно ги отворал влезните, како и балконските врати во куќите и становите, информира портпаролот на СВР Охрид Стефан Димоски.

Пријавениот, како што истакна, бил на издржување казна затвор во Воспитно поправниот дом - малолетнички затвор Велес, од каде во текот на август годинава користел одмор по што не се вратил назад, односно бил во бегство. На седми октомври, бил приведен во полициската станица во Чаир, а потоа спроведен во Воспитно поправниот дом Охрид за издржување казна затвор. /МИА

Влада: Предложените за претседател и членови на РКЕ се избрани на јавен оглас

Регулаторна комисија за енергетика ќе добие нов претседател.

Владата го предложи Марко Бислимовски да ја предводи главната функција на ова регулаторно тело.

Бислимовски и досега работеше во комисијата како советник и во јавноста важи за професионалец во енергетската област. Од владата уверуваат дека ќе таков ќе биде и како претседател.

Освен Бислимовски, Владата како комисионери ги предлага Наташа Вељановска, Атанаско Тунески и Куштрим Рамадани, исто, досегашен член на Комисијата

Надлежностите и независноста на Регулаторна беа жестока тема на расправа при донесувањето на Законот за енергетика. Опозицијата обвинуваше дека Владата ја нарушува независноста на ова тело, а власта тврдеше дека наместо професионалци со комисијата раководат партиски кадри.

Познавачите на проблематика, оценуваат дека сепак тешка ќе биде битката за независност на РКЕ.

Прв човек на Регулаторна од 2009тата до сега беше Димитар Петров, кој често беше обвинуван поради неговата партиската припадност.

Платите на членовите на Регулаторна комисија се движат околу 1 500 евра.

Мандатот на претседателот и членовите е 5 години со право на реизбор.

Нова пречистителна станица за третман на отпадни води во Кичево

Општина Кичево доби нова пречистителна станица за третман на отпадни води изградена со европски пари.

Со тоа трајно се решава проблемот со отпадните води во општината и се подигнуваат стандардите за заштита на животната средина.

Пречистителната станица е со инсталиран капацитет за 48.000 жители.

Реализацијата на проектот вклучува и изградба на колектор и пристапен пат. Вкупната вредност изнесува 8,3 милиони евра.

притисни ентер