Свет

Во јужноафриканскиот град Дурбан почнува дводневен самит на БРИКС

Во јужнафриканскиот град Дурбан денеска почнува петата средба на високо ниво на земјите од групата БРИКС (Бразил, Русија, Индија, Кина и Јужна Африка), пренесоа руските медиуми.

За време на дводневниот форум, освен општите дискусии меѓу лидерите на петте држави, ќе има и серија билатерални средби. Гостин на форумот ќе биде претседателот на Египет, Мухамед Морси, кој ќе се сретне со Владимир Путин.

Се очекува од политичките теми, што ќе се разгледаат на средбата на врвот, да доминираат конфликтот во Сирија, проблемите на Блискиот исток и иранската нуклеарна програма.

Се очекува на средбата БРИКС да соопшти дека ќе создаде своја банка за развој.

Средбата во Дурбан ќе се следи со огромно внимание, затоа што ќе биде првата средба на организацијата за новиот кинески лидер Си Џинпин.

Во Дурбан Путин со јужноафриканскиот лидер Џејкоб Зума ќе потпише серија спогодби за стратегиско партнерство, пред се, во воено-техничката сфера, образованието, енергетиката, науката, технологиите и транспортот.

Паралелно со самитот во Дурбан вчера почна дводневен бизнис форум со учество на над 900 бизнисмени од БРИКС.

Земјите од БРИКС заземаат 26 проценти од територијата на планетата, а нивното население изнесува 42 проценти од населението на Земјата.

Свет

Шпанија ќе испрати мал број ракети „Патриот“ во Украина

Шпанија ќе испрати мал број ракети „Патриот“ во Украина, објави денеска весникот „Ел Паис“, повикувајќи се на неименувани добро информирани извори.

Весникот наведува дека Шпанија ја отфрлила можноста за испорака на противвоздушни лансери на Украина, но ќе испрати проектили во Киев.

Шпанија има три системи „патриот“ кои ги купи од Германија во 2004 и 2014 година, потсетува весникот.

Украинскиот претседател Володимир Зеленски им кажа на членките на НАТО претходно овој месец дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да ги одврати руските воздушни напади, барајќи од нив да ја засилат воената помош за Киев.

Министрите на ЕУ пред неколку дена изјавија дека разгледуваат како да обезбедат повеќе оружје за противвоздушната одбрана на Украина.

Македонија

Сончево и потопло, утре попладне дожд и грмежи

Времето утре ќе биде сончево со мала до умерена облачност. Попладне ќе има услови за локална нестабилност со краткотраен пороен дожд и грмежи, особено во планинските подрачја.

Потоа следува период на стабилно и топло време, а дневните температури ќе бидат повисоки за три до пет степени.

Како што соопшти УХМР, во следните три дена ќе биде сончево и потопло со мала до умерена локална облачност. Ќе дува слаб ветер од променлив правец.

Минималните темпеартури ќе бидат во интервал од два до 12 степени, а максималните од 20 до 28 степени.

Свет

Четири европски авиокомпании ќе ја шират идејата за Европа пред евроизборите

Четири авиони на авиокомпании кои се дел од групацијата на „Луфтханза“ во наредните недели ќе ја шират европската идеја за со натпис на нивните трупови: „Да за Европа“.

Станува збор за авиони од типот „Ербас А320“ на авикомпаниите „Луфтханза“, „Еуровингс“, „Аустриан Ерлајнс“ и „Брисел Ерлајнс“ кои ќе имаа задача да служат како амбасадори на европската идеја непосредно пред изборите за членови на Европарламентот.

Четирите авиони на 13 мај „ќе се сретнат“ на аеродромот во Брисел, симболично манифестирајќи го европското единство.

Инаку, ова не е првпат „Луфтханза“ да ја манифестира својата посветеност на Европа. Сличен поддршка на Европа „Луфтханза“ организираше и пред евроизборите во 2019 година.