Македонија

Гајдов: Најопасната работа за Иран е внатрешната експлозија

„Гренланд е третото големо жариште“

-Под притисок на Израел, мислам дека Трамп ќе го нападне Иран. Иако вчера му порача претседателот на Собранието дека штом го нападне Иран веднаш ќе му ги испотепаат веднаш сите американски војници во околните воени бази, што е многу незгодно за Трапм. Тој вели дека нема од земја да напаѓа туку од небо ракети ќе фрла, но овде да освои територија мора да пушти војска, вели надворешно-политичкиот коментатор Љубомир Гајдов во Само Вистина, прашан за најновите геополитички текови.

- Вчера, лидерот Хамнеи порача дека тие што се бунтуваат против лидерот, се бунтуваат против бога, а тоа значи за нив смртна казна во Иран, но овие гајле немаат. Тамошните големи бунтувања се поради санкциите од ЕУ и САД против Иран, има инфлација 40-50% и таму народот има елементарна потреба да се бунтува. Но Хомнеи дојде на власт поради што Риза Пахлави беше најголем диктатор во светот, а сега неговиот син Принцот Риза Пахлави се нуди за спасител на Иран, што е голема иронија, вели Гајдов.

Најопасната работа за Иран е внатрешната експлозија, но Иран има застрашувачка воена сила и полиција и мислам дека интервенцијата на Трамп на Иран нема да му биде машала, вели Гајдов.

Гренланд е третото големо жариште, Како што гледам тоа што Трамп е решен да го окупа Гренланд, тоа е голема придобивка е за Македонија. Ако како што вели данската премиерка тоа ќе биде крај на НАТО. Тоа е добро за нас бидејќи тие 5% што ги даваме од буџетот за НАТО ќе може да ги даваме за образование. Нам не ни е потребен НАТО штом имаме стратегиски договор со Америка, вели Гајдов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Парамаунт го тужи Ворнер Брос поради договорот со Нетфликс

Компанијата Парамаунт Скајденс (Paramount Skydance) поднесе тужба против управата на фирмата Ворнер Брос Дискавери (Warner Bros. Discovery – WBD) пред судот во Делавер, со цел да го спречи планираното спојување со Нетфликс.

Парамаунт бара Ворнер Брос да објави дополнителни информации за акционерите да можат да донесат „информирана одлука“.

Според наводите во тужбата, Ворнер Брос не го објаснил соодветно начинот на кој ја проценува вредноста на кабелските ТВ канали што планира да ги издвои пред продажбата на студискиот и стриминг сегмент на Нетфликс.

Компанијата исто така сака да побара измени во статутот на Ворнер Брос за акционерите да имаат право посебно да се изјаснат за издвојувањето на кабелските канали, вклучувајќи ги CNN и TNT, пред склучувањето на зделката со Нетфликс.

Извршниот директор на Парамаунт, Дејвид Елисон, во писмо до управниот одбор на Ворнер Брос наведе дека ќе го оспори договорот со Нетфликс на редовното годишно собрание на акционери или на вонредна седница, доколку биде свикана за одобрување на спојувањето.

Парамаунт повтори дека останува на својата понуда од 30 долари по акција за Ворнер Брос, оценувајќи ја како поповолна од понудата на Нетфликс од 27,75 долари по акција, која се однесува само на студискиот и стриминг сегментот од работењето.

Американската продукциска куќа Нетфликс на почетокот на декември соопшти дека постигнала конечен договор со фирмата Ворнер Брос Дискавери, според кој ќе ги преземе филмското и ТВ студио Ворнер Брос, вклучувајќи ги HBO и HBO Max за 82,7 милијарди долари, од кои 72 милијарди долари се капитал.

Притоа, Ворнер Брос Дискавери уште во октомври ја одби понудата на Парамаунт за преземање вредна 108 милијарди долари, но Парамаунт не се помири со таа одлука и се обидува да го запре договорот со Нетфликс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Контроверзен настап на Снуп Дог на Златните глобуси: „Сега сум надуван“ (Видео)

Овогодинешните Златни глобуси воведоа нова категорија, за најдобар подкаст, а честа да ја додели наградата му припадна на раперот Снуп Дог.

Сепак, изведбата на Снуп Дог на сцената не беше без контроверзии - гледачите пред малите екрани беа лишени од дел од неговиот говор што продуцентите одлучија да го цензурираат. Додека публиката во салата го слушаше секој збор, преносот во живо беше прекинат од звучен сигнал (бипер за цензура), а сега е откриено што точно кажал раперот.

Што претходеше на цензурата?

Снуп се качи на сцената во свој стил, поканувајќи ја публиката да се опушти.

"I'm high as a motherfucker right now" Snoop Dogg #GoldenGlobes uncensored pic.twitter.com/PsH5y9Bi3B
— Principe (@Pri_Letterman) January 12, 2026

Потоа се пошегува за новата категорија. „Најдобар подкаст е многу важна категорија за мене бидејќи пред подкастите, јас бев она што би го слушале во вашиот автомобил. Вие, подкастерите, подобро надевајте се дека нема да се впуштам во таа игра“, рече тој пред да ја објави победничката Ејми Полер за нејзиниот подкаст „Good Hang“.

Откриена цензурирана изјава

Непосредно пред да биде објавен победникот, емитувањето беше накратко прекинато од звучен сигнал. Благодарение на публиката во просторијата, брзо беше откриено што кажал 54-годишниот музичар. На начин што не изненади никого, Снуп се пошегува за неговата употреба на марихуана.

„Сега сум надуван. Ме држите тука предолго“, рече тој со смеа, и токму таа реплика беше цензурирана во емитувањето.

Строги ТВ правила

Иако шегата беше целосно во согласност со неговиот имиџ (Снуп Дог, сепак, поседува свој бренд канабис), емитувачите имаат строги правила против шегите за дрога и пцуењето за време на преносите во живо. Раперот не беше единствениот цензуриран таа вечер. Добитничките на наградите Тејана Тејлор и Ерин Доерти беа исто така цензурирани поради пцуење за време на нивните говори.

Извор: Б92

Тагови: Златните глобуси Снуп Дог

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.