Во изјавата, американскиот претседател изрази загриженост за нападот и рече дека тој и неговата сопруга Џил „се молат за брзо закрепнување“ на Фицо.

„Нашите мисли се со неговото семејство и со народот на Словачка.

„Го осудуваме овој ужасен чин на насилство. Нашата амбасада е во близок контакт со владата на Словачка и е подготвена да помогне“, рече Бајден.

Рускиот претседател го нарече пукањето „монструозно“ злосторство за кое „нема оправдување“.

Во телеграмата до словачката претседателка во заминување Зузана Чапутова, рускиот лидер изјави:

„Роберт Фицо го познавам како храбар и решителен човек.

„Се надевам дека овие квалитети ќе му помогнат да ја преживее оваа тешка ситуација.

Путин му посака на Фицо „брзо и целосно закрепнување“.

Препорачано е да не се внесува повеќе од пет грама сол на ден, а кај нас просечен дневен внес на сол е 12,1 грама, информираат денеска од Институтот за јавно здравје (ИЈЗ) по повод Недела за подигнување на свесноста за солта.

- Овогодинешната тема на Неделата за подигнување на свесноста за солта е „Време е да се сврти вниманието на солта“, истакнувајќи го прашањето за „скриената“ сол - натриум, во многу преработени и ултра-преработени производи, појаснуваат од ИЈЗ.

Во многу земји, како што додаваат, три четвртини од натриумот во исхраната доаѓа од ултра-преработена и преработена храна, како што се леб, сосови и преливи, крекери и колачиња, готови оброци, преработки од месо и сирења.

- Институтот за јавно здравје, како „чувар на вашето здравје“, ви препорачува да го ограничите внесот на солта на пет или помалку од пет грама дневно, апелираат од ИЈЗ.

Педесет и еден отсто од препорачаниот дневен внес на сол се внесува преку лебот.

Од ИЈЗ препорачуваат добро да се гледаат етикетите на производи пред да се купат, за да се одберат оние со помалку сол, да се отстрани соларникот од трпеза, да се користат природни билки и зачини како замена со цел да се подобри вкусот на храната, да се пие доволно вода, како и да се избегнува преработена храна. /МИА

Трамп на својата социјална мрежа напиша дека е подготвен да дебатира со Бајден, истакнувајќи дека ќе биде неопходно да се одржат повеќе од двете предложени дебати, пренесува ABC News.

Бајден претходно денеска го покани Трамп да одржи две претседателски телевизиски дебати во јуни и септември, а подоцна на платформата Х напиша дека ја прифатил поканата на Си-Ен-Ен за дебата со Трамп на 27 јуни.

Малку подоцна тимот на Трамп соопшти дека и тој ја прифатил поканата на таа телевизија, пренесува CNN.

Тимот на Бајден посочи дека одлуката на Бајден да не учествува во традиционалните дебати организирани од Демократската и Републиканската партија се должи на фактот што тие се дизајнирани „како забавен спектакл, а не како сериозна размена на идеи што го одразуваат огромниот влог во избори“.

Претседателските избори во САД ќе се одржат на 5 ноември.