Изложбата Дијалог (форма на одговор) е втора од серијата од три изложби конципирана да ги собере и мапира индивидуалните и заедничките интереси на умениците, насочени кон политиките на уметничката продукција, како и институционалните контексти во кои уметниците делуваат.

Првиот дел од изложбениот циклус беше изложбата Пролог (форма на прашање) реализирана во септември и октомври во Апотека - простор за современа уметност во Водњан, додека третото и последно поглавје насловено Епилог (форма на расправа) ќе биде претставено во Проектниот простор  Press to exit и Музејот на современа уметност во Скопје 2018.

Дијалог (форма на одговор) ги поврзува избраните дела од неодамнешната уметничка продукција на Јане Чаловски и Христина Иваноска како „We are all in this alone“ претставена во македонскиот павилион на 56. Венециско биенале, 2015, Unspoken, Малмö Konstmuseuma 2015, To fold within as to jide, Баухаус Фоундатион Дессау, 2015, и A form of an answer, Sculpture Space, Њујорк, 2016.

- Изложбената поставка во Музејот на современа уметност во Загреб е замислена така да ја ревидира и преуреди нивната уметничка практика на самото место, создавајќи контекстуална рамка во галериите на постојаната збирка на музејот, раздиплувајќи ја изложбата како фрагментиран „ретроспективен” поглед. Со ненаметливо поврзување на избраните уметнички дела, преку прекршувања и нагласувања, тие создаваат нови видливи и невидливи поврзувања, велат организаторите за изложбата.

Уметничката практика на меѓународно афирмираните македонски уметници, Јане Чаловски и Христина Иваноска, е комплексна и контекстуална. Се занимава со теми и концепти од архитектурата, историјата, уметничката теорија и политичката стварност, за да креира нови процесни продукции, сценарија на поставки и нови знаења. Своите дела ги реализираат во различни медиуми од цртеж и текст до објект, инсталација и видео.

Изложбата е организирана од Тихомир Миловац, Музеј на современа уметност, Загреб и Вања Жанко, Номад, Загреб, а продуцирано од Музеј на современа уметност и Номад. Поддржана е од Министерство за култура на Република Хрватска, Град Загреб и Град Скопје. Партнери во проектот се Апотека – простор за современа уметност и Проектен простор Press to exit.

Датум на објава: сабота, 25 ноември 2017 во 09:46
www.kanal5.com.mk

коментари

остави коментар