Живот

Тврдел дека е јасновидец: Измамил 1,3 милиони луѓе и заработил 175 милиони долари-оди во затвор

Канадски измамник е осуден на десет години затвор затоа што собрал 175 милиони долари од повеќе од 1,3 милиони Американци на кои им тврдел дека е јасновидец.

57-годишниот Патрис Ранер собрал многу пари во текот на 20 години ветувајќи им богатство и среќа на своите клиенти, доколку му испратат пари по пошта.

Поротата го прогласи Ранер за виновен по повеќе точки од обвинението.

„Екстравагантниот начин на живот на Патрис Ранер, на сметка на постарите и ранливите Американци, дојде до својот крај“, изјави инспекторот Крис Нилсен.

Казната од десет години затвор ја нарече соодветна, пишува Би-Би-Си.

Според пресудата, Ранер управувал со измамата, насочувајќи ги соработниците кои ги воделе секојдневните операции. Шемата функционирала така што милиони луѓе добивале писма од Ранер и неговите соработници. Целта била да се убедат жртвите дека писмата ги испратиле „познатите јасновидци“ Марија Дувал и Патрик Герин.

Ранер на суд тврдеше дека не го прекршил законот.

На примателите, главно постари и ранливи Американци, им бил ветен просперитетен живот. Тој побарал од нив да испратат пари во замена за „астрално-видивитска прогноза“. Ако жртвата направела една исплата, би била бомбардирана со дополнителни барања и писма, објаснуваат обвинителите.

Секоја недела испраќале илјадници исти писма.

Американското Министерство за правда соопшти дека Ранер користел бројни компании, регистрирани во Канада и Хонг Конг за да ја скрие својата вмешаност. Тој долго време живеел во различни земји во странство, вклучувајќи ги Франција, Костарика, Шпанија и Холандија.

Ранер негирал дека го прекршил законот, велејќи во интервју за Walrus Magazine минатата година дека „можеби не е морално, но тоа не значи дека е измама“. Во интервјуто кое го дал од притворскиот центар во Њујорк, Ранер се пофалил со своите вештини за пишување.

Македонија

Димитриевски ги соопшти условите за евентуална соработка со СДСМ ИЛИ ВМРО-ДПМНЕ

Лидерот на партијата ЗНАМ, Максим Димитриевски, ги испорача своите услови за евентулни пост-изборна соработка со СДСМ или со ВМРО-ДПМНЕ.

Од актуленото раководство на СДСМ бара оставки во рок од 24 часа и повлекување од пратеничките листи на носителите и коносителите за да не се спасуваат од одговорност со имунитет. Во тој случај, рече подготвени се да разговараат со преодно раковдство на СДСМ, врз основа на крушевските и асновските вредности.

Со ВМРО-ДПМНЕ рече, се согласува околу ставовите против уставни измени и несоработката со ДУИ, но за евентулани разговори побара претходно одговор од партијата дали имаат договор со поранешниот лидер на СДСМ Зоран Заев за некаква пост-изборна соработка.

Македонија

Осигурителните компании не ја почитуваат препораката на министерството за финансии

Молк по вчерашниот состанок помеѓу осигурителните компании и Министерството за финансии.

Цените на полисите за возилата и денеска останаа непроменети, иако Министерството на осигурителните компании им наложи до крајот на вчерашниот ден да се вратат на ниво од пред 25 април 2024 година.

Сега Владата е на потег. Министерството за финансии на нов состанок кој се очекува да биде закажан за денеска, ќе одлучува за доставување на предлог до владата за формирање на нов тарифник. Владата денеска има редовна владина седница, но се уште не се знае дали предлогот за нов тарифник за осигурителните полиси ќе биде разгледуван.

На средбата во Министерство за финансии се очекува повторно да присуствуваат претставници од финансии, од Агенција за супервизија на осигурениците и од Националното биро.

По вчерашниот двочасовен состанок финансии освен што побара осигурителните компании да ги вратат старите цени на полисите, од АСО побара во меѓувреме да направи анализа дали е опавдано да се зголемат цените. Но, од Агенцијата и пред неколку дена се изјаснија дека ваквата одлука за зголемување на цената е неоправдана.

Инаку, минатата недела осигурителните компании донесоа одлука да ги покачат цените за полисата за возилата за 15, 4 отсто, со образложение дека не се променети повеќе од 10 години, а трошоците им се пораснати.

Македонија

Лишени од слобода двајца неготинци за напад врз малолетна ќерка и сестра

Двајца неготинци синоќа биле лишени од слобода поради напад врз малолетната ќерка и сестра, информираат денеска од Секторот за внатрешни работи - Велес.

- Во 23.10 часот, полициски службеници од ОВР Неготино ги лишиле од слобода Г.З., на возраст од 50 години и В.З., на 24-годишна возраст, двајцата од овој град, постапувајќи по претходна пријава дека во семејниот дом физички ја нападнале нивната малолетна ќерка и сестра. Г.З. и В.З. биле задржани во полициска станица, известени биле јавен обвинител, Центарот за социјални работи. По документирање на настанот, против нив ќе биде поднесена соодветна пријава, појаснуваат од СВР Велес.

Претходно, во 09.30 часот, полициски службеници од ОВР Кавадарци го лишиле од слобода кавадарчанецот М.Т., на возраст од 30 години, постапувајќи по претходна пријава од неговата 30-годишна сопруга, дека во семејниот дом физички ја нападнал.

М.Т. бил приведен во полициска станица. Известен бил јавен обвинител и по документирање на настанот, против него ќе биде поднесена соодветна пријава.

притисни ентер