Полицијата изврши рација на 27 различни имоти во Мадрид, Понтеведра и Коруња. Во предградието на Мадрид е откриена и лабораторија за производство на кокаин со капацитет за производство на 100 килограми месечно, а во неа се запленети 21 барел течни и цврсти хемикалии кои се користат за производство на кокаин.

Запленети се и три милиони евра во готовина, како и имот вреден 10 милиони евра во кој има куќи, возила и пловни објекти.

Полицијата се сомнева дека оваа криминална група, која ја сочинуваат 19 Шпанци и еден Колумбиец, превезувала нелегална стока со едрилици и катамарани до неколку пристаништа на брегот на Галиција.

Во рацијата биле запленети 50 килограми кокаин, еден килограм хероин, 1,7 килограми хашиш, еден килограм розев кокаин, 10 килограми марихуана, 750 килограми амфетамин МДМА и 10.000 таблети екстази.

За парламентарните избори во Струга и струшко до 11 часот излезноста е девет отсто, додека за вториот круг од претседателските седум проценти, информира за МИА претседателот на Општинската изборна комисија Минир Жута.

Во Вевчани, според претсетдателката на ОИК Менче Кукоска, гласале 21,06 проценти од вкупно регистрираните граѓани во единствениот избирачки список.

- Во трите избирачки места во Вевчани сите граѓани што излегле гласале за и за двете листи, за претседател и за пратеници, изјави Кукоска.

Во двете општини, како што посочија претседателите на ОИК, гласањето се одвива тековно, без нарушувања.

Претседателот на Чешка Петр Павел денеска, на 79-годишнината од крајот на Втората светска војна, им оддаде почит во Прага на војниците, пред сè советските и американските, кои ги дадоа своите животи за ослободување на Чехословачка и повика на поголеми инвестиции во одбраната бидејќи, како што рече, тие се најдобрата гаранција за мирна иднина.

- Мирот и слободата никогаш не се залудни и нема да постојат само затоа што велиме дека сакаме мир. Понекогаш цената е висока, болна, а понекогаш и највисока, затоа им оддаваме почит на оние кои ја дадоа најголемата жртва, рече чешкиот претседател.

Павел потсети дека Чешка добро знае како е да се биде жртва, бидејќи беше соочена прво со германската фашистичка агресија во 1938 година, а подоцна и со советската окупација во 1968 година.

- Војната во Украина е тежок тест не само за Украина, туку и за светот. Без помош на сојузниците денес во војни, никој не може сам да се брани. Влезот во НАТО беше пресвртница за нашата безбедност. Добивме највисоки безбедносни гаранции во нашата историја. Заедно со сојузниците сме посилни, рече Павел.

Чешкиот претседател предупреди, како што наведе, „на историскиот парадокс дека Русија, како наследник на Советскиот Сојуз, кој се бореше против агресорите заедно со западните сојузници во Втората светска војна, сега стана агресор, додека поразениот нацистички Германија ги научи своите лекции и по длабоко размислување стана демократска земја која го поддржува мирот и стабилноста во светот“.

- Горд сум што Чешка не попушта во помагањето на Украина. Би сакал да ве потсетам на зборовите на мојот претходник, претседателот Вацлав Хавел: рамнодушноста кон другите и рамнодушноста кон судбината на целината е токму она што ја отвора вратата за злото, рече Павел.

На Народниот споменик на ридот Витков во Прага беа положени венци и оддадена почит на загинатите војници за денешните генерации да живеат во мир, воените ветерани и државниот врв, а над Прага летаа борбени авиони и хеликоптери.

Црвената армија водеше борби за ослободување на Чехословачка од 20 септември 1944 година до 11 мај 1945 година и, според проценките на историчарите, околу 144.000 советски војници загинале за време на тие битки.

Западниот дел на Чешка беше ослободен од американската армија, која загуби околу 1.000 војници во тие битки, додека често се заборава на романската армија, која загуби околу 15.000 војници во битките, пред сè на територијата на Словачка, пренесува Бета.