Македонија

Состојба на патиштата

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

РАБОТИ НА ПАТ:

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце“поточно кл.Куманово-кл.Кр.Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

ИНФОРМАТИВЕН ЦЕНТАР на АМСМ

Тел. (02)15-555

Живот

Патници останале збунети и мокри на 4 часовен лет кон Њујорк: Врне дожд во авионот (ВИДЕО)

Необичната сцена е снимена за време на четиричасовниот лет до Њујорк, а меѓу патниците била и тиктокерката Савана Говарти.

Таа објави клип кој за краток период го погледнале 3,6 милиони луѓе. Таа не открива со кое друштво патувала.

На видеото гледаме кабина полна со необична магла, а девојка со видно мокра коса и лице вели: „Што се случува?“.

Савана во еден момент ја соблекла натопената бела кошула и ја фрлила преку потпирачот, надевајќи се дека ќе се исуши, пишува Дејли Стар.

„Четиричасовен лет. Ладно ми е“, изјавила девојката пред камерата.

Пилотот на авионот, наводно, ја коментирал ситуацијата со зборовите: „Изгледа како да врне во авионот“.

@savinnyc Nothing better than being on a 4hr flight back to new york soaking wet and cold #flying #plane #vacation #pilot #fyp ♬ Paper planes M.I.A - songs for u <3

Нереалната сцена била резултат на кондензација на вода во системот за проток на воздух и уредите за ладење, пишува New York Post.

Свет

Вработена на крузер си го убила новородениот син во близина на брегот на Италија

Италијанската полиција уапси девојка (28) од Филипините, работничка на крузер, под сомнение дека е одговорна за смртта на нејзиното бебе.

Осомничената, која ја криела својата бременост од колегите и претпоставените, се породила на 17 мај на брод за крстарење, во моментот кога бродот бил блиску до пристаништето Санто Стефано. Два дена подоцна детето било пронајдено мртво, објави Анса.

Телото на момчето било пронајдено во кабината што осомничената ја делела со другите членови на екипажот.

Според обвинителството, девојка од Филипините е обвинета дека го убила детето кое го родила на крузерот Silver Whisper, кој плови под бахамското знаме.

Се претпоставува дека осомничената го оставила детето само во кабината и си заминала.

Колегите повикале полиција во неделата вечерта откако во кабината пронашле мртво новородено бебе. Инаку, осомничената ја делела кабината со уште две жени кои се дел од екипажот.

За жал, Брзата помош не можела да стори ништо за да го спаси детето и телото на бебето било пренесено на обдукција, за да се утврдат точните причини за смртта.

Според италијанските медиуми, мајката била пренесена во болница во Тоскана.

По истрагата, бродот го напуштил пристаништето, а мајката ќе биде приведена.

Свет

Како сопругата на Џорџ Клуни доби клучна улога во барањето на МКС за апсење на Нетанјаху?

Амал Клуни (46), сопруга на холивудската ѕвезда Џорџ Клуни (63), одигра клучна улога во барањето на Меѓународниот кривичен суд (МКС) за апсење на лидерите на Израел и Хамас за наводни воени злосторства за време на конфликтот во Појасот Газа.

Главниот обвинител на МКС, Карим Кан, вчера најави дека ќе побара издавање налог за апсење на Бенјамин Нетанјаху, премиерот на Израел, како и за министерот за одбрана Јоав Галант и за тројца лидери на Хамас, меѓу кои и Јахја Синвар. .

Како што објави „Дејлимејл“, Амал Клуни, која има британско државјанство и по потекло е од Либан, е позната адвокатка и нејзината специјалност е заштита на човековите права. Таа е една од шесте правни експерти ангажирани од обвинителот Карим Кан да ги проценат доказите за воени злосторства.

„Како адвокат за човекови права, никогаш нема да прифатам дека животот на едно дете е повреден од животот на друго дете. Не можам да прифатам дека некој конфликт може да биде над законот. И ниту еден сторител на кривично дело не треба да биде над законот“, наведе Амал во соопштението.

Веста за нејзината вмешаност во истрагата на МКС дојде по неколкумесечни критики кон неа затоа што не се изјаснила јавно за време на конфликтот во Појасот Газа и покрај извештаите за смртта на бројни цивили. Според палестинските изјави, од 7 октомври, кога Израел започна војна против Хамас, загинале повеќе од 35.000 луѓе, меѓу кои најмалку половина се жени и деца.

Израел започна воени операции по нападот на Хамас во кој беа убиени околу 1.200 цивили и војници, додека над 200 заложници беа киднапирани и одведени во Појасот Газа. Многумина од оние кои ја критикуваа Амал Клуни сега ја користат приликата јавно да ѝ се извинат.

Меѓународниот кривичен суд е основан во 1998 година според Римскиот статут. Тоа е независна институција која ги гони лицата обвинети за најтешките злосторства што ја загрижуваат меѓународната заедница. Овој суд истражува воени злосторства, геноцид, злосторства против човештвото и злосторства при агресија. Државите можат да ги гонат осомничените пред нивните судови.

Меѓународниот кривичен суд воспоставува јурисдикција само кога државите не се во можност или не сакаат да го сторат тоа - тој е „суд од последна инстанца“ Овој суд нема своја полициска служба и се потпира на државната соработка при апсењето на осомничените.

Казните што ги изрекува Меѓународниот кривичен суд се затвор и парични казни. Израел не е меѓу земјите-членки, а судот е надлежен доколку воените злосторства биле извршени во некоја од земјите што го потпишале нејзиниот основачки договор или биле извршени од некој нивни државјанин.

Ниту Русија, ниту Украина не се меѓу 124-те земји-членки, но Украина ја прифати неговата јурисдикција, што значи дека Меѓународниот кривичен суд може да истражува одредени наводи за злосторства. Од големите сили, САД, Кина и Индија не се членови на судот.

притисни ентер