Свет

САД планираат да воведат забрана за увоз на збогатен ураниум од Русија

Администрацијата на американскиот претседател Џозеф Бајден има намера да воведе забрана за увоз на збогатен ураниум од Русија, користејќи ги извршните овластувања на шефот на Белата куќа.

Администрацијата на американскиот претседател Џозеф Бајден има намера да воведе забрана за увоз на збогатен ураниум од Русија, користејќи ги извршните овластувања на шефот на Белата куќа, откако дојде до ќорсокак во усвојувањето на овој закон во американскиот Конгрес.

Како што објави Блумберг, законот за забрана за увоз на збогатен ураниум од Русија беше усвоен во Претставничкиот дом на САД во декември.

Сепак, тогаш дојде до ќорсокак во Сенатот, каде демократите имаат мнозинство. Белата куќа сака забраната да биде усвоена како дел од воведувањето санкции кон Русија поради нејзината инвазија на Украина. Советот за национална безбедност и претставниците на Министерството за енергетика разговараа за забраната што ќе вклучува откажување од дозволата за увоз на гориво до 2028 година.

Извршната наредба на претседателот Бајден има речиси иста моќ како федералниот закон. Конгресот не може директно да го поништи, но може да донесе нов закон со кој ќе се поништи наредбата на претседателот. Американската агенција пренесува дека сè уште не е донесена конечна одлука за ова прашање, истакнувајќи дека администрацијата на Бајден и нуклеарната индустрија би сакале ова прашање да се реши на ниво на Конгресот.

Русија е најголемиот американски странски снабдувач со збогатен ураниум, обезбедувајќи речиси 25 отсто од горивото што се користи во американските реактори. Официјалните статистички податоци покажуваат дека САД минатата година увезле руски ураниум во вредност од 1,2 милијарди долари, што е најмногу регистрирано досега, со годишната вредност на пратките на ураниум зголемена за 43 отсто.

Белата куќа го гледа развојот на домашните капацитети за збогатување ураниум како прашање на националната безбедност. Претходно оваа година, Конгресот одобри 2,7 милијарди долари за таа цел, а администрацијата на Бајден повика на долгорочна забрана за увоз од Русија.

САД имаат свои наоѓалишта на ураниум, но тие не се доволни за снабдување на нуклеарниот енергетски сектор во земјата. Во меѓувреме, Русија е дом на најголемиот светски комплекс за збогатување ураниум, кој сочинува речиси половина од глобалниот капацитет.

Свет

Макрон ќе ја посети Нова Каледонија

Францускиот претседател Емануел Макрон вечер ќе замине во посета на Нова Каледонија, која е погодена од немири, изјави денеска владината портпаролка Приска Тевенот.

Макрон „ќе замине најрано вечерва“, рече Тевенот, по повеќе од една недела немири поради плановите за реформи во гласањето на неговата влада, отфрлени од домородните Канаци. /МИА

Регион

Албанската полиција почна контрола на целата територија и границата со беспилотни летала

 На албанската полиција и Национален инспекторат за контрола на заштита на територија (ИКМТ) на располагање им се дадени  беспилотни летала за контрола во реално време на целата територија и државната граница од воздух.

-Со овие летала почнавме да ја контолираме територијата на државата во правец на сузбивање на одгледување наркотични растенија, еколошки пустошења на шуми, реки, против дивоградби, за борба против нелегално преминување на границата, идентификација на пловни објекти на море, контрола и следење на сообраќајни или патни инциденти и од воздух, како и следење на возилата на луѓето во случај на криминални настани, изјави Таулант Бала, министер за внатрешни работи при прстојот во воената база Кучово, каде се лоцирани беспилотните летала.

Според него новиот капацитет на воздухопловните сили, како што е договорено, ќе го користат и други агенции за спроведување на законот, освен Државната полиција или ИКМТ, кои поднеле конкретни барања за нивно користење до Генералштабот на ФА.

-Преку овој дрон многу добро можеме да ја замениме контролата од воздух што некогаш се вршеше со хеликоптер. Постапката за пуштање во употреба на беспилотните летала е многу побрза отколку за хеликоптерите. Овие битки се добиваат кога ќе заштедите време, нагласи министерот.

Зборувајќи за други можности за користење за граѓански цели, Бала подвлече дека „во моментов наша цел е туристичката сезона. Треба да ги контролираме по целото крајбрежје сите појави, наноси на отпад и секој друг проблем, бидејќи не се само дивоградби, туку и еколошки криминали, штети на шумите итн“. /МИА

Свет

„Политико“: Украина и Молдавија најверојатно во јуни ќе ги почнат преговорите за членство во ЕУ

Целта на Европска Унија е да ги почне официјалните преговори за членство со Украина и Молдавија на Самитот на Европски совет што се одржува на 25 јуни, објави „Политико“ повикувајќи се на неименувани дипломати.

Преговорите со Украина и Молдавија беа најавени во декември, но правниот чекор за отпочнување на истите беше пролонгиран повеќе месеци поради стравувањето дека Унгарија би можела да се спротивстави, како и проширување на ЕУ да не биде главна тема на претстојните избори за Европски парламент.

Официјалното зелено светло за почеток на пристапните преговори со ЕУ би било голем поттик за Украина, која е во третата година од војната.

- на Киев со Европа беше изговор за рускиот претседател Владимир Путин да се обиде да ја врати Украина во руската орбита, па патот на земјата кон членството во ЕУ изгледа како поетска правда, наведува „Политико“.

Главната пречка на патот на евроинтеграциите на Киев и натаму е Унгарија, која е против членството на Украина во ЕУ. /МИА

притисни ентер