Свет

Пеколно жешко во југоисточна Азија- температурата не се симнува под 40 степени

Топлотен бран ја зафати Југоисточна Азија, а како последица на горештините загинаа неколку лица.

Училиштата се затворени во некои земји, а загриженоста за можниот недостиг на вода и електрична енергија им штети на земјоделските култури.

Во индиската држава Одиша две лица починале од сончев удар, а во неделата е забележана рекордна температура за април од 44,9 степени Целзиусови.

Во сојузната држава Керала починала 90-годишна жена и 53-годишен маж, а локалните власти истражуваат дали смртните случаи се поврзани со топлотниот бран.

На Филипините и делови од Бангладеш училиштата се затворени, а наставата се одржува виртуелно, пренесува Ројтерс.

Најмалку 34 лица се разболеле поради екстремните горештини на Филипините, меѓу кои шест лица починале.

Во Бангладеш денеска е забележана температура од 43 степени, а министерот за образование предупредил дека во останатите области од земјата училиштата ќе бидат затворени доколку температурата надмине 42 Целзиусови степени.

Во Камбоџа оваа година е најтоплата во последните 170 години.

Екстремната топлина што го погоди регионот на Југоисточна Азија е предизвикана од климатските промени предизвикани од човекот и временскиот феномен Ел Нињо, според научниците.

Тие заклучуваат дека затоплувањето на воздухот и водата ги прави топлотните бранови, поплавите, сушите, бурите и пожарите поинтензивни и поверојатни, пренесува АП.

Живот

Јапонски град постави „блокада“ за туристи

Јапонскиот град Фуџикавагучико денеска постави голема мрежеста бариера на популарното место каде што туристите доаѓаат за да ја гледаат планината Фуџи.

Потегот е обид да се одврати сѐ поголемиот број туристи во градот.

Можеби една од најпознатите туристички знаменитости во Јапонија може да се види во радиус од неколку километри наоколу, но на месното население во Фуџикавагучико веќе сериозно му пречат „прекумерно бројните“, претежно странски посетители кои фрлаат отпадоци, навлегуваат во приватен имот и ги кршат сообраќајните и други тамошни правила, само за да ја фотографираат планината и да го споделат тоа на интернет.

Непрописно паркирање, зафаќање тротоари, игнорирање на забраната за пушење - е само дел од непримерното однесување на туѓинците.

- Жалам што моравме да преземеме вакви мерки, изјави претставник на Градската управа.

Работниците денеска веќе ја поставија црната мрежа со димензии 2,5 на 20 метри.

Свет

Австралија и Нов Зеланд испраќаат авиони за евакуација на туристи од Нова Каледонија

Австралија и Нов Зеланд најавија дека ќе испратат владини авиони за да ги евакуираат своите граѓани од Нова Каледонија, француска прекуморска територија каде што летовите се прекинати поради насилните протести по повод измените на изборните закони.

„Граѓаните на Нов Зеланд во Нова Каледонија се соочија со неколку предизвикувачки денови и нивното враќање дома беше итен приоритет за нашата влада“, рече министерот за надворешни работи на Нов Зеланд, Винстон Питерс, по состанокот со неговите француски и австралиски колеги синоќа, кога беше договорена евакуацијата.

Во таа акција ќе учествуваат авиони од одбранбените сили на Австралија и Нов Зеланд, а француската Висока комисија во Нова Каледонија денеска соопшти дека аеродромот на тој остров се уште е затворен за комерцијални летови и дека ќе испрати војска да ги заштити јавните објекти.

Немирите започнаа на 13 мај, откако пратениците во националното собрание во Париз гласаа за промена на законот за да им се овозможи на повеќе француски граѓани да гласаат на локалните избори во Нова Каледонија, што според домородните лидери ќе го неутрализира домородното политичко влијание.

Контингент од 1.700 полицајци од Франција веќе пристигна на островот. Властите прогласија вонредна состојба која вклучува ноќен полициски час, како и забрани за јавни собири, продажба на алкохол и носење оружје.

Забава

Фото: Бела Хадид се врати во Кан во проѕирен фустан

Мегапопуларната манекенка Бела Хадид се врати на Канскиот филмски фестивал за да го „сервира“ еден од најжешките изгледи досега!!

Една од најубавите жени на светот, манекенката Бела Хадид прошета на црвениот тепих на Канскиот филмски фестивал во фустан кој повеќе открива отколку што покрива, посебно кај градите.

Сите погледи беа вперени во нејзиниот фустан Сен Лоран во боја на кожа, кој беше проѕирен и овој пат, многумина се согласуваат, покажа повеќе од потребното доколку сака да ја задржи титулата на жена која негува добар стил.

Кафеавиот фустан имаше длабоко деколте напред, додека задниот дел откриваше целосно гол грб. Некои потсети на проѕирната завеса од тул што и беше обвиткана околу телото.