Македонија

Мицкоски: Општина Аеродром и ова раководство одлучи да стави стоп на бетонизацијата

Општина Аеродром и ова раководство одлучи да стави стоп на бетонизацијата и повеќе да се вложува во зеленилото, во парковите, во забавните катчиња за најмладите.

На покана на градоначалникот и на покана на претседателот на совет и на советничката група на ВМРО-ДПМНЕ сум денеска овде да направиме увид во градежните активности на овој проект кој што започна пред неколку месеци, ако не се лажам Тимчо, и проект кој што значи заедничка соработка помеѓу општина Аеродром и канцеларијата на Европската Комисија овдека во Македонија. Секогаш каде што се гради, јас сум таму присутен и ги охрабрувам тие проекти.

Многу скоро од денеска со новата влада на ВМРО-ДПМНЕ, многу од проектите ќе бидат реализирани овдека во општина Аеродром кои што за жал изминатиов период поради притисоците и опструкциите на владата на СДСМ и ДУИ не беа реализирани. Ќе ве потсетам, и добро е да се потсетуваме што се случуваше со општинската обврзница, општина Аеродром беше прва општина која што во Македонија објави таканаречена зелена еко општинска обврзница, но поради опструкцијата на владата на СДСМ и ДУИ таа никогаш не беше реализирана. Општина Аеродром и ова раководство во општина Аеродром одлучи да стави стоп на бетонизацијата и повеќе да се вложува во зеленилото, повеќе да се вложува во парковите, повеќе да се вложува во забавните катчиња за најмладите, нешто што ќе претставува основна политика на идната влада на ВМРО-ДПМНЕ, тоа е демографијата и зголемување на ферталитетот, грижа за најмладите. И јас, само охрабрувам и во иднина ќе продолжам да охрабрувам ваков тип на проекти, но добро е исто така да се потсетиме за што се случуваше изминатите две и половина и тоа да не се повтори.

ВМРО-ДПМНЕ и коалицијата Твоја Македонија и идната влада предводена од ВМРО-ДПМНЕ и коалицијата Твоја Македонија ќе биде влада на целата територија на Македонија, без разлика на тоа дали во некоја општина имаме градоначалник од ВМРО-ДПМНЕ и коалицијата или не.

Ја користам оваа прилика од општина Аеродром да ги охрабрам градоначалниците кои што не се од ред на ВМРО-ДПМНЕ да прават проекти, бидејќи нашиот гантограм на активности, некаде втората половина на јуни месец да биде формирана владата предводена од ВМРО-ДПМНЕ и коалицијата Твоја Македонија, некаде втора половина на месец јули да имаме ребаланс со јасни и прецизни насоки како ќе се трошат парите на граѓаните и есента на првиот оглас да има повик до општините да конкурираат, да поднесат свои проекти, готови проекти со издадени градежни дозволи за да може да се случи првиот трансфер на средства од буџетот кон самите општини за да можат граѓаните да го почувствуваат веднаш она кое што го зборуваме во оваа кампања.

Свесен сум дека поддршката е огромна, свесен сум дека очекувањата се огромни и затоа брзи проекти, брза реализација и брзо граѓаните треба да го почувствуваат тоа што го ветуваме. Доста беа лаги, доста беа порази, доста беше грабеж овие 6 и половина, 7 години, потребно е Македонија да ја трансформираме и Македонија да биде повторно твоја.

Христијан Мицкоски, претседател на ВМРО-ДПМНЕ

Мицкоски: На 8 мај масовно граѓаните да излезат и да гласаат за иднината на Македонија, да не дозволат анахрони сили како Ковачевски да не влечат во минатото

„Димитар Ковачевски беше тој кој според него во времето на режимот шлапкаше со рацете на тој исти режим и сега кој е тој Димитар Ковачевски кога шлапкаше во првите редови со рацете апладирувајќи му според него на режимот или овој денеска Димитар Ковачевски кој е жестоко поразен од страна на народот на овие избори поради погрешните политики кои ги водеше изминативе според него 2 години откако е премиер, но во поширока смисла коалиција СДСМ и ДУИ 6 и половина години“, истакна претседателот на ВМРО-ДПМНЕ Христијан Мицкоски одговарајќи на новинарско прашање при увидот на градежни активности во Општина Аеродром.

Претседателот Мицкоски продолжи и додаде дека набргу од денеска Македонија ќе е и дефакто слободна држава каде народот ќе си ја врати државата во свои раце.

„Навистина немам што да кажам. Македонија е слободна, Македонија набргу од денеска ќе биде и дефакто формална слободна, народот ќе си ја врати државата во свои раце. Ќе работиме отчетно, транспарентно, во интересот на граѓаните, немаме друг мотив, инспирација ни е овој резултат, историски резултат“, кажа Мицкоски.

Претседателот Мицкоски упати порака до граѓаните да не дозволуваат вакви анахрони сили да не влечат во минатото.

„Мојата порака до граѓаните во Македонија е да не дозволиме вакви анахрони сили да не влечат во минатото и да тонеме во политичко мочуриште додека сите одат напред. Излезете гласајте на 8 мај, да не дозволиме политичка криза. Масовно излезете и гласајте за иднината на вашата семејства и иднината на Македонија. Да не дозволиме овие луѓе да не повлечат заедно со нив во политичкото мочуриште што го подготвуваат Ковачевски и Али Ахмети“, дециден е Мицкоски.

Мицкоски: Очекуваме поддршка за Силјановска Давкова од Димитриевски и ЗНАМ, но и од сите други кандидати кои не влегоа во вториот круг

„Се слушнавме и со господинот Максим Димитриевски. Знаете дека ВМРО-ДПМНЕ е во коалиција со градоначалникот на Куманово Максим Димитриевски во Куманово. Очекуваме поддршка за нашиот претседателски кандидат од Максим Димитриевски“, истакна претседателот на ВМРО-ДПМНЕ Христијан Мицкоски одговарајќи на новинарско прашање при увидот на градежни активности во Општина Аеродром.

Претседателот Мицкоски продолжи и додаде:

„Ги повикувам сите гласачи на сите кандидати кои не влегоа во вториот круг да го поддржат идниот претседател професорката Гордана Силјановска Давкова затоа што на тој начин Македонија ќе биде повторно ваша, повторно горда, а не понижена ограбена како што е сега. Да одиме напред бидејќи сите одат напред, да не тонеме во политичкото мочуриште кое не влече назад 6 и половина години и да бидеме заробеници на неколкумина кои станаа милионери, а голтари влегоа во политиката“, дециден е Мицкоски.

Со почит,

Центар за комуникации на ВМРО-ДПМНЕ

Македонија

Работни групи на ВМРО-ДПМНЕ и ВРЕДИ на преговори за идната влада

Ниту од ВМРО-ДПМНЕ, ниту од албанската опозиција, не откриваат кога и каде ќе ги продолжат преговорите за новата Влада, откако пред два дена највисоките раководства на партиите ја одржаа првата средба.

Од двата табора нема информации дали веќе се формирани работните групи кои ги најавија и кој се ќе учествува во нив.

И покрај тоа што деталите се чуваат во тајност, еден од лидерите на коалицијата ВРЕДИ, Арбен Таравари во интервју за „Гласот на Америка“ вели дека очекува разговорите да продолжат денеска и во среда, а новата Влада да се формира на почетокот од јуни. За поделба на ресори и кадровски решенија досега не разговарале со Мицкоски и ВМРО-ДПМНЕ, вели Таравари, приоритет сега според нив е усогласувањето на програмата.

- Следната средба ќе биде со работните групи. Јас се надевам во понеделник и во среда да продолжат разговорите. Начелно веќе имаме Влада во доаѓање и се надевам дека од 1 до 5 јуни ќе имаме нова Влада. Јас не можам да кажам ништо, бидејќи не е разговарано ништо за поделба на места. Се надевам дека набргу работните групи ќе седнат за да ги усогласат програмите на двете коалиции ВЛЕН и ВМРО-ДПМНЕ, а потоа во втората етапа ќе разговараме за кадровски решенија. Јас се надевам дека за една недела до десет дена ќе почнеме и за тоа да разговараме, вели Таравари.

И покрај тврдиот став на ВМРО-ДПМНЕ за уставните измени, Таравари вели дека нивен приоритет од кој нема да се откажат за влез во влада е европскиот пат на Македонија, покрај залагањата за правна држава и економски развој. Очекува што побргу да се најде решение за ЕУ интеграциите.

- ЕУ-интеграцискиот пат на Македонија е несомнено работа, на која интензивно ќе работиме во наредниот период, за да се изнајде решение, што побргу, тоа подобро... Ако има интерес од сите страни да отвориме и направиме нов Устав тука сме, ако не ќе продолжиме со овој, сè додека не се создадат услови за двете поголеми етнички заедници во Македонија да седнат и да констатираат дека навистина ни треба нов и подобар Устав за државата. Нема врска ова со федерализација. Нам ни треба добра децентрализација, а не федерализација, изјави Таравари.

Идниот мандатар Христијан Мицкоски заедно со партиските потпретседатели пред два дена отиде во штабот на албанската коалиција на плоштадот Скендербег на прва средба, што беше оценета како за запознавање. Таму го пречекаа четворицата партнери – Меџити, Гаши, Касами и Таравари.

По средбата партиите преку соопштение информираа дека договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото, а преговорите, како што соопштија, ќе ги продолжат работни групи се до нивно финализирање.

Свет

Блинкен разговараше со Галант за ситуацијата на теренот во Појасот Газа

Израелскиот министер за одбрана Јоав Галант му соошштил на американскиот државен секретар Ентони Блинкен дека израелската армија спроведува „прецизна операција“ во Рафа, во јужниот дел на Појасот Газа.

Израелскиот министер за одбрана Јоав Галант му соошштил на американскиот државен секретар Ентони Блинкен дека израелската армија спроведува „прецизна операција“ во Рафа, во јужниот дел на Појасот Газа, додавајќи дека нема да се откаже од целта да се ослободат сите заложници, а членовите на Хамас да бидат елиминирани „и како војска и како администрација“.

„Тајмс оф Израел“ пренесува дека Галант и Блинкен разговарале за случувањата во Газа, вклучително и за воените операции низ целиот Појас во кој има присуство на терористички упоришта, како и за прецизните операции во Рафа против преостанатите баталјони на Хамас, додека истовремено се обезбедува преминот, што се однесува на преминот Рафа со Египет.

Портпаролот на Стејт департментот, Метју Милер, пренесе дека државниот секретар повторно го предупредил Галант за тоа Израел да не презема масовна офанзива во Рафа.

-Министерот изрази благодарност до секретарот Блинкен за поддршката што американската администрација ја дава на израелската безбедност, рече Милер.

Македонија

Реакции од Атина и Софија за инаугурацијата на претседателката Силјановска Давкова

„Провокативна, незаконска и недозволива“ - вака грчкиот премиер Мицотакис ја оценува заклетвата на новоизбраната претседателка Гордана Сиљановска-Давкова.

Мицотакис на социјалните мрежи напиша дека Сиљановска Давкова со тоа што не го изговорила зборот „Северна“ за време на нејзината заклетва го прекршила Преспанскиот договор и Уставот и посочи дека употребата на новото уставно име, избегнувањето провокации и почитувањето на овој договор се клучни и за напредокот на билатералните односи и за ЕУ перспективата на земјата.

„ Грција ги отфрла манипулациите како овие со кои госпоѓа Сиљановска го започнува својот мандат. Ја повикува да се врати на нејзините законски должности и на однесувањата кои произлегуваат од нејзината улога. Категорично изјавуваме дека нема да прифатиме вакви лапсуси. И повторуваме дека секој напредок во билатералните односи, како и секој чекор на Скопје кон Европа, зависат од искреното почитување на договореното. Од правилната употреба на уставното име на соседната држава. И, секако, од избегнувањето провокации.“- Кирјакос Мицотакис.

Реакции по инаугурацијата пристигнаа и од институциите на ЕУ. Портпаролот на Европската Комисија за надворешни работи Петер Стано порача дека ЕУ очекува од новите власти во Македонија да покажат посветеност на европсакта иднина со почитување на договорите со Грција и Бугарија. Тој не сакаше да даде одговор какви мерки ќе преземе унинјата доколку новото раководство во државава не ги почитува договорите.

Остри тонови кон европерспективата на Македонија пристигнаа и од официјална Софија. По инаугурацијата на Сиљановска Давкова се огласија и бугарскиот претседател Радев и тамошниот вд премиер Димитар Главчев со став дека Бугарија не прифаќа изјави и однесување кои се во спротивност на Договорот за добрососедство, како и договорите меѓу ЕУ и Македoнија.

Радев воедно порача дека европската перспектива на Македонија зависи од стриктното спроведување на меѓународните договори од кои земјата е дел, како и од Преговарачката рамка одобрена од Европскиот совет во 2022 година, која вели дека нема да биде ревидирана.