Автомобилизам

Мерцедес ја надмина Тесла во САД според продажбата на автономни автомобили од трето ниво

Мерцедес стана првиот производител кој продаде најмногу возила со можности за автономно возење на ниво 3 на американскиот пазар, надминувајќи ја Тесла, која сè уште нуди функционалност на ниво 2 во своите возила.

Оваа технологија наречена Drive Pilot им овозможува на возачите да ги тргнат погледите од патот и да ги тргнат рацете од воланот во одредени услови.

Иако Илон Маск со години ги промовира функциите на Tesla за целосно самостојно возење (FSD), нивната најнова верзија сè уште бара од возачите да внимаваат и да ги држат рацете на воланот. Спротивно на тоа, Drive Pilot на Mercedes дозволува возење без активен надзор на возачот со брзина до 40 mph (64 km/h) и само на одредени автопати во Калифорнија и Невада, каде технологијата е одобрена од локалните власти.

Мерцедес ја претстави својата технологија во Германија во мај 2022 година, а од декември минатата година е достапна и во САД. Досега во Калифорнија се продадени 65 вакви возила, а според извештајот на DMV, едно возило е веќе испорачано на жител на Калифорнија. Со оглед на неколкуте инциденти поврзани со FSD на Tesla, опцијата на Mercedes се чини дека е побезбедна, бидејќи употребата на Drive Pilot е дозволена само под строги услови.

Drive Pilot Mercedes се нуди по 2.500 долари годишно за седаните EQS и S-Class, што е значително повисока од тригодишната членарина од 5.300 долари понудена во Европа. Иако се очекува технологијата да се прошири и во други земји, искуството со Tesla покажува дека имплементацијата на автономното возење не е едноставна.

Mercedes исто така ја тестира употребата на тиркизни светла на задните светла, фаровите и ретровизорите за да сигнализираат дека возилото е во режим на автономно возење, што укажува на подготовка за премин кон автономно возење на ниво 4. Ова ниво му овозможува на системот самостојно да управува со неочекуваните ситуации на патот, што претставува значително поголем предизвик.

Иако технологиите за автономно возење на ниво 4 се веќе присутни во САД преку флота возила од компании како Waymo и GM Cruise, оваа технологија сè уште не е достапна за индивидуални сопственици на возила.

Потенцијалниот одговор на Tesla на овие случувања останува клучно прашање во индустријата, со оглед на постојаните иновации и подобрувања во секторот за автономно возење.

Свет

Доналд Трамп најави правни мерки против автори на филм за неговиот живот

Новиот филм за Доналд Трамп, „Приправник“ (The Apprentice) вчера ја имаше својата светска премиера на Канскиот филмски фестивал, привлекувајќи главно добри оценки од критичарите, но и закани за правни последици од поранешниот претседател на САД.

Филмот е издаден додека судењето на Трамп во Њујорк сѐ уште трае, како и во пресрет на претседателски избори во САД во ноември. Насловот за филмот е преземен од натпреварувачкото бизнис-реално шоу на Трамп, додека тој беше познато ТВ-лице, но приказната почнува во 1980-тите.

Авторот - иранско-данскиот режисер Али Абаси претставува неколку брутални настани што наводно се случиле зад затворени врати. Во една од сцените, Трамп ја силува Ивана. Директорот за комуникации на кампањата на Трамп, Стивен Чеунг изјави дека ќе бидат преземени правни дејствија за „лажните тврдења“ од филмаџиите.

- Ова ѓубре е чиста фикција којашто ги сензационализира лагите што одамна се разоткриени. Ова е мешање во изборите од страна на холивудските елити, кои знаат дека претседателот Трамп повторно ќе ја преземе Белата куќа и ќе го победи нивниот избраник бидејќи ништо што тие направиле - не функционирало, нагласи Чеунг.

Како одговор, Абаси рече пред новинарите во Кан: - Тимот на Доналд треба да почека, прво нека го погледнат филмот пред да почнат да нѐ тужат.

Премиерата на „Приправник“ на францускиот Филмски фестивал се одржа во денови кога на Трамп сѐ уште му се суди на Менхетен. Тој, патем, одрече дека фалсификувал извештаи за да ја прикрие исплатата кон порноѕвездата Сторми Даниелс во врска со наводните сексуални средби. /МИА

Свет

Чешката полиција обвини 14 лица за шверц на луѓе од Турција

Чешката полиција соопшти дека обвинила 14 лица за шверц на најмалку 2.000 луѓе во Европа, главно од Турција од 2021 година.

Тие се во притвор и ќе се соочат со 16 години затвор доколку бидат осудени, изјави Јарослав Ибехеј, портпарол на одредот за организиран криминал, на веб-страницата на чешката полиција.

„Полицијата проценува дека групата заработила најмалку два милиони евра од нивните активности“, додаде тој.

Групата ги носела мигрантите во Чешка и други земји од Европската унија. Ибехеј рече дека полицијата запленила околу 40.000 долари во готовина, два автомобили и една куќа. /МИА

Свет

Руски физичар осуден на 14 години затвор поради предавство

Руски физичар Анатолиј Маслов, кој работеше на развој на суперсонични проектили, денеска од судот во Санкт Петербург е осуден 14 години затвор во казнена колонија за предавство.

Судењето се одвиваше зад затворени врати, а 77-годишниот Маслов изјави дека е невин. Неговата одбрана ги известила властите дека Маслов на почетокот на годината доживеал срцев удар и оти долгогодишната затворска казна за него ќе значи смртна казна.

Тој е еден од тројцата научници и експерти за хиперсонична брзина од Сибирскиот институт, кои се уапсени во 2022 година под обвинение за предавство.

Адвокатот Евгениј Смирнов изјави дека обвиненијата против тројцата научници од Институтот за теоретска и применета механика (ИТАМ) во Новосибирск се речиси исти, а тие се обвинети дека објавиле информации кои се сметаат за државна тајна на меѓународна конференција.

Според Смирнов пресуда против Маслов е прекршување на законот.

Во отвореното писмо колегите на тројцата научници од ИТАМ пишуваат дека податоците презентирани од научниците на меѓународни форуми биле постојано проверувани за да се осигури дека не содржат доверливи информации.

Тие исто така предупредија дека ваквите случаи имаат застрашувачки ефект врз младите руски научници.

- Сега најдобрите студенти ги одбиваат понудите да се приклучат на научната заедница и да дојдат да работа со нас, а нашите најдобри млади вработени ја напуштаат науката, се предупредува во писмото.

Фото: themoscowtimes