Македонија

Битиќи: Во коалиција со граѓаните нема да дозволиме Македонија повторно да биде заробена држава

Откако ја примивме пораката од граѓаните, се мобилизиравме, ги зацврстуваме редовите и  го шириме добриот глас за европска Македонија. 

„Откако ја примивме пораката од граѓаните, се мобилизиравме, ги зацврстуваме редовите и го шириме добриот глас за европска Македонија. Доаѓаме во секое маало, секое село, град и општината. Подаваме рака кон секоја заедници, кон секој еден кој сака европска Македонија. Во коалиција сме со граѓаните. Нема да дозволиме Македонија повторно да биде заробена држава“, порача ко-носителот на листата на кандидати за пратеници на Коалицијата за европска иднина од Изборна единица 2, на денешните средби со жителите на скопската општина Ѓорче Петров.

Тој посочи дека реториката на ВМРО-ДПМНЕ и ксенофобијата на Гордана Силјановска нема да донесат позитивни промени за државата, затоа што кај нив нема место за различните од нив, за оние кои веруваат во европска Македонија, во која ќе има достоинствено место за секој еден.

„Нашата одговорност кон идните генерации не обврзува да не дозволиме да се случи некој нов 27-ми април или 24-ти декември. Не смееме да дадеме повторно политичка шанса за масовно прислушување, тефтерчиња со судии, за полиција која тепа студенти по библиотеки. Нашите деца не заслужуваат да бидат изложени на пресметки поради нивни различни мислења или ставови. Со гласот за број 1 на 8-ми мај ќе ги заштитиме од закани и уцени“, порача до жителите на Ѓорче Петров, потпретседателот на СДСМ, Битиќи.

Тој посочи, политичките амбиции за тоа како гледа на Македонија ВМРО-ДПМНЕ ги разоткри со влегувањето во техничка влада, со преземањето на раководењето на МВР.

„Си имаме работа со истото ВМРО-ДПМНЕ од времето на режимот на Груевски, кога вршеа упади по медиуми и затвораа новинари. Одма се обидоа медиумите да ги направат плен на нивните политички игри. Погледнете го случајот со новинарот Фуркан Салиу, со пендрек се обидоа да го замолчат. Сега е тој, но ќе бидат уште многу повеќе новинари доколку им се даде шанса, а тоа може да им го ускратиме само со мобилизирање на неопределените, на разочараните, на прогресивните граѓани “, рече Битиќи.

Живот

За момент избегната несреќа- бебе падна од количка во корито со нечиста вода (ВИДЕО)

На интернет се појави видео на кое се гледа како бебе од количка паднало во валкана вода и тоа на глава.

Еден маж веднаш скокнал и навреме го извлекол бебето и ја спречил трагедијата.

Свет

Тројца полицајци се застрелани од вооружен маж во Атланта

Тројца полицајци од Атланта се хоспитализирани со прострелни рани по судирот со осомничениот кој бил вооружен со пиштол и нож и бил убиен во пресметката, соопштија официјални лица.

Полицајците одговорија вчера во 17:15 часот на дојавата дека вооружен маж се наоѓа во комерцијална област во Атланта и се испоставило дека има пиштол и нож, изјави началникот на полицијата на Атланта, Дарин Шајрбаум за време на прес-конференција, пренесе АП.

„За време на пресметката дошло до тепачка, дошло до пукање во кое се повредени тројца наши полицајци. Тоа резултирало и со смрт на лице кое било вооружено со пиштол“, изјави Шајрбаум.

Тројцата полицајци со полициски патролни возила биле пренесени во Меморијалната болница Грејди.

Еден полицаец е застрелан во рамото, друг во ногата, а третиот се здобил со површна повреда, изјави Шајрбаум.

Според него, на двајца полицајци ќе им биде извршена операција.

Бирото за истраги во Џорџија ќе спроведе истрага за случајот, додаде тој.

Свет

Стотоци демонстранти во Тунис бараат датум за чесни избори по апсењата адвокати и новинари

Стотици демонстранти се собраа денеска во главниот град на Тунис барајќи ослободување на затворените новинари, активисти и опозиционери и одредување датум за фер претседателски избори.

Вчера туниската полиција упадна во зградата на адвокатската комора и ја уапси Соња Дахмани, адвокатка позната по нејзините жестоки критики кон претседателот Каис Сајед, објави Ројтерс.

Истиот ден беа уапсени и двајца новинари.

Опозицијата денеска повика да се обезбеди чиста политичка клима за гласање, што ќе опфати и укинување на ограничувањата на медиумските и политичките слободи.

„Денес нема клима за фер избори и нема датум... властите ги репресираат политичарите, адвокатите и новинарите“, рече Имед Хемири, висок функционер на партијата Енахда, филијалата на Фронтот на спасот, која го организирала протестот.

„Упадот на адвокатската комора вчера е опасен преседан што го одржува авторитарниот режим“, додаде тој.

Абир Муса, еден од најистакнатите кандидати, со месеци е во затвор, а Мондер Занаиди за евентуалните избори најави кандидатура од Франција, поради очекување дека ќе биде уапсен доколку се врати во Тунис.

Саџед, без да прецизира на кого се мисли, ги обвини потенцијалните кандидати дека се предавници и бараат заштита од странство.

Изборната комисија претходно најави дека изборите ќе се одржат навреме, но за време на првиот петгодишен мандат на претседателот, кој завршува, се уште не објавил датум.

Сајед ја презеде функцијата по слободните избори одржани во 2019 година, но презеде дополнителни овластувања две години подоцна кога го распушти избраниот парламент и се префрли на владеење со декрет.

Тој ја презеде власта и над судството, што опозицијата го окарактеризира како државен удар.

притисни ентер