Технологија

Астрономите откриле планети лесни како шеќерна волна

Нема планети во нашиот Сончев систем кои се сосема слични, но научниците сепак можат грубо да ги категоризираат.

Значи, имаме карпести како Земја, Венера, Меркур и Марс; гасовити гиганти Сатурн и Јупитер; мразни Нептун и Уран и џуџести планети, како Плутон и Сереа.

Колку и да е различна оваа група, астрономите неодамна детално анализирале една новооткриена категорија на планети што постојат во вселената - супер-пуф планети.

Од сите егзопланети што се откриени досега, само неколку, помалку од 15, се воздушни. Астрономите изучувале три млади проѕирни планети кои орбитираат околу sвезда оддалечена околу 2.600 светлосни години. Овие планети се скоро големи како нашата најголема планета Јупитер, но имаат помалку од 1% од нејзината маса.

Ова значи дека тие имаат неверојатно мала густина; тие се толку лесни што астрономите ги споредувале со волна од шеќер, пишува Science Alert.

Трите споменати проѕирни планети орбитираат околу sвездата Кеплер 51. Тие биле откриени во 2012 година, но дури во 2014 година била забележана нивната невообичаено мала густина. И сега научниците, користејќи го вселенскиот телескоп Хабл, откриле што се случува во атмосферата на вакви необични планети.

Астрономите извесно време го анализирале атмосферскиот состав на планетите околу Кеплер 51 б и Кеплер 51 д, а кога ги добиле конечните резултати, сфатиле дека атмосферата е скриена од непроѕирен слој сместен на големи надморски височини на овие планети.

"Веднаш не сфативме што се случува. Очекувавме да пронајдеме вода, но на крајот не можевме да откриеме трага од која било молекула", изјави планетарната научничка Џесика Либи-Робертс од Универзитетот во Колорадо, Болдер.

Одговорот се барал во компјутерски модели, односно во симулации кои покажаа какви атмосферски услови се можни на проѕирни планети покриени со непроѕирен слој со голема густина . Резултатите укажаа на атмосфера од водород и хелиум, а на голема надморска височина со метан.

Научниците откриле и дека овој вид планети многу брзо ја губи атмосферата, поради што веројатно проѕирните планети се толку ретки.

Бидејќи планетите околу sвездата Кеплер 51 се во раната фаза на развој, можеби оваа состојба во која потсетуваат на волна од шеќер е само привремена и подоцна ќе станат мини Нептун, најчестиот вид планета во галаксијата, а изненадувачки е што ги нема во нашиот Сончев систем.

Истражување The Featureless Transmission Spectra of Two Super-Puff Planets bit ќе биде објавено во Astronomical Journal.

Свет

Индонезија трајно ќе пресели 10.000 луѓе по серијата ерупции на вулканот Руанг

Индонезиската Влада трајно ќе ги пресели сите жители на островот Руанг, откако серијата ерупции на истоимениот вулкан предизвикаа загриженост поради опасноста од престој во иднина на истоимениот остров.

Индонезиската Влада трајно ќе ги пресели сите жители на островот Руанг, откако серијата ерупции на истоимениот вулкан предизвикаа загриженост поради опасноста од престој во иднина на истоимениот остров, соопшти денеска министерот за координација на хуманиот развој, Мухаџир Ефенди.

Околу 9.800 луѓе живеат на островот Руанг, во провинцијата Северен Сулавеси, но сите беа принудени да се евакуираат во последните неколку недели поради серија ерупции.

Властите ја подигнаа тревогата на највисоко ниво оваа недела, затворајќи го провинцискиот аеродром во Манадо и предупредувајќи за можно цунами доколку делови од планината се урнат во околните води.

Свет

Големи антивладини протести во Братислава, Словаците против планот на Фицо (ВИДЕО)

Во словачкиот главен град Братислава се собраа неколку десетици илјади граѓани да протестираат против намерата на владата на премиерот Роберт Фицо да го реформира јавниот радиодифузен сервис РТВС.

Како што пренесува „Еуроњуз“, опозицијата стравува дека властите ќе го напуштат прозападниот курс и ќе тргнат по стапките на автократот Виктор Орбан, премиер на соседна Унгарија.

Демонстрантите во Братислава веруваат дека целта на владата е да преземе целосна контрола врз јавниот медиумски сервис (телевизија и радио). Коалициската влада на популистот Роберт Фицо одлуката за реформа на јавниот медиумски сервис ја донесе на 24 април, а одлуката на парламентот каде владата го има потребното мнозинство, се очекува во јуни.

Овој план беше жестоко критикуван од словачката претседателка Зузана Чапутова, како и од новинарите, опозицијата, меѓународните медиумски организации и Европската комисија. Планот предвидува РТВС да биде заменет со нова медиумска организација.

„Демократијата во Словачка мора да има силен и независен јавен радиодифузер, РТВС, а на вработените во овој дом им треба вашата поддршка“, рече Михаел Шимечка, лидер на опозициската партија Прогресивна Словачка, на митингот што се одржа на Плоштадот на слободата во Братислава.

Планот за реформа на јавниот сервис го претстави Мартина Шимиковичова, министерка за култура која ја претставува Националната партија, ултра-националистичка членка на владејачката коалиција. Таа е позната по тоа што работи за интернет ТВ станица која шири дезинформации.

Таа тврди дека јавниот сервис им дава простор само на „мејнстрим вестите“ и ги цензурира останатите. Според планот, новиот радиодифузер Словачка телевизија и радио (СТВР) ќе има директор кој би избирал совет од девет члена назначени од парламентот во Министерството за култура.

Смер, партијата на Роберт Фицо, освои најмногу гласови на изборите во септември минатата година меѓу проруските и антиамериканските ставови.

Свет

Полицијата ги растера пропалестинските активисти од зградата на универзитетот во Париз

Полицијата денеска упадна во зградата на парискиот универзитет „Сијанс По“, и ги растера пропалестинските активисти кои протестираа против израелската офанзива во Газа.

Претходно денеска група од околу 70 студенти ја окупираа зградата на Институтот за политички науки во центарот на Париз, по неуспешните преговори меѓу студентите и администрацијата за врските на Универзитетот со Израел, јави France24.

Од кабинетот на францускиот премиер по тој повод соопштија дека одговорот на владата е силен и ќе биде во целост таков.

„Наредивме систематска реакција и интервенција на органите на прогонот за слободен пристап до универзитетите штом ќе се воспостават блокади или собири“, изјавија од кабинетот на премиерот за ТВ БФМ.

Француските медиуми објавија дека на вработените во Универзитетот денеска им било кажано да работат од дома, бидејќи универзитетските згради биле затворени.

Директорот на Институтот за политички науки вчера ги отфрли барањата на студентите за преиспитување на врските на Универзитетот со Тел Авив.

Студентите на неколку француски универзитети ги блокираа или окупираа нивните факултети по митинзите организирани на кампусите низ САД против конфликтот во Газа.

притисни ентер