Свет

„Рената“ направи хаос во Романија, во 4 области издадено и предупредување за поплави (ВИДЕО)

Бурата „Рената“ стигна и до Романија, каде што се издадени предупредувања за поплави поради силните бури и дождови, додека лапавицата се претвори во вистински зимски снег на планините.

Издадени се предупредувања за поплави за реките во шест окрузи, додека половина од земјата е под метеоролошки предупредувања за невреме и врнежи од дожд.

На планините врнежите преминаа во лапавица и снег.

Утрово снежниот слој беше 52 сантиметри во туристичката област Балеа Лак, на над 2.000 метри во планините Фагарас, каде температурата е само два степени Целзиусови, изјави за Агерпрес од Сибиу метеорологот Нарциса Милијан од Службата за метеоролошки прогнози. .

„Можно е да продолжи да паѓа снег во Балеа Лак“, изјави метеорологот.

Засега Трансфагарасан е затворен за сообраќај на делницата помеѓу Бале Каскада и Бале Лак.

Најголеми проблеми на западот од земјава предизвика ветерот кој урна дрвја и билборди.

Вработени во Службата за вонредни состојби интервенирале во повеќе градови низ Романија.

Засега нема информации за жртви.

Има драстично опаѓање на температурите низ земјата, со вредности за 15-20 степени пониски во однос на претходниот период.

Македонија

Сиљановска Давкова во Кавадарци на четвртата трибината од циклусот „Македонија повторно горда“

Денес во Кавадарци се одржа четвртата трибината од циклусот Македонија повторно горда за претставување на изборната програма на кандидатката за претседател на Република Македонија Гордана Сиљановска Давкова.

На трибината зедоа учество Сања Божиновска, Маја Кадиевска Војновиќ и Зоран Ставрески.

Гордана Сиљановска-Давкова потенцираше:

Еден амбасадор, мој пријател, често ми вели дека секогаш кога ќе појде во Кавадарци гледа нешто ново што го инспирира. Се сеќавам дека порано економската дипломатија на Македонија беше инспирација за сите соседи. За жал, последниве години не е така. Јас постојано мислам дека ако како мала земја, имате културна и спортска дипломатија, многу е важно да имате и економска дипломатија. Како претседателка, во однос на економските прашања, секогаш ќе се залагам, и кога одам надвор, и кога дочекувам званични лица, прво ќе се консултирам со економски тим. Да не говорам за средбите со стопанските комори. Не мора да влеземе во ЕУ за да ја градиме економијата, можеме и претходно. Еден од моите приоритети како претседателка ќе биде заедно со владата да поднесеме барање за итен влез во единствениот европски пазар. На тој начин, македонската економија, македонските компании, македонските институции ќе ги уживаат сите придобивки на Европскиот економски простор. Се разбира дека како претседателка ќе инсистирам и на економска соработка со дијаспората, ама мислам дека предуслов за тоа е владеењето на правото и правната држава.

Една од најважните функции на претседателот е предлагањето на гувернерот на Народната банка. Во тој дел, истакнувам дека еден одговорен претседател треба првично да се консултира со луѓе од економијата и да го избере најдобриот. Само со вистинските луѓе на вистинските места можеме да одиме напред!, објавија од тимот на Силјановска Давкова.

Свет

Германски политичар од партијата на Шолц примил мито од 300.000 евра во кеш, уапсен е

Политичар од СДП бил уапсен на 17 април како дел од меѓународна операција против банда вмешана во шверц во осум сојузни покраини во Германија.

Според полицијата и јавниот обвинител, шверцерите работеле со богаташи, претежно од Кина, на кои им „средувале“ дозволи за престој.

Како што објави Билд, висок функционер на областа Дирен, кој во меѓувреме е уапсен, шверцерите добиле поткуп со 300.000 евра во готовина.

Ова денеска го потврди портпаролот на обвинителството во Дизелдорф, откако претходно објави „Kolner Stadt-Anzeiger“.

Јавното обвинителство го обвинува политичарот дека го искористил своето влијание врз властите кога другите колеги сакале да ги отфрлат барањата на кинеските државјани за дозволи за престој во Германија.

Двајцата главни осомничени во овој случај се двајца адвокати на возраст од 42 и 46 години од областа Келн.

Според јавното обвинителство, се наведува дека нивните странски клиенти примиле повеќе од девет милиони евра за шверцерски услуги.

Бранителите на двајцата затвореници, како и адвокатите не сакале да коментираат, објави „Колнер штад-Анзајгер“.

Живот

Маж собори Гинисов рекорд во чудна дисциплини и испрати силна порака (ФОТО)

Магистер по шумарство Абубакар Тахиру (29) постави рекорд во необична дисциплина и влезе во Гинисовата книга.

За еден час прегрнал 1.123 дрвја во Националната шума Тускеги во Алабама и морал да исполни одредени услови за достигнувањето да се брои.

За да го постави рекордот, Абубакар морал да го прегрне секое дрво со двете раце, но да не предизвика никаква штета.

Не можел да прегрне ниту едно дрво повеќе од еднаш, па морал брзо да се движи, пренесува UPI.com.

Тој постел за Рамазан додека се обидувал да го постави рекордот, што му ја отежнало ситуацијата.

„Неможноста да се напие вода беше значаен предизвик. Но, и тоа на некој начин се покажа корисно, бидејќи немав потреба од паузи“, објаснил тој.

Освен што своето име го внесе во Гинисовата книга, Абубакар сакал да ја подигне свеста за важноста на дрвјата и заштитата на животната средина.

Тој се заинтересирал за екологијата додека растел во земјоделската заедница Тепа во Гана.

притисни ентер