Министерството за внатрешни работи на Египет денеска соопшти дека во познатото летувалиште Хургада  на Црвеното море денеска со нож се прободени и убиени двајца туристи од Украина, а во нападот се ранети уште четири странски туристи.

Според египетското МВР напаѓачот до познатата плажа на хотелскиот комплекс допливал од блиската јавна плажа.
Според пишувањето на локалните медиуми сите жртви во нападот се жени.

Агенцијата АП соопшти дека напаѓачот е уапсен и е на сослушување за да се утврдат причините за нападот.
Повредените туристи во нападот се пренесени во локалните болници. 

Датум на објава: петок, 14 јули 2017 во 18:47
www.kanal5.com.mk

коментари

остави коментар