Скијање

Тешко се повреди една од најдобрите скијачки, со хеликоптер е однесена во болница (ВИДЕО)

Словачката скијачка Петра Влхова се здоби со тешка повреда за време на велеслаломската трка за Светскиот куп во Јасна, на само 12 километри од нејзиниот дом.

Иако падот не изгледаше особено тежок, Влхова се лизна во заштитната ограда, каде што и се заглави скијата, поради што го истегна скочниот зглоб.

Трката била прекината дваесетина минути додека несреќната скијачка била имобилизирана и однесена со хеликоптер во болница. По нејзиниот пад, повеќето од скијачките возеле претпазливо и се забележани големи заостатоци.

Влхова е актуелна олимписка шампионка во слалом и поранешен севкупен победник на Светскиот куп и светски шампион во велеслалом. Во генералниот поредок на Светското првенство оваа сезона со 802 бода го држи второто место зад Микаела Шифрин, но лесно е можно со денешната повреда да стави крај на сезоната.

Свет

Хезболах интензивно гаѓаше воени цели на северот на Израел

Либанското движење Хезболах денеска интензивно гаѓаше воени цели во северен Израел, како одговор на израелскиот напад во кој загина локален командант на проиранското движење.

Хезболах објави дека лансирал „десетици ракети Качуша“ во воената база Мерон во северен Израел и касарната Биранит.

Бомбардирањето е одговор „на нападот на израелскиот непријател во јужен Либан“, се додава во соопштението.

Сирените за тревога се огласија во Мерон.

Израелската армија изутрината соопшти дека го убила локалниот командант на Хезболах, Хусеин Маки во напад на крајбрежниот град Тир во јужен Либан./МИА

Македонија

Утврдена кандидатската листа за член на Судскиот совет од Врховниот суд

За испразнетото место во Судскиот совет ќе се борат врховните судии Цветанка Периќ и Исамедин Лимани, чија кандидатура предизвика жестока расправија на денешната седница на советот.

Според дел од членовите, постои уставна пречка лимани да биде член поради нарушување на правичната застапеност во судскиот совет.

Македонија

Трајан Ангелоски панелист на Економскиот форум во Јахорина

„Економскиот форум Јахорина“ е водечки регионален настан од областа на економијата.

На седмиот „Економски форум Јахорина“ на тема „Западен Балкан - долгорочни развојни насоки“ од 14 до 16 мај 2024 година, претседателот на Сојуз на стопански комори на Македонија г-дин Трајан Ангелоски денес учествуваше на првиот панел "Еден регион, еден пазар".

„Економскиот форум Јахорина“ е водечки регионален настан од областа на економијата, кој од 2016 година собира врвни експерти, носители на одлуки и бизнис лидери - шефови на држави, министри, претставници на државни институции од целиот регион, успешни бизнисмени на меѓународни и регионални компании, реномирани научници, кои преку дискусија доаѓаат до релевантни заклучоци како да се подобрат јавните политики, економијата во регионот.

Ангелоски како сопственик на реномирана регионална групација од машинската индустрија која долги години работи на меѓународните пазари и член на Генералниот совет на Светската коморска федерација посочи на панелот: "Веруваме дека заедничкиот регионален пазар ќе обезбеди развој на регионалните индустрии и ќе привлече глобални инвеститори. Заедничкиот регионален пазар ќе може да има корист од зголемените можности генерирани од слободното движење на стоки, услуги, луѓе и капитал во регионот, според тоа, претставниците на приватниот сектор, особено Стопанските комори, играат клучна улога во спроведувањето на акциониот план за заеднички регионален пазар. ЕУ останува клучен партнер за Западен Балкан во спроведувањето на овој амбициозен и трансформативен акциски план, бидејќи силниот и просперитетен Западен Балкан претставува неизоставен придонес кон европската економија и безбедност и помага во обликувањето на иднината на нашиот заеднички континент".

"Јахорина економски форум" прерасна во деловен состанок посветен на анализа и дискусија за клучните економски предизвици и можности кои го обликуваат регионот. Организиран со поддршка од највисоките институции, Форумот се издвојува како клучен генератор на идеи и препораки за подобрување на економската политика,визионерите и клучните носители на одлуки за да ја обликуваат заедничката иднина на регионот.

Сојуз на Стопански комори на Македонија