Како што информираше на денешната прес-конференција, портпаролката на Судот, Христина Беловска, За Уставниот суд се неприфатливи и неосновани наводите на Судскиот совет и на Здружението на судии кои што се јавуваат како подносители во овие два предмета и кои што тврдат дека се загрозува независноста и самостојноста на судството со овие оспорени одредби.

- Според Судот, не се неуставни измените донесени на 20 февруари оваа година со кои што беа намалени коефициентите за пресметување на платите за 13 проценти, или, конкретно, пораст на просечната плата и од анализата која што ја направи, произлегува дека на судиите и членовите на Судскиот совет нема да им бидат намалени платите како што се тврди, туку ќе им бидат зголемени, но за минимален износ, рече Беловска.

Судот оценил дека тие и натаму земаат плата која што одговара на нивниот статус, улога и дигнитет и нивната материјална состојба не е влошена.

- Нивната материјална сигурност не е загрозена како што се тврди во наводите, бидејќи тие влегуваат во групата на јавни функционери кои примаат највисоки плати во државата, дополни таа.

Според нив, намалувањето на коефициентите е извршено врз основа на закон што, како што дополни, значи дека се неосновани наводите дека се прави упад во судската власт, бидејќи Собранието е она кое што е надлежно да ги носи законите.

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство, поднесе кривична пријава против Б.Б., полициски службеник во Полициската станица за граничен надзор Пехчево при Регионалниот центар за гранични работи Исток, поради постоење основи на сомнение за сторено кривично дело „малтретирање во вршење на службата“.

Како што информираат од МВР, на 13.04.2024, при преземање службени дејствија, пријавениот неовластено и прекумерно употребил физичка сила и извршил физичко насилство врз машко лице од с.Чифлик, пехчевско, при што со гумена палка-пендрек му нанел телесна повреда.

Воедно најавуваат дека Одделот за внатрешна контрола, криминалистички истраги и професионални стандарди ќе поднесе и предлог за поведување постапка за утврдување на дисциплинска одговорност и Б.Б. ќе биде суспендиран од работното место до завршување на постапката и ќе му биде одземено службеното оружје и муниција.

Соединетите држави охрабруваат продолжување на дијалогот на релација Скопје- Софија – ова е одговорот кој од американскиот Стејт Департмент го дале за Гласот на Америка на прашањето дали Бугарија со блокадата на земјава ги загрозила интересите на САД во регионот. Во одговорот каде дополнително се бара и почитување на Преспанскиот договор со Грција, се додава и дека САД ќе продолжат со поддршката на евроатлантските аспирации на земјава.

„Охрабруваме продолжување на дијалогот меѓу С.Македонија и Бугарија, кој е вкоренет во заедничката заложба за иднината на С. Македонија како полноправна членка во ЕУ“. – велат од Стејт Департментот.

Ваквата позиција на САД доаѓа во време кога ВМРО-ДПМНЕ и ВРЕДИ најавуваат дека ќе ги почекаат изборите во Бугарија во јуни, а потоа ќе отворат дијалог со новата влада во Софија, за да се најде начин да продолжат евроинтергациите на земјава..

Во меѓувреме, Премиерот на техничката влада Димитар Главчев и денеска упати порака дека Македонија мора да ги почитува договорите.

-Бугарија повеќепати изјави дека е за европската перспектива пред нив, но тие мора да чекорат по патот, доколку имаат таква желба, да станат членки на ЕУ, но тоа оди преку почитување на сите договори. Нема во никаков случај ние да сме пречка за Македонија да влезе во ЕУ, повторувам под услов да ги почитуваат сите договори од 2022 година досега, - Димитар Главчев – Технички премиер на Бугарија.

Бугарија идниот месец повторно оди на шести по ред предвремени избори во изминатите три години. Ваквиот тек на настаните доаѓа откако пропадна владата на ГЕРБ и Продолжуваме со промената, а веднаш потоа беше избрана техничка влада.