Македонија

Знаеме ли доволно за жртвата и херојството на илинденците?

Промената на наставните програми во образованието дава се помалку простор за значењето на Илинден и Илинденското востание во Македонија, алармира историчарката Катерина Тодороска од Институтот за национална историја.

Промената на наставните програми во образованието дава се помалку простор за значењето на Илинден и Илинденското востание во Македонија, алармира историчарката Катерина Тодороска од Институтот за национална историја и предупредува дека доколку проодлжи ваквиот тренд младите се помалку ќе знаат за херојските настани врз кои почива денешна независна Македонија..

„Првиот Илинден камен-темелник на темелот, а вториот Илинден, 1944 година, е надградба на темелот, односно новите камења на темелот на македонската држава. Така што не можеме да го одвоиме Илинден од македонската држава и македонскиот народ“

„Според новите наставни програми, младите не само што нема да знаат, туку воопшто нема да се спомнува Илинден. Ние ќе добиеме една аморфна маса од нашите идни генерации кои нема да знаат ниту за Илиден 1903-та година, ниту за 1944 година. - Катерина Тодоровска.

По барање на Софија, Комисијата за историски прашања досега неколкупати на маса го имаше предлогот за заедничко чествување на Илинден на Македонија и Бугарија, но досега согласност за такво нешто не е постигната..

Според Тодоровска, ваквото барање на нашиот источен сосед нема основа и никаква допирна точка со историјата во Македонија.

-Нема никаква потреба да се слави Илинденското востание со Бугарија затоа што нема допирна точка. Нивната потреба Илинденското востание да го поистоветат со Преображенското, кое се случува во Тракија, нема допирна точка со Илинденското. Има начин – да се прекинат преговорите и еднаш засекогаш да кажеме дека достоинството не ни е на продажба.“- Катерина Тодоровска.

Инаку, Илинденското востание започнало на 2-ри август 1903 година во Крушево и околу 800 востаници го ослободиле градот од труски аскер, при што по два дена Никола Карев ја прогласил Крушевската република. Истата треале само 10 дена, кога градот бил пеплосан од 18 илјадната османлиска војска под команда на Бахтијар паша. Во борбите загинале околу 1000 луѓе, а последната херојска битка била на Мечкин Камен.

Идеалот на Илинденците, кончено го оставриле асномците, 41 година подоцна, кога во Прохор Пчеински ги удриле темелите на македонската држава.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер