Жители од град близу Москва во паника- мислеле дека ги напаѓа Украина, а се снимал филм (ВИДЕО)

Жителите на Твер, град на околу 160 километри северно од Москва, утрово се разбудија и имаа што да видат - колони воени возила со украински знамиња кои патролираат низ градот.

Првата мисла им била дека се нападнати.

„Морам да кажам дека ова е надреално“, рече еден возач кој ја објави снимката на интернет. Тој додаде дека е нервозен и не знае што се случува. Но, вистината била сосема поинаква од она што го мислеле жителите, пишува британски Телеграф. Тоа беше сет на руската екипа за претстојниот филм за украинската војна. „Музичарот“ би требало да биде првиот филм за конфликтот што започна кога Русија ја нападна Украина во февруари.

Сцените од Твер брзо станаа хит на социјалните мрежи. „Воените возила со украински знамиња ги исплашија жителите на Твер“, објави опозициската руска новинска служба на својот канал на Телеграм. „Излегува дека снимањето на филмот Музичарот се одвива во градот. Дејството и заплетот се одвиваат во денешна Украина.

Не е јасно дали филмот е поврзан со групата Вагнер, поддржана од Кремљ, чии платеници себеси се нарекуваат „музичари“.

Иако Москва претходно го негираше нивното постоење, од почетокот на војната групата Вагнер стана мејнстрим и сега отворено регрутира низ цела Русија. Има дури и седиште во стаклен облакодер во Санкт Петербург.

Ова не беше првпат руските актери да предизвикаат возбуда преправајќи се дека се дел од украинската армија. Во градот Калуга, околу 200 километри јужно од Москва, група мажи облечени во униформи на украинската армија се преправаа дека заземаат театар на почетокот на овој месец.

Тие зеле еден човек како заложник и се чини како брутално да го малтретираат на сцената. Потоа бил одведен зад сцената, каде што наводно бил убиен во лажна егзекуција. Чинот беше дел од драматична изведба дизајнирана да ги шокира жителите, изјавија подоцна продуцентите.

Пошумување на Глишички рид во Кавадарци

Пошумување на Глишички рид се реализираше денеска во близина на Кавадарци, акцијата беше во организација на кавадаречката локална  самоуправа, во соработка со еколошкото друштво ,,Еко - живот" и ученици од трите средни училишта во градот. 

Доне Илов, раководител на сектор за животна средина при Општината, рече дека шеста година по ред, се посадуваат садници на ерозивни подрачја.

- Пролетва ќе бидат продадени околу 2.5 илјади садници. Овојпат посадуваме багрем, додаде тој.

Претседателот на ,,Еко - живот", Роберто Паризов апелираше и други субјекти во општината, да се вклучат во вакви и слични еколошки акции.

Кавадаречкиот градоначалник Митко Јанчев рече дека последниве години во Општина Кавадарци се реконструираше целата постоечка јавна зелена површина, но се подигнаа и нови, на повеќе локации, со вкупна површина од над 130.000 метри квадратни.

- По цели 60 години со целосен автоматски систем за наводнување и нови содржини, реконструиран е Градскиот парк Љупчо Шкартов. Кавадарчани добија и нов парк, Киро Крстев, изграден според сите светски стандарди и богат со урбана опрема и зеленило. Во паркот на револуцијата пак, никна нов Дендро парк, богат со разновидни видови на растенија.

Исто така и локалитетот 12 Ваташки младинци е целосно хортикултурно уреден, појасни тој.

Шеста година по ред, додаде, секоја пролет и есен се пошумуваат и околните ерозивни подрачја што го напаѓаат градот.

- Три години се пошумуваше на Журов дол во село Ваташа, во изминатите три години таму се посадија 40.000 садници од чемпрес и багрем. Изминатите две и оваа веќе трета година, се пошумува на локалитетот Глишички рид, каде беа посадени досега 15.000 садници. Во ова пролетно пошумување, ќе се посадат уште 2.500 садници на багрем, а на есен се планира помасовно садење од 5.000 садници, информираше Јанчев.

Уапсени петмина новинари од независни медиуми во Русија

Петмина новинари кои работат за независни медиуми се уапсени синоќа и денеска во Русија, јави невладината организација ОВД-Инфо, специјализирана за следење на репресијата во таа земја.

Околу полноќ полицијата ги приведе Екатерина Аникијевиќ од медиумот СОТА Вижн и Константин Жаров од РусЊуз, соопшти таа организација.

Жаров бил тепан од полицијата и му се заканувале со сексуално насилство, пренесе организацијата.

„Ме шутираа, ми ја ставаа ногата на глава, ми ги вртеа прстите, ме исмејуваа кога се обидов да станам“, рекол Жаров. Како што пренесува неговиот медиум Русњуз, тој кажал дека има повреда на главата, гребаници, изместени прсти и исчашувања.

Тој рече дека насилството било предизвикано поради снимањето во станот на другата новинарка Антонина Фаворскаја од СОТА Вижн, која синоќа била приведена веднаш по ослободувањето по 10 дена притвор поради непочитување на полицијата.

Синоќа е претресен станот на таа новинарка, како и нејзините родители, изјави нејзиниот адвокат Миахил Бирјуков.

Уште две новинарки, Александра Астахова и Анастасија Мусатова, кои дојдоа да ја земат својата колешка на излегување од затвор, исто така се приведени и однесени на распит, јави СОТА Вижн.

Вратен и третиот мандат за формирање влада, следат нови избори во Бугарија

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

притисни ентер