Жестоки реакции за поскапувањето на струјата

Партии, синдикати и здруженија се кренаа на нозе по одлуката за поскапување на струјата за 7,4%.. 

Поскапувањето на струјата за 7,4 проценти дигна на нозе голем број синдикати и здруженија, а лавина реакции пристигнаа и од партиите.

Од ВМРО-ДПМНЕ обвинија дека зголемувањето на цената на електричната енергија е последица на скапите тендери во РЕК и партиските и непотистичките вработувањата во енергетските компании.

По ова со реакција се јавија од СДСМ од каде велат дека штетите врз енергетскиот систем ги нанело ВМРО-ДПМНЕ во времето кога лидерот на партијата Мицкоски му бил советник на тогашниот премиер Груевски, цената на струјата пораснала за 100 проценти, а евтината струја укината.

“ Одлуката за корекцијата на цената на струјата е донесена од страна на независно, професионално тело, регулаторната комисија за енергетика, за да се задржи функционалноста на енергетскиот систем во вакви вонредни состојби предизвикани од последиците на коронакрозата. Со корекцијата на цената, Македонија и натаму има една од најниските цени на електрична енергија во регионот и воEвропа. ”, стои во реакцијата на СДСМ.

Со порака дека струјата не смее да поскапи реагираа од Левица и од ДОМ.. Од партијата на Апасиев одлуката ја оценија како ненародна , а од зелените велат деак поскапувањето ќе биде дополнителен товар врз буџетот на граѓаните.Преиспитување на одлуката побараа и неколку синдикати и здруженија.. Велат дека револтира што таа се носи во екот на најголемата криза од поновото време, кога илјадници луѓе остануваат без работа или добиваат намалување на платите, како и во период кога се обелоденуваат разни малверзации од страна на фирми кои добивале државна помош а не исплаќале плати на вработените.

Броењето по новата тарифа треба да почне од септември. Како причина за поскапувањето од регулаторна го наведуваат тоа што електро енергетските компании побарале цената да се зголеми, поради зголемите трошоци и ударот од коронакризата.

Најмалку петмина уапсени пред белоруската амбасада во Москва

Најмалку пет лица се уапсени за време на вечерашниот протест пред белоруската амбасада во Москва.

По двочасовните мирни протести против резултатите од претседателските избори во Белорусија, руската полиција растури група од 200 демонстранти и уапси најмалку пет лица, јавува ТАСС.

По објавувањето на резултатите од претседателските избори во Белорусија, на кои сегашниот претседател Александар Лукашенко освои повеќе од 80 проценти од гласовите, избувнаа протести во целата земја.

За време на тридневните протести во Минск и другите белоруски градови, едно лице загина, а повеќе од 6.000 лица се уапсени.

Малолетната ќерка на Моника Белучи стана заштитен лик на Долче и Габана

Познатиот бренд Dolce & Gabbana има нова муза - тоа е 15-годишната Дева Касел, ќерка на италијанската актерка Моника Белучи и францускиот актер Винсент Касел, која се чини дека има светла иднина во светот на модата.

Тинејџерката, која очигледно ја наследи безвременската убавина од нејзината убава мајка, деновиве снимаше кампања за новиот парфем „D&G“ Shine на бреговите на италијанското езеро Комо во провинцијата Ломбардија.

Секако, присуството на Дева предизвика голем интерес кај папараците и медиумите, а нејзината благосостојба и безбедност внимателно ги следеа грижливите родители - иако се разведоа во 2013 година, Моника и Винсент учествуваат подеднакво во воспитувањето на 15-годишната Дева и нејзината петгодишна сестра Леони.

\

Дева дефинитивно се обидува да ја заштити својата приватност во секое време и е многу внимателна со објавите на социјалните мрежи, но за жал, и таа неодамна се најде под оган од злонамерните интернет тролови кои почнаа да шират озборувања за тоа како таа се подложува на козметичка хирургија, т.е. ја обвинија дека ги зголемила усните.

- Ве молам, јас сè уште немам 16 години ... Нормално е тинејџерите да поминат низ физички промени, особено на оваа возраст. Никогаш не размислував за каква било постапка и знам дека моите родители никогаш не би го дозволиле тоа. Човечкото тело се менува, затоа ве молам уште еднаш, размислете пред да започнете да ширите бесмислени, глупави и лажни вести за младите – им одговори Дева.

Шпанија забрзано гради болница поради зголемениот број заболени од корона

Бројот на нови случаи на коронавирус во Шпанија денеска се зголеми за скоро 1.700, а во овие бројки не е опфатен Мадрид, кој не даде информации заради технички проблеми.

Од укинувањето на строгите рестриктивни мерки пред шест недели, Шпанија се обидува да го спречи ширењето на коронавирусот.

Иако просечниот дневен број на заразени лица бил помалку од 150 во јуни, околу 1.500 нови случаи се регистрираат секој ден во првите 12 дена од август.

Како резултат, војската брзо гради нова полска болница во Сарагоса, главниот град на Арагон, регион кој сега е жариште на коронавирусот.

притисни ентер