Македонија

Жестоки реакции во Софија по изјавата на Николовски за изоставувањето на македонското знаме

По бугарското МНР, и Кабинетот на Радев се огласи со реакција за изјавата на македонскиот вицепремиер и министер за транспорт Александар Николоски.

По бугарското МНР, и Кабинетот на Радев се огласи со реакција за изјавата на македонскиот вицепремиер и министер за транспорт Александар Николоски кој во интервјут за Алфа ТВ нашиот источен сосед го нарече нецивилизиран домаќин за изоставувањето на македонските знаме при посетата на претседателката Сиљановска на Софија. Велат дека за „цивилизираноста на македонската влада допрва ќе се оценува според тоа дали ќе продолжи да биде дел од, како што ги нарекуваат, кампањите на поттикнување на омраза кон Бугарија, како и од способноста да ги почитува меѓународните договори.

Изјавата на Николоски предизвика бура од рекации кај сите политички партии во Бугарија, а Бојко Борисов побара и негова оставка..

„Очигледно со тие луѓе, пријателски средби дури и поврзани со операта, не треба да има, надвор од официјалните, ако се прават. Доколку се прават јасно да се каже што мисли едната или другата држава. / За јазикот кој го користат има само едно извинување, а тоа е оставка на тој министер (Николоски) и ако не го направат тоа, ниту претседател, ниту премиер, ниту министри, ниту партии треба да се гледаат и да разговараат со нив.“

Македонско-бугарските односи се главна тема и во тамошното Собрание... Најжесток во својата реторика беше, пратеникот од Има таков народ, Тошко Јорданов кој Македонија ја нарече територија, а Македонците како народ ќе исчезнат.

„Тие (Македонците) се дел од бугарската историја и може да се согласиме дека имаат нешто како историја од 1944 -45 година, кога ги создаваат по коминтерновска линија. Имаат историја како територија. Како народ немаат, затоа што се дел од бугарската историја. Посетата кај претседателот Радев на таа дама, која се води како амбасадор на територијата која е наречена Северна Македонија е неофицијална, таму нема потреба да се ставаат знамиња. Македонскиот народ тие се нормални луѓе. Актуелните луѓе на власт не се. И во крајна линија тие (Македонците) ќе исчезнат, Бугарија е поголемата држава, вистината е на нашата страна и ќе чекаме да исчезнат, ние нема да брзаме. “

На прозивките преку видео обраќање одговори вицепремиерот Александар Николоски. Тој на Борисов му одговара дека политичари осомничени за криминал и корупција не се достојни од него да бараат оставка. Повторува дека останува зад кажаното.

„Нивното занимавање со Македонија, всушност покажува дека ниту сакаат добрососедство, ниту сакаат Македонија да стане член на Европската Унија, уште по малце да напредува кон Европската Унија. Тие сакаат да ја блокираат Македонија и да ја користат Македонија како своја предизборна тема. / Од мене бараат оставка политичари кои што се обвинети за криминал и корупција, политичари кои што ги видовме на слики како спијат на кревет покрај пачки со злато и стотици илјади евра во девизии. Такви ли политичари ќе бараат оставка од мене?

Извинете господа, ама вие не сте достојни да побарате оставка од мене.“

За изоставувањето на македонското знаме на средбата Сиљановска-Радев, реагираше и македонското МНР, но официјална Софија остана на објаснувањето дека тоа било неофицијална посета, на која според нив, немало потреба од поставување на македонското знаме.

Забава

Видео: Новинар го удира Трамп со микрофон во лице, многумина ја коментираат неговата реакција

На социјалните мрежи вирално стана видео на кое се гледа како американскиот претседател Доналд Трамп го удира репортерка со микрофон во лицето за време на прес-конференција.

Инцидентот се случи додека Трамп одговараше на прашања на новинарите за време на кратката прес-конференција во заедничката база Ендрјус во Мериленд. Беше прашан за ситуацијата во Газа, кога микрофон, одеднаш влезе во кадарот и го удри право во лицето.

Трамп за момент вкочането ја погледна новинарката, кревајќи ги веѓите, но брзо се смири и вниманието од прашањето го пренасочи кон шега.

"Таа вечерва стана телевизиска ѕвезда. Само што стана голема ѕвезда, нели? Дали го видовте тоа?" Трамп коментираше пред камерите, прекинувајќи го својот одговор на сериозно прашање.

Регион

Вучиќ: Сакам да го изразам моето задоволство што се одржа голем протест без жртви

Обраќање на српскиот претседател Александар Вучиќ по денешните масовни протести.

Во името на сите граѓани на Србија и како претседател на Србија сакам да го изразам моето задоволство што се одржа голем протест, со негативна енергија, гнев и гнев кон властите во Србија, без да има жртви или сериозни повредени“, рече Вучиќ.

Вучиќ изјави дека се повредени околу 56 лица, но никој не е тешко повреден, а повредениот на плоштадот Никола Пашиќ не е во животна опасност.

Вкупно 44 лица се во Ургентниот центар, 11 во Клиничката болница Звездара“, рече Вучиќ.

„Исто така, сакам да кажам дека се срамни обвинувањата дека некој употребил звучен топ, прикажувајќи војници и членови на „Кобра“ како тоа што го држат да е звучен топ - рече тој.

Претседателот на Србија нагласи дека сите лица кои учествувале во уништувањето ќе бидат приведени и ќе одговараат за криминални дела.

-Горд сум на фактот што 99 отсто од студентските блокатори не сакаа инциденти, рече Вучиќ.

Регион

Пленковиќ отпуштен од болница по операција на срцето, в понеделник се враќа на работа

Хрватската влада соопшти дека премиерот од понеделник ќе се врати на редовните активности, пренесува Вечерњи лист.

Хрватскиот премиер Андреј Пленковиќ попладнево, околу 17 часот, беше отпуштен од Клиничкиот болнички центар во Загреб (КБЦ) , каде што синоќа беше примен на лекување заради повремено нарушување на срцевиот ритам (аритмија) и каде имаше хируршка интервенција.

Хрватската влада соопшти дека премиерот од понеделник ќе се врати на редовните активности, пренесува Вечерњи лист.

„Постапката на која беше подложен на Пленковиќ синоќа беше планирана порано и помина добро, а по излегувањето од болница си замина дома и во понеделник ќе се врати на редовните обврски и партиски активности“, посочуваат од хрватската Влада.

Според програмата, во понеделник хрватскиот премиер и лидер на ХДЗ треба да ги посети обновените згради во Загреб, кои беа уништени во земјотресот пред пет години, и да присуствува на комеморацијата за претседателот на Врховниот суд Радован Доброниќ, а потоа и на состанокот на ХДЗ на округот Вараждин и на комеморацијата на 35-годишнината од основањето на ХДЗ.

притисни ентер