Македонија

Зголемен прометот во индустријата за 21 отсто

Прометот во индустријата во периодот јануари – август 2021 година во однос на истиот период лани е зголемен за 21,1 отсто, соопшти Државниот завод за статистика.

Во август 2021 година, пак, во однос на август 2020 година прометот бележи раст од 7,5 отсто.

Според главните индустриски групи, вкупниот промет во индустријата во август 2021 година во однос на август 2020 година, бележи пораст кај Интермедијарни производи, освен енергија за 39,8 отсто и Tрајни производи за широка потрошувачка за 16,5 отсто, додека опаѓање бележи кај Капитални производи за 4,7 проценти и Нетрајни производи за широка потрошувачка за 8,6 отсто.

Прометот во индустријата во август 2021 година во однос на јули 2021 година е намален за 3,3 проценти.

Прометот во индустријата на домашниот пазар во август 2021 година во однос на август 2020 година е зголемен за 14,1 процент. Според главните индустриски групи, прометот во индустријата на домашниот пазар во август 2021 година, во однос на август 2020 година, бележи пораст кај Интермедијарни производи, освен енергија за 16,3 отсто, Капитални производи за 26,4 и Нетрајни производи за широка потрошувачка за 12,8, додека опаѓање бележи кај Tрајни производи за широка потрошувачка за 0,1 процент.

Прометот во индустријата на домашниот пазар во август 2021 година во однос на јули 2021 година е намален за 5,4 отсто, додека во периодот јануари – август 2021 година во однос на периодот јануари – август 2020 година е зголемен за 5,8 проценти.

Прометот во индустријата на странските пазари во август 2021 година во однос на август 2020 година бележи раст од 4,9 отсто. Според главните индустриски групи, прометот во индустријата на странските пазари во август 2021 година, во однос на август 2020 година, бележи пораст кај Интермедијарни производи, освен енергија за 49,7 отсто и Tрајни производи за широка потрошувачка за 29,8, додека опаѓање бележи кај Капитални производи за 5,3 и Нетрајни производи за широка потрошувачка за 23,9 отсто.

Прометот во индустријата на странските пазари во август 2021 година во однос на јули 2021 година е намален за 1,8 отсто, додека во периодот јануари – август 2021 година во однос на периодот јануари – август 2020 година е зголемен за 25 проценти.

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА

притисни ентер